Éxodo 39:7 - CHUYA QELLQA La Biblia en Quechua de Ayacucho 2012

⁷ Chay rumikunatam efodpa hombronman churarqaku, chaykunataqa churarqaku Israelpa mirayninkunata yuyarinankupaqmi. Moisesman Tayta Diospa kamachisqanman hinam ruwarqaku.

Quechua Ayacucho Bible 1987

⁷ Chay iskay alhaja rumikunatam churarqaku efodpa hombronpa hawanpi, chaytaqa churarqaku Israelpa mirayninkunata Tayta Dios mana qonqarunanpaqmi, Moisesman Tayta Diospa kamachisqanpi hinamá rurarqaku.

Chuya Qellqa 1992

⁷ Chay rumikunatam efodpa hombronman churarqaku, chaykunataqa churarqaku Israelpa mirayninkunata yuyarinankupaqmi. Moisesman Tayta Diospa kamachisqanman hinam ruwarqaku.

Éxodo 39:7 Iomraidhean Croise

Nehemías 2:20

Ñoqañataqmi paykunata nirqani: Hanaq pachapi munaychakuq Diosmi yanapawanqaku, ñoqayku serviqninkunaqa hatarispaykum perqasaqku. Qamkunaqa ama chapukamuwaykuchu, manataqmi Jerusalén llaqtayuqchu kankichik, nispa.

Éxodo 28:12

Chay iskay alhaja rumikunatam efodpa hombron-pa hawanpi churanki, chaynapi Israelpa mirayninkunata ama qonqarunaypaq. Aaronmi iskaynin hombronpi paykunapa sutinkunata apanqa, chaynapim ñawpaqniyman hamuptin mana qonqasaqchu.

Éxodo 28:29

Aaronmi sapa kuti “Chuya” sutiyuq lugarman yaykuspan qasqonpa hawanpi apanqa, Israelpa churinkunapa chunka iskayniyuq sutinkunata, pectoralpi ñawpaqniyman apamuwaptinmi mana qonqasaqchu.

Éxodo 28:7

Efodta hapinanpaqmi iskaynin hombronkunapi tirantekuna kanqa.

Marcos 14:9

Cheqaptapunim nikichik, kay pachapi maypipas Diosmanta allin noticia willakusqa kaptinmi kay warmipa ruwasqanpas willakusqa kanqa, chaynapi paymanta yuyarinankupaq, nispa.

Josué 4:7

hinaptinqa kaynatam ninkichik: “Jordán mayum iskayman rakikururqa, Tayta Diospa pacto ruwasqan Arcapa ñawpaqninpi. Chayraykum kay rumikunaqa churasqa kachkan Israelpa mirayninkuna wiñaypaq yuyarinankupaq”, nispa.