Éxodo 4:13 - CHUYA QELLQA La Biblia en Quechua de Ayacucho 2012

¹³ Chaymi Moisés nirqa: ¡Ay, Señorlláy! Hukta kamachiyqa, ama ñoqatachu, nispa.

Quechua Ayacucho Bible 1987

¹³ Chaymi Moises nirqa: —¡Ay Señorllay! Pim kachanaykitayá kachayqa —nispa.

Chuya Qellqa 1992

¹³ Chaymi Moisés nirqa: ¡Ay, Señorlláy! Hukta kamachiyqa, ama ñoqatachu, nispa.

Éxodo 4:13 Iomraidhean Croise

Génesis 24:7

Tayta Diosmi taytaypa wasinmanta, aylluykunapa llaqtanmanta hurqomuwaspan jurawarqa: Kay allpatam miraynikikunaman qosaq, nispa. Paymi angelninta ñawpaqnikita kachanqa, churiypaq warmita wakmanta pusamunaykipaq.

Génesis 41:35

Chaynaqa, kay hamuq allin wata-kunapiyá qampa qawasqaykita llapallan kawsayta huñuchunku. Llapa trigokunatayá sapa llaqtapi taqechunku, muchuy tiempopi runakuna mikunankupaq.

Génesis 48:16

Tukuy mana allinmanta libraqniy angelyá kay warmakunata bendecichun. Ñoqapa sutiy, taytay Abrahampa sutin chaynataq taytay Isaacpa sutinpas paykunantakama yuyarisqa kachun. Kay pachapiyá sinchillataña mirachunku”, nispa.

1~Reyes 19:4

Payñataqmi chunniqninta huk punchaw puriyta pasakurqa, chaypim retama sachapa sikinpi tiyaykuspan wañuyta munaspan nirqa: Dios Taytalláy, kaykamallañayá kawsasaq, wañurachiwayña, manam ñawpaq taytaykunamanta aswan allinninchu kani, nispa.

Éxodo 23:20

Ñoam ñawpaqnikita angelniyta kachani, risqaykipi waqaychasunaykipaq chaynapi allichapusqay sitioman chayachisunaykipaq.

Éxodo 4:1

Chaymantam Diosta Moisés nirqa: Paykuna mana creewaspa, “Tayta Diosqa manam rikurisurqankichu”, nispa mana kasuwaptinkuqa ¿ima nisaqtaq? nispa.

Éxodo 4:12

Chaynaqa, kunan riy, ñoqam rimachiqniki kasaq, ñoqataqmi imam rimanaykitapas yachachisqayki, nispa.

Éxodo 4:14

Hinaptinmi Moisespaq Tayta Dios llumpayta piñakuspan nirqa: Ñoqaqa reqsinim Leví ayllumanta wawqeki Aaronta, paymi rimanqa. Paymi taripamusuchkanki, qawaykususpaykim sonqonpi kusikunqa.

Jeremías 1:6

Ñoqañataqmi kaynata nirqani: ¡Ay, Señor, Dios Taytalláy, ancha warmaraqmi kani, manaraq rimay yachaqmi kani! nispay.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jonás 1:3

Jonasñataqmi mana kasukuspan Tayta Diosmanta lluptispan Tarsis lawman ayqekurqa, hinaspanmi Jope llaqtaman chayaruspan, Tarsis lawman lloqsiq barcota tariykuspan, pasajentapas pagaykuspa Tayta Diosmanta ayqekurqa.

Jonás 1:6

Chaymi barcopa capitannin asuykuspan Jonasta nirqa: ¿Imanasqataq qamqa puñukuchkanki? ¡Hatarispayki Diosnikita qayakuy! Ichapas llakipayariwaptinchik mana chinkaruchwanchu, nispa.

Mateo 13:41

Runapa Churinmi angelninkunata kamachinqa, hinaptinmi munaychakuyninmanta llapa huchasapakunatawan runamasin pantachiqkunata huñunqaku,

Juan 6:29

Jesusñataqmi nirqa: Diospa munasqan ruwayqa paypa kachamusqanpi iñiymi, nispa.

Jueces 2:1

Gilgal llaqtamanta Boquim lawman Tayta Diospa angelnin rispanmi Israelpa mirayninkunata nirqa: Ñoqam Egipto nacionmanta hurqo-murqaykichik, hinaspam ñawpaq tay-taykichikman prometispa qosqay allpaman pusamurqaykichik. Paykunamanmi nirqani: “Qamkunawan pacto ruwasqaytaqa manam yanqachasaqchu,