Éxodo 36:2 - CHUYA QELLQA La Biblia en Quechua de Ayacucho 2012

² Moisesmi Bezaleelta hinaspa Aholiabta qayarqa, qayarqataqmi Tayta Diospa yachay qosqan llapallan yachayniyuq runakunatapas; chay runakunaqa kikillankumantam imapas ruwaypi yanapakunankupaq prometekurqaku.

Quechua Ayacucho Bible 1987

² Moisemá qayarqa Bezaleelta hinaspa Aholiabta, qayarqataqmi Tayta Diospa curiosidad qosqan llapallan yachayniyoq runakunatapas, chay runakunaqa kikillanmantam ofrecekurqaku chay imapas ruraypi yanapakunankupaq.

Chuya Qellqa 1992

² Moisesmi Bezaleelta hinaspa Aholiabta qayarqa, qayarqataqmi Tayta Diospa yachay qosqan llapallan yachayniyuq runakunatapas; chay runakunaqa kikillankumantam imapas ruwaypi yanapakunankupaq prometekurqaku.

Éxodo 36:2 Iomraidhean Croise

1~Crónicas 28:21

Kayqaya llapa sacerdotekunawan levitakunapas Tayta Diospa templonpi servikunankupaq tupachisqaña kachkanku, paykunam ruway tukunaykikama yanapasunki; kikinkumanta ofrecekuqkunapas yanapasunkim, kachkanmi tukuy ima ruwayta yachaq maestrokunapas. Llapa kamachikuqkunawan llapa runakunapas makillaykipim kachkanku, nispa.

1~Crónicas 29:5

Qoritam qoni qorimanta kaqkunapaq, qollqetañataqmi qollqemanta kaqkunapaq, chaykunawan templopa servicionkunata artesanokuna ruwanankupaq. Chaynaqa, ¿pitaq kunan qamkunamanta Tayta Diospa templonpaq ofrenda qoykuyta munanman? nispa.

Éxodo 25:2

Ofrendakunata apamuwanankupaq Israelpa mirayninkunata niy. Haykam voluntadwan chaynataq sonqomanta apamusqankutam chaskinkichik.

Éxodo 25:40

Chaykunataqa ruwanki Sinaí orqopi qawachisqayman hinam.

Éxodo 28:3

Chaynaqa, yachaywan huntachisqay llapallan maestrokunata nimuy Aaronpa pachanta ruwanankupaq; chaynapi Aaronqa sapaqchakusqay sacerdotey kananpaq.

Éxodo 31:6

Bezaleelta yanapananpaqmi Dan ayllumanta kaq Ahisamacpa churin Aholiab sutiyuq runata qoni. Llapallan maestrokunamanmi yachayta qoni, chaynapi qanman tukuy kamachisqayta ruwanankupaq.

Éxodo 35:10

Qamkunamantam yachayniyuq maestrokuna hamunqa, hinaspam ñoqa Tayta Diospa tukuy kaykuna kamachisqayta ruwanqa:

Éxodo 35:2

“Soqta punchawmi tukuy ruwayta ruwankichik, qanchis kaq punchawñataqmi ñoqapaq sapaqchaspa samankichik, pipas chay punchawpi llamkaqqa wañunqapunim.

Éxodo 36:1

Chaynatam Bezaleelwan Aholiabpas hinaspa lliw maestrokunapas ruwanqaku, imaynam Tayta Diospa yachay qosqanman chaynataq yuyay qosqanman hina, chaynapi Tayta Diospa kamachisqanman hina carpapi tukuy ima serviciokunata allinta ruwanankupaq.

Éxodo 36:3

Paykunam Moisesmanta Israelpa mirayninkunapa lliw ofrenda apamusqankuta chaskirqaku, chaywan carpapi serviciokunata ruwanankupaq. Israelpa mirayninkunaqa hinallam ofrendankuta sapa punchaw apamuqku.

Hechos 14:23

Sapa iglesiapim ancianokunata churarqaku, hinaspankum ayunowan chaynataq Diosta mañakuspanku iñisqanku Señorpa makinman churarqaku.

Colosenses 4:17

Wawqenchik Arquipotapas niychiktaqyá Señorninchik Jesucristopa kamachisqanta paypa sutinpi ruwayman churananpaq.

Hebreos 5:4

Manam pipas kikillanmantaqa Sumo sacerdoteqa kanmanchu, aswanqa kanman Aarón hina Diospa qayasqan kaqkunallam.