Éxodo 40:34 - CHUYA QELLQA La Biblia en Quechua de Ayacucho 2012

³⁴ Hinaptinmi Diosman asuykuna carpata puyu tapaykuptin Tayta Diospa atiynin carpaman huntaykurqa.

Quechua Ayacucho Bible 1987

³⁴ Karpata puyu tapaykuptinmi Tayta Diospa kanchaynin huntaykurqa chay *f**yachananman.

Chuya Qellqa 1992

³⁴ Hinaptinmi Diosman asuykuna carpata puyu tapaykuptin Tayta Diospa atiynin carpaman huntaykurqa.

Éxodo 40:34 Iomraidhean Croise

2~Samuel 7:6

Egipto nacionmanta Israelpa mirayninkunata hurqomusqay punchawmantam kunankama templopiqa mana yacharqanichu, aswanqa carpallapi yachastinmi purirqani.

2~Crónicas 5:13

Trompetakunata tocaspankum llapallanku huklla takispanku Tayta Diosta hatunchaspa graciasta qorqaku. Trompetakunata, platillokunata hinaspa huk rikchaq tocanakunata tocaspankum kaynata takirqaku: “Kuyakuq kasqanraykuyá Tayta Diosta yupaychaychik, kuyakuyninqa wiña-wiñaypaqmi”, nispanku. Hinaptinmi Tayta Diospa templonman puyu huntaykurqa.

2~Crónicas 7:2

chayraykum sacerdotekunapas Tayta Diospa templonman mana yaykuyta atirqakuchu.

Éxodo 14:24

Yaqa pacha achikyaqtañam Egipto runakunapa tropanta, sayanpa ninamantawan puyumanta Tayta Dios qawarispa chaqwanarachirqa,

Éxodo 16:10

Israelpa mirayninkunata Aarón rima-payachkaptinmi chunniq lawta qawarirqaku, hinaptinmi Tayta Diospa kanchaynin puyupi kachkasqa.

Éxodo 25:8

Hinaspam huk santuariota ruwapuwanki qamkuna ukupi yachanaypaq.

Éxodo 29:43

Chaypim Israelpa mirayninkunawan tupasaq, hinaptinmi chaypi tarikusqayrayku chay sitioqa ñoqallapaqña sapaqchasqa kanqa.

Éxodo 33:9

Carpaman Moisés yaykuptinmi sayanpa puyu uraykamuspan carpapa punkunpi sayaykuq, chaynapim Moiseswan Tayta Dios rimaq.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 6:4

Chayna qaparisqankuwanmi punkupa pilarninkunapas katkatatarqa, qosniñataqmi temploman huntaykurqa.

Ezequiel 10:4

Chaymi Tayta Diospa kanchariynin chay querubinkunapa hawanmanta hoqarikuruspan templopa punkunman rirqa, hinaspam temploman huntaykurqa, Tayta Diospa kanchariyninmi chay patiotapas huntaykurqa.

Levítico 16:2

Wawqeki Aaronta niy, carpapi “Chuyay-chuyay” lugarmanta “Chuya” lugarta rakinaq velopa qepanmanqa otaq Arcapa tapanpa ñawpaqninmanqa ama sapa kutilla yaykunanpaq, chaynapi ama wañurunanpaq. Ñoqam Arcapa tapanpa hawanpi puyupi sutillata rikurisaq.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Hageo 2:9

Kay templopa sumaq kayninqa, punta kaq templopa sumaq kayninmantapas aswan hatunmi kanqa. Hinaptinmi hawkayayta kay allpapi qosqaykichik. Tukuy Atiyniyuq Tayta Diosmi chaynata nin.

Números 7:89

Diosman asuykuna carpamanmi Moisés yaykurqa Dioswan rimananpaq, hinaptinmi chunkantin kamachikuykuna waqaychana Arcapa tapanmanta otaq querubinkunapa chawpinmanta Moisesta Tayta Dios rimapayamuq. Chaynatam Moiseswan Tayta Dios rimaq.

Romanos 9:4

Paykunaqa Diospa churichakuykusqan Israelpa mirayninkunam. Diosmi hatu-hatun sumaq kayninta paykunaman qawachirqa, hinaspam pactota ruwarqa, leytawan promesankunata qospanmi imaynam yupaychanankupaq yachachirqa.

Apocalipsis 15:8

Temploñataqmi Diospa kanchariyninmanta hinaspa atiyninmanta lloqsimuq qosniwan huntasqa karqa. Chay templomanqa manam pipas yaykuyta atirqakuchu, qanchis angelkunapa apasqan qanchis castigokuna tukunankama.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.