Éxodo 38:21 - CHUYA QELLQA La Biblia en Quechua de Ayacucho 2012

²¹ Moisés kamachikuptinmi Leviypa mirayninkuna sacerdote Aaronpa churin Itamarpa yanapasqan, Diospa pacto ruwasqan Arcata waqaychana carpata ruwaypi hayka materialkunam yaykusqanta cuentata hurqorqaku.

Quechua Ayacucho Bible 1987

²¹ Moises kamachikuptinmi sacerdote Aaronpa churin Itamar dirigirqa Leviypa mirayninkunata. Payqa dirigirqa Diospa *f**yachanan karpa ruraypi otaq Chunkantin Kamachikuypa kasqan karpa ruraypi imakunam yaykusqan cuenta apanankupaqmi.

Chuya Qellqa 1992

²¹ Moisés kamachikuptinmi Leviypa mirayninkuna sacerdote Aaronpa churin Itamarpa yanapasqan, Diospa pacto ruwasqan Arcata waqaychana carpata ruwaypi hayka materialkunam yaykusqanta cuentata hurqorqaku.

Éxodo 38:21 Iomraidhean Croise

1~Crónicas 6:3

Amrampa churinkunam karqa: Aarón, Moisés hinaspa María. Aaronpa churinkunam karqa: Nadab, Abiú, Eleazar hinaspa Itamar.

2~Crónicas 24:6

Hinaptinmi sumo sacerdote Joiadata qayachimuspan rey nirqa: ¿Imanasqataq llapa levitakunata mana hikutarqankichu Judá nacionmantawan Jerusalenmanta impuestokunata apamunankupaq? Chaytaqa Tayta Diospa serviqnin Moiseswan Israel runakunam tanteanakurqaku Diosman asuykuna carpaman apamunankupaq, nispa.

Jobwan Sutichasqa Libro 11:4

Qanmi ninki: “Yachachisqaykunaqa allinpunim, ñoqaqa Diospa qayllanpipas chuyam kani”, nispa.

Jobwan Sutichasqa Libro 22:23

Tukuy Atiyniyuq Diosman kutirikuspaqa hoqarisqam kanki, ñakariytapas wasikimantam suchurichinki.

Jobwan Sutichasqa Libro 26:1

Jobñataqmi nirqa:

Éxodo 25:16

Chay Arcapim waqaychanki chunkantin kamachikuykuna qosqayta.

Éxodo 26:33

Chay velotam ganchokunaman warkunki, hinaspam chay velopa qepanman chunkantin kamachikuyniy waqaychana Arcata apaykunki. Chaynapim chay veloqa “Chuya” sutiyuq lugarmanta “Chuyay-chuyay” sutiyuq lugarta rakinanqa.

Éxodo 38:20

Carpapa estacankunatapas hinaspa patiopa muyuriqninpi estacakunatapas lliwtam broncemanta ruwarqa.

Éxodo 38:22

Judá ayllumanta kaq Hurpa willkan hinaspa Uripa churin Bezaleelqa ruwarqa Moisesman Tayta Diospa lliw kamachisqanman hinam.

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Éxodo 6:23

Aaronmi casarakurqa Aminadabpa churin hinaspa Naasonpa panin Elisabetwan. Paymi wachakurqa Nadabta, Abiuta, Eleazarta hinaspa Itamarta.

Números 1:50

Paykunatam churanki ñoqaman asuykamuwananku carpata, servicionkunata chaynataq tukuy imankunatapas nanachikunankupaq. Paykunam yachanay carpata hinaspa llapallan servicionkunata apanqaku, carpapa muyuriqninpitaqmi samanqakupas.

Números 1:53

Leví ayllum ichaqa santuariopa muyuriqninpi samanqa, chaynapim Israel ayllukunapa contranpi ñoqa Tayta Dios mana piñakusaqchu. Chaynaqa, Leví ayllukunam ñoqaman asuykamuwananku carpata nanachikunankupaq, nispa.

Números 10:11

Iskay kaq watamanña yaykuchkaptinkum, chay watapa iskay kaq killapa iskay chunka kaq punchawninpi, Tayta Diosman asuykuna carpapa hawanmanta puyu hoqarikururqa.

Números 18:2

Ñoqaman asuykamuwanaykichik carpapi qanwan churikikuna serviwaspaykichikqa Leví aylluykichikkunawanmi yanapachikunkichik.

Números 24:5

Jacobpa mirayninkuna, ¡mayna kuyayllapaqmi carpaykikunaqa! Israelpa mirayninkuna, ¡mayna kuyayllapaqmi yachanaykikunaqa!

Números 9:15

Diospa yachanan carpata otaq chunkantin kamachikuy waqaychana carpata sayarirachiptinkum chay carpata puyu tapaykurqa. Tutaykuqmanta achikyaqkamañataqmi nina hina kancharqa.

Mateo 17:4

Chaymi Jesusta Pedro nirqa: Señorlláy, ¡allinmi kaypi kayniykuqa! Munaptikiqa kimsa chukllakunatayá ruwarusaqku, hukta qampaq, hukta Moisespaq, huktañataq Eliaspaq, nispa.

Hechos 7:44

Ñawpaq taytanchikkunam Dioswan huñunakunanku carpata chunniqpi hatarichirqaku. Chaytaqa ruwarqaku imaynam Diospa kamachisqanman hinaspa Moisesman qawachisqanman hinam.

2~Corintios 5:1

Yachankichikmi, sichum purmaruq wasi hinalla kay cuerponchik chinkaruptinqa Diosmi hanaq pachapi wiña-wiñaypaq wasita ruwapuwachkanchik, chayqa manam runapa makinwan ruwasqachu.

Hebreos 8:2

Payqa cheqap Chuyay-chuyay lugarpim sacerdotekunapa ruwananta ruwachkan, kikin Diospa ruwasqan carpapi, chaytaqa manam runachu ruwarqa.

Hebreos 9:11

Cristom ichaqa hamurunña, payqa mana haykapipas tukuq allin kaqkunapa Sumo sacerdoten kaspanmi allin chuya carpaman yaykurun, chay carpaqa manam runakunapa ruwasqanchu nitaqmi kay pachallamanta kaqchu.

2~Pedro 1:13

Kawsanaykamaqa deberniymi kaykunamanta qamkunata rimapayaspa qaqchanay.

Apocalipsis 11:19

Hanaq pachapi Diospa templon kichakuykuptinmi pacto ruwanan Arcapas rikukurqa. Hinaptinmi karqa llipyaykuna, qapariykuna, rayokuna, terremotokuna, karqataqmi sinchi runtu parapas.

Apocalipsis 15:5

Kaykunapa qepantañataqmi rikurqani Diosman asuykuna carpa kichakuykuqta.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.