Éxodo 35:21 - CHUYA QELLQA La Biblia en Quechua de Ayacucho 2012

²¹ Chaymantam tukuy sonqomanta Tayta Diosman ofrenda qoqkuna ofrendankuta apamurqaku, chaynapi Diosman asuykuna carpata, tukuy servicionkunata hinaspa Diosta servina pachakunata ruwanankupaq.

Quechua Ayacucho Bible 1987

²¹ Sapakamam sonqonmanta voluntadniyoqkuna hamurqaku Tayta Diosman ofrendanku qoq, hamurqakutaqmi maestrokunapas Diosman asuykuna karpata, tukuy servicionkunata hinaspa Dios servina pachakunata ruranankupaq.

Chuya Qellqa 1992

²¹ Chaymantam tukuy sonqomanta Tayta Diosman ofrenda qoqkuna ofrendankuta apamurqaku, chaynapi Diosman asuykuna carpata, tukuy servicionkunata hinaspa Diosta servina pachakunata ruwanankupaq.

Éxodo 35:21 Iomraidhean Croise

2~Samuel 7:27

Israelpa yupaychasqan Tukuy Atiyniyuq Dios Taytalláy, qanmi kay serviqnikita mirayniyuqta ruwawanaykipaq niwarqanki. Chayraykum kay serviqnikiqa mañakamunaypaq kallpanchakullani.

1~Crónicas 28:2

Chaymi sayariykuspan rey David nirqa: Kuyasqay llaqtalláy, wawqellaykuna uyariwaychik: Ñoqam Tayta Diospa pacto ruwasqan Arcata churanapaq templo ruwayta munarqani, chaymanta Tayta Dios munaychakunanpaq. Chaypaqmi tukuy imakunatapas alistarurqaniña.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:14

Ichaqa, ¿pitaq ñoqaqa karqani, pitaq llaqtaypas, chaynapi tukuy kaykunata qanman ofrecemunaykupaqqa? Tukuy imapas qamllapam, qanmanta chaskisqallaykutam qoykikupas.

1~Crónicas 29:3

Tukuy ima alistasqaymantapas, Diosniypa templonta kuyasqayraykum kikiypa kaqmantapas qoni: Qorita, qollqeta,

1~Crónicas 29:8

Alhaja rumiyuq kaqkunapas, ruminkutam Tayta Diospa templonpaq Gersonpa miraynin Jehielman qorqaku.

1~Crónicas 29:9

Chay qosqankuwanmi llapa runakuna kusikurqaku, tukuy sonqomanta Tayta Diosman qosqankurayku, rey Davidpas anchatam kusikurqa.

Esdras 2:68

Ayllukunapi wakiqnin kamachiqninkunam Jerusalenpi Tayta Diospa templonman chayaruspanku, ofrendankuta qorqaku Diospa templonpaq, chaynapi templota maymi kasqanpi musoqmanta hatarichinankupaq.

Esdras 7:27

Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Éxodo 25:2

Ofrendakunata apamuwanankupaq Israelpa mirayninkunata niy. Haykam voluntadwan chaynataq sonqomanta apamusqankutam chaskinkichik.

Éxodo 35:20

Israelpa mirayninkunam Moisespa qayllanmanta lloqsirqaku.

Éxodo 35:22

Qarikuna warmikuna hamuspankum sonqomanta apamurqaku tipakunata, aretekunata, sortijakunata, brazaletekunata chaynataq qorimanta tukuy rikchaq alhajakunatapas. Sapakamam apamurqaku Tayta Diosman ofrecekusqanku qori ofrendankuta.

Éxodo 35:26

Haykam sonqonkupi ruway munaq warmikunaqa cabra pelotam puchkarqaku.

Éxodo 35:29

Israelpa mirayninkunam, qaripas warmipas tukuy sonqonkumanta llapa imata apamurqaku, Moisesta Tayta Diospa kamachisqanman hina ruwanankupaq. Tayta Diosmami Tukuy sonqomanta ofrendankuta apamurqaku.

Éxodo 35:5

Tayta Diospaq ofrendata huñuychik, tukuy sonqomantam Señorpaq apamunkichik: Qorita, qollqeta, bronceta,

Éxodo 36:2

Moisesmi Bezaleelta hinaspa Aholiabta qayarqa, qayarqataqmi Tayta Diospa yachay qosqan llapallan yachayniyuq runakunatapas; chay runakunaqa kikillankumantam imapas ruwaypi yanapakunankupaq prometekurqaku.

Proverbios 4:23

Tukuy ima waqaychasqaykimantapas, aswanqa sonqoykitayá waqaychay, chaymantam imayna kawsaypas lloqsimun.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Mateo 12:34

¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman.

2~Corintios 8:12

Pipas cheqapta qoyta munaptinqa, kapuqninman hina qosqan ofrendatam Diosqa chaskinqa. Diosqa manam mañanchu mana kapuqniyuqmantaqa.

2~Corintios 9:7

Sapakamayá sonqonpi tanteasqanman hina qochun, amayá llakikuspachu nitaq obligasqa hinachu, Diosqa kusikuywan qoqtam kuyan.

Jueces 5:12

¡Rikchariy Débora, rikchariy! ¡Rikcharispayki takikunata takiy! Abinoampa churin Barac, hatarispayki presochasqaykikunata apay.

Jueces 5:3

¡Llapa reykuna, uyariychik! ¡Kamachikuqkuna, uyariychik! Ñoqam Tayta Diosman takisaq, Israelpa Diosninmanmi takisaq.

Jueces 5:9

Israelpa capitanninkunawanmi sonqoyqa kachkan, guerraman rinankupaq kikillankumanta hatariqkunawanmi sonqoyqa kachkan. ¡Tayta Diosta llapallaykichik yupaychaychik!