Éxodo 4:11 - CHUYA QELLQA La Biblia en Quechua de Ayacucho 2012

¹¹ Hinaptinmi Tayta Dios nirqa: ¿Pitaq runaman simita qorqa? ¿Pitaq mana rimaqta, mana uyariqta, qawakuqta hinaspa ñawsata unancharqa? ¿Manachu ñoqa Tayta Dios?

Quechua Ayacucho Bible 1987

¹¹ Hinaptinmi Tayta Dios payta nirqa: —¿Pitaq runaman simita qorqa? ¿Pitaq unancharqa mana rimaqta, mana uyariqta? ¿Pitaq unancharqa qawakuqta hinaspa ñawsata? ¿Manachu ñoqa Tayta Dios?

Chuya Qellqa 1992

¹¹ Hinaptinmi Tayta Dios nirqa: ¿Pitaq runaman simita qorqa? ¿Pitaq mana rimaqta, mana uyariqta, qawakuqta hinaspa ñawsata unancharqa? ¿Manachu ñoqa Tayta Dios?

Éxodo 4:11 Iomraidhean Croise

Génesis 11:7

Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Génesis 18:14

¿Kanmanchu Diospaq imapas mana ruway atinan? Wataman kunan hinatam huktawan watukamusqayki, chaypaqqa Sarapas wawayuqñam kanqa, nispa.

Proverbios 20:12

Uyarikunapaq rinritapas, qawakunapaq ñawitapas, iskaynintam Tayta Dios unancharqa.

Isaías 42:7

Ñawsakunapa ñawinta kichanaykipaq, carcelpi kaqkunata hurqonaykipaq, tutayay calabozopi tiyaqkunata hurqonaykipaq, nispa.

Isaías 6:7

Chaywan simiyta tupaykachispanmi niwarqa: Kunanmi simikita kay sansa tupaykun, mana allinkuna ruwasqaykitam qechurun, huchaykikunapas pampachasqañam, nispa.

Jeremías 1:6

Ñoqañataqmi kaynata nirqani: ¡Ay, Señor, Dios Taytalláy, ancha warmaraqmi kani, manaraq rimay yachaqmi kani! nispay.

Jeremías 1:9

Hinaspanmi Tayta Diosqa makinta haywariykamuspan, simiyta llapchaykuspan niwarqa: Kunanmi palabraykunata simikiman churani.

Ezequiel 33:22

Jerusalén llaqtamanta lluptimuqpa chayamusqanpa ñawpaqnin tutatam makinta Tayta Dios ñoqaman churaykurqa; hinaptinmi chay runapa chayamusqan achikyaqtañataq mana rimaq kachkaptiy Tayta Dios huktawan simiyta kichaykurqa.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Lucas 1:20

Chaynaqa, nisqaykunata mana creesqaykiraykum churiki nacenankama mana rimaq kanki. Kay nisqaykuna cumplikunankamam mana rimankichu, nispa.

Lucas 1:64

Chayllamanmi Zacariaspa simin kicharikururqa, qallunpas paskarikururqam, hinaspam Diosta yupaycharqa.

Juan 10:21

Wakiqninñataqmi nirqaku: Demoniopa huntasqanqa manam kaynataqa rimanmanchu. Demonioqa manataqmi ñawsataqa qawarichinmanchu, nispanku.