Éxodo 40:35 - CHUYA QELLQA La Biblia en Quechua de Ayacucho 2012

³⁵ Chaymi carpaman Moisés mana yaykuyta atirqachu chaypa hawanpi puyu kasqanrayku, Diospa atiynin carpaman huntaykusqanrayku.

Quechua Ayacucho Bible 1987

³⁵ Chaymi Moises karpaman mana yaykuyta atirqachu chaypa hawanpi puyu kasqanrayku. Tayta Diospa kanchayninmi huntarurqa yachanan karpaman.

Chuya Qellqa 1992

³⁵ Chaymi carpaman Moisés mana yaykuyta atirqachu chaypa hawanpi puyu kasqanrayku, Diospa atiynin carpaman huntaykusqanrayku.

Éxodo 40:35 Iomraidhean Croise

1~Reyes 8:10

Templomanta llapa sacerdotekuna lloqsimuptinkum, Tayta Diospa wasinman puyu huntaykurqa.

1~Reyes 8:11

Temploman chay puyum huntarusqanraykum llapa sacerdotekunapas imam ruwanankuta saqerurqaku, Tayta Diospa atiynin chay wasiman huntaykusqanrayku.

2~Crónicas 7:2

chayraykum sacerdotekunapas Tayta Diospa templonman mana yaykuyta atirqakuchu.

Éxodo 16:10

Israelpa mirayninkunata Aarón rima-payachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Éxodo 29:43

Chaypim Israelpa mirayninkunawan tupasaq, hinaptinmi chaypi tarikusqayrayku chay sitioqa ñoqallapaqña sapaqchasqa kanqa.

Isaías 4:5

Tayta Diosmi unanchanqa, Sión moqopi yachaqkunapa hawanpi, chaypi huñunasqa llaqtapa hawanpi, punchawpi rupaypaq yana puyuta, tutayaypi kanchananpaqñataq lenwachkaq ninata. Chaynapim Tayta Diospa atiyninqa, llaqtanta toldo hina qataykunqa,

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 6:4

Chayna qaparisqankuwanmi punkupa pilarninkunapas katkatatarqa, qosniñataqmi temploman huntaykurqa.

Ezequiel 10:4

Chaymi Tayta Diospa kanchariynin chay querubinkunapa hawanmanta hoqarikuruspan templopa punkunman rirqa, hinaspam temploman huntaykurqa, Tayta Diospa kanchariyninmi chay patiotapas huntaykurqa.

Ezequiel 43:4

Tayta Diospa kanchariyninmi chay temploman intipa qespimunan law punkunta yaykumurqa.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Números 7:89

Diosman asuykuna carpamanmi Moisés yaykurqa Dioswan rimananpaq, hinaptinmi chunkantin kamachikuykuna waqaychana Arcapa tapanmanta otaq querubinkunapa chawpinmanta Moisesta Tayta Dios rimapayamuq. Chaynatam Moiseswan Tayta Dios rimaq.

Números 9:15

Diospa yachanan carpata otaq chunkantin kamachikuy waqaychana carpata sayarirachiptinkum chay carpata puyu tapaykurqa. Tutaykuqmanta achikyaqkamañataqmi nina hina kancharqa.

Apocalipsis 15:8

Temploñataqmi Diospa kanchariyninmanta hinaspa atiyninmanta lloqsimuq qosniwan huntasqa karqa. Chay templomanqa manam pipas yaykuyta atirqakuchu, qanchis angelkunapa apasqan qanchis castigokuna tukunankama.