Éxodo 39:30 - CHUYA QELLQA La Biblia en Quechua de Ayacucho 2012

³⁰ Ruwarqataqmi sacerdoteta sapaqchananpaq qorimanta letrerotapas. Chay letreropim sellowan hina qellqarqaku “Tayta Diospaq sapaqchasqa”, niqta.

Quechua Ayacucho Bible 1987

³⁰ Rurarqataqmi sacerdoteta sapaqchananpaq qori puromanta huk letrerotapas. Chay letreropim sellopi hina qellqarqa “TAYTA DIOSPAQ SAPAQCHASQA” niqta.

Chuya Qellqa 1992

³⁰ Ruwarqataqmi sacerdoteta sapaqchananpaq qorimanta letrerotapas. Chay letreropim sellowan hina qellqarqaku “Tayta Diospaq sapaqchasqa”, niqta.

Éxodo 39:30 Iomraidhean Croise

Éxodo 26:36

Carpapa punkunpaqñataqmi suma-sumaq bor-dasqa telamanta ruwanki; chay tela-taqa ruwanki morado, grosella, guindo qaytumantam hinaspa kawpusqa linomantam.

Éxodo 39:29

chumpitapas sumaq kuruyuqta, kawpusqa linomanta, morado qaytumanta, grosella qaytumanta hinaspa guindo qaytumantam ruwarqaku, imaynam Moisesman Tayta Diospa kamachisqanman hina.

Éxodo 39:31

Hinaspam morado qaytumanta huk cordonta churarqaku chaywan mitrapa hawanman watanankupaq, imaynam Moisesman Tayta Diospa kamachisqanman hina.

Zacarías 14:20

Chay punchawpim caballokunapa esquelankunapipas kay qellqa qawakunqa: “Tayta Diospaq Sapaqchasqam” niq qellqa. Tayta Diospa templonpi kaq mankakunapas, altarpa ñawpaqninpi kaq tazonkuna hinam Tayta Diospaq sapaqchasqa kanqa.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 1:3

Paymi Diospa rikchaynin kasqanrayku Diospa kanchariyninta qawachiwanchik. Paymi atiyniyuq palabranwan kamachispan tukuy imakunata takyachin. Payqa huchanchikkunata mayllaykuspanmi Diospa alleq lawninpi tiyaykurqa.

Hebreos 7:26

Payqa ñoqanchikpa allinninchikpaq Sumo sacerdotem, payqa chuyam, mana chikan huchayuqmi, mana qachayuqmi, huchasapakunamanta sapaqchasqam hinaspa cielokunapa hawanman churasqam kachkan.

Apocalipsis 5:10

Diosniykupaqmi munaychakuq sacerdotekunataña ruwawarqankiku, chaymi kay pachapi munaychakusaqku”, nispanku.