Éxodo 4:21 - CHUYA QELLQA La Biblia en Quechua de Ayacucho 2012

²¹ Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Quechua Ayacucho Bible 1987

²¹ Chaymantam Moisesta Tayta Dios nirqa: —Egipto nacionman kutispaykiqa amam qonqankichu chay rurachisqay llapallan milagrokuna Faraonpa qayllanpi rurayta. Ñoqañataqmi sonqonta rumiyarachisaq runaykunata mana kacharinanpaq.

Chuya Qellqa 1992

²¹ Chaymantam Moisesta Tayta Dios nirqa: Egipto nacionman kutispaykiqa amam llapallan milagrokuna ruwachisqaytaqa qonqankichu, Faraonpa qayllanpim ruwanki. Runaykunata mana kacharinanpaqmi sonqonta rumiyarachisaq.

Éxodo 4:21 Iomraidhean Croise

Génesis 6:3

Chaymi Tayta Dios nirqa: Manam wiñaypaqchu espirituyqa runakunapi kanqa, cheqaptapunipas payqa runallam, pachak iskay chunka watallatañam kawsanqa, nispa.

1~Reyes 22:22

Chay espirituñataqmi nirqa: “Lloqsispaymi llapa profetankunata llullakunata rimachisaq”, nispa. Chaymi Tayta Dios nirqa: “Arí, atinkim pantachimuyta, rispayá chaynata ruwaramuy”, nispa.

Éxodo 10:1

Tayta Diosmi Moisesta nirqa: Faraonpa qayllanman yaykuy, paypa sonqontawan serviqninkunapa sonqontam rumiyarachini, chaynataqa ruwaruni paykunaman señalniykunata qawachinaypaqmi.

Éxodo 10:20

Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunataqa ma-na kacharirqachu.

Éxodo 10:27

Ichaqa Tayta Diosmi Faraonpa sonqonta rumiyarachirqa, chayraykum mana kachariyta munarqachu.

Éxodo 11:10

Moiseswan Aaronmi tukuy kay admirakuypaq kaqkunata Faraonpa ñawpaqninpi ruwarqaku. Ichaqa Tayta Diosmi Faraonpa sonqonta rumiyarachirqa, chaymi Israelpa mirayninkunata Egipto nacionmanta mana kacharirqachu.

Éxodo 11:9

Chaymantam Moisesta Tayta Dios nirqa: Faraonqa manam kasusunkichikchu, chaynapim Egipto nacionpi admirakuypaq ruwasqaykunata qawachikusaq, nispa.

Éxodo 14:17

Ñoqam Egipto runakunapa sonqonta rumiyarachisaq qepaykichikta qatiykamusunaykichikpaq, chaynapim Faraonpi, lliw tropankunapi, carretankunapi hinaspa caballopi riqkunapi atiyniyta qawachikuspay hatunchasqa kasaq. Chayraqmi Egipto runakuna yachanqaku ñoqa Tayta Dios kasqayta.

Éxodo 14:4

Qatimusunaykichikpaqmi Faraonpa sonqonta rumiyarachisaq, hinaspam Faraonpa chaynataq tropankunapa qayllanpi atiyniyta qawachikusaq. Hinaptinmi Egipto runakuna yachanqaku ñoqa Tayta Dios kasqayta, nispa. Chaymi Israelpa mirayninkuna chaynata ruwarqaku.

Éxodo 14:8

Tayta Diosmi Egipto nacionpi rey Faraonpa sonqonta rumiyarachirqa, hinaptinmi Israelpa mirayninkunata qatirqaku. Israelpa mirayninkunaqa atiywanmi lloqsirqaku.

Éxodo 3:19

Aswanqa yachanim Egipto nacionpi reyqa mana kacharisunaykichikta, kacharisunkichikqa atiyniywan hurqoptiyñam.

Éxodo 3:20

Ichaqa Ñoqam atiyniywan Egipto runakunata tukuy rikchaq admirakuypaq ruwayniykunawan castigasaq, chaymantañam Faraonqa kachaykusunkichik.

Éxodo 7:13

Chaywanpas Tayta Diospa nisqanman hinam Faraonpa sonqon rumiyarurqa, chaymi paykunata mana kasurqachu.

Éxodo 7:3

Ichaqa ñoqam Faraonpa sonqonta rumiyarachisaq, hinaspaymi Egipto nacionpi achka-achka señalkunatawan admirakuypaq kaqkunata ruwasaq.

Éxodo 8:11

Karyakunam qanmanta, palacioykimanta, serviqnikikunamanta hinaspa runaykikunamanta pasakunqa. Mayullapiñam kanqa, nispa.

Éxodo 8:15

Faraonmi ichaqa chaykunamanta libreña tarikuspan, sonqonta aswanraq rumiyarachispan Tayta Diospa nisqanta mana kasukurqachu.

Éxodo 8:32

Ichaqa Faraonmi sonqonta aswanraq rumiyarachispan Israelpa mirayninkunata mana kachariyta mu-narqachu.

Éxodo 9:12

Ichaqa Tayta Diosmi Moisesman nisqanpi hina Faraonpa sonqonta rumiyarachirqa, hinaptinmi paykunata mana kasurqachu.

Éxodo 9:35

Faraonpa sonqonmi rumiyarurqa, chaynapim Israelpa mirayninkunata mana kacharirqachu, Moisesnintakama Tayta Diospa nisqanman hina.

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Isaías 63:17

Dios Taytalláy, ¿imanasqataq ñannikimanta kachaykuwaspaykiku sonqoykuta rumiyarachinki manaña qamta manchakunaykupaq? Serviqniki Israelpa mirayninkunaraykuyá kutimuwayku.

Juan 12:40

Runakunatam Dios ñawsayarachirqa, paykunapa sonqontam rumiyachirqa, chaynapi mana rikukunankupaq, chaynapi mana entiendenankupaq, chaynapi mana kutirikamuwanankupaq, chaynapi mana sanoyachinaypaq, nispa.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 9:18

Chaynam Diosqa munarispaqa pitapas kuyapayarin. Chaynataqmi munarispaqa pipa sonqontapas rumiyachin.

2~Corintios 2:16

chinkasqakunapaqmi ichaqa wañunankupaq wañuchikuq asnay hina, salvakuqpaqñataqmi kawsay qokuq asnariy hina. ¿Pitaq kachkan kayta ruwananpaq hinaqa?

Deuteronomio 2:36

Arnón mayu patanpi Aroer llaqtamanta chaynataq wayqopi kaq llaqtamanta Galaad lawpi llaqtakunakamam mayqan llaqtapas mana imanayta atiwarqanchikchu, Señorninchik Tayta Diosmi llapallanta munaychakunanchikpaq qoykuwarqanchik.

Josué 11:20

Kikin Tayta Diosmi chay runakunapa sonqonta rumiyarachirqa Israelpa mirayninkunapa contranpi hatarinankupaq, chaynapi Israelpa mirayninkuna puchukachinankupaq, imaynam Moisesman Tayta Diospa kamachisqanman hina.

1~Pedro 2:8

Kaytapas nintaqmi: “Paymi mitkana rumi hinaspa urmachikuq hatun rumi”, nispapas. Paykunaqa Diospa palabranta mana kasukusqankuraykum mitkarunku, chaypaqqa citasqañam karqaku.