Éxodo 34:7 - CHUYA QELLQA La Biblia en Quechua de Ayacucho 2012

⁷ Ñoqaqa waranqantin miraykunakama kuyapayakuqmi kani, mana allin ruwaqtapas, mana kasukuqtapas, huchallikuqtapas pampachaykuqmi kani. Huchayuq runatam ichaqa, Tayta-mamakunamanta qallaykuspa willkanpa willkankunakama castigasaq”, nispa.

Quechua Ayacucho Bible 1987

⁷ Ñoqaqa waranqantin miraykunapa mirayninkama kuyapayakuqmi kani, mana allin ruraqtapas mana kasukuqtapas hinaspa huchallikuqtapas pampachaykuqmi kani. Culpayoq runatam ichaqa castigasaq. Tayta-mamakunamanta qallaykuspam castigasaq churinkunata, willkankunata hinaspa willkanpa willkankunata.

Chuya Qellqa 1992

⁷ Ñoqaqa waranqantin miraykunakama kuyapayakuqmi kani, mana allin ruwaqtapas, mana kasukuqtapas, huchallikuqtapas pampachaykuqmi kani. Huchayuq runatam ichaqa, Tayta-mamakunamanta qallaykuspa willkanpa willkankunakama castigasaq”, nispa.

Éxodo 34:7 Iomraidhean Croise

Génesis 19:16

Lot mana utqayman lloqsiptinmi, Tayta Diospa kuyapayakuyninman hina, chay iskaynin angelkuna Lotta, warminta hinaspa iskaynin warmi churinkunata makinmanta aysaspa llaqtamanta hawaman hurqorqaku.

1~Reyes 8:30

Kay serviqnikipa chaynataq Israelpa mirayninkunapa mañakusqaykutayá uyariykullawayku. Kay wasikimanta mañakamuptiykumá hanaq pacha wasikimanta uyariykamullawankiku hinaspa pampachaykullawankiku.

1~Reyes 8:32

qanmi hanaq pachamanta uyariykamuspa serviqnikikunata juzganki, mana allin ruwaqtapas castigaspaykim mana allin ruwasqanman hina pagapunki, mana huchayuqmanmi ichaqa allin ruwasqanman hina pagapunki.

2~Crónicas 30:9

Sichum Tayta Diosman kutirikuptikichikqa aylluykichikkunata hinaspa churikichikkunata preso apaq enemigokunam llakipayarispan kay allpaman kutichimunqaku. Yupaychasqanchik Tayta Diosqa llakipayakuq hinaspa kuyapayakuqmi, payman kutirikuptikichikqa manam saqesunkichikchu, nispa.

Nehemías 1:5

kaynata mañakurqani: Hanaq pachapi munaychakuq Diosnilláy, qamqa hatun manchakuypaq Diosmi kanki, pacto ruwasqaykita mana qonqaqmi kanki, kuyasuspayki kamachisqaykikuna kasukuqtaqa kuyapayaqmi kanki.

Nehemías 9:32

Dios Taytallayku, qamqa tukuy atiyniyuqmi kanki, manchakuypaq atiyniyuqmi kanki, pacto ruwasqaykitawan hatun kuyakuynikita cumpliqmi kanki. Llapa reyniykupas, kamachiqniykupas, sacerdoteykupas, profetaykikunapas, taytaykupas chaynataq llapa runakunapas ñakarisqankutaqa amayá asllapaqqa hapiychu. Chaykunam pasawarqaku Asiria nacionniyuq reykunapa tiemponmanta kunankama.

Jobwan Sutichasqa Libro 10:14

Huchallikusqay otaq mana huchallikusqaytapas yachanaykipaqmi qawawarqanki, chaynapi huchaymanta mana pampachawanaykipaq.

Éxodo 23:21

Paypa nisqanta uyarispa kasukuy hinaspa ama contranpiqa hatariychu; payqa ñoqapa rantiypim kachkan, mana kasukuptikichikqa manam pampachasunkichikchu.

Éxodo 23:7

Llullakuspa yanqamanta tumpakuqmanqa amam hukllawakunkichu, amataqmi mana huchayuq runataqa wañuyman sentenciankichu. Huchayuqtaqa castigasaqpunim.

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Jeremías 30:11

Ñoqa Tayta Diosmi nini: Qanwanmi kachkani salvanaypaq, preso kasqayki nacionkunatapas llapallantam purmarachisaq, qamtam ichaqa mana purmachisqaykichu, chaywanpas huchaykimantaqa castigasqaykipunim.

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Jeremías 9:24

Pipas alabakuyta munaspaqa alabakuchun ñoqa reqsiwasqanmanta, ñoqa Tayta Dios kasqayta yachasqanmanta, kuyapayakuywan allin arreglo ruwaq kasqaymanta, kay pachapi allinkuna ruwaq kasqaymanta; chayna ruwaytam ñoqaqa munani. Ñoqa Tayta Diosmi chaynata nini.

Daniel 9:4

Tayta Diosta mañakuspaymi huchaykumanta kaynata willakurqani: Hatu-hatun manchakuypaq Señor Diosnilláy, kasuqnikikunawan pacto ruwasqaykita cumpliqmi kanki, kamachikuynikikuna kasukuqta kuyapayaykuqmi kanki.

Daniel 9:9

Ñoqaykuqa manam kasurqaykikuchu, Señor Diosnillayku llakipayaykuwaspaykikum huchaykutapas pampachaykunki.

Miqueas 6:11

¿Imaynataq pampachayman suwakuq balanzatawan mana cabal pesota hatalliq runataqa?

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Nahúm 1:6

¿Pitaq pay piñakuruptin qayllanpi sayanman? ¿Pitaq sinchita piñakuruptin takyapakunman? Piñakuyninqa nina hinaraqmi tallirikun, qaqakunapas qayllanpiqa tuñinmi.

Mateo 12:31

Chayraykum nikichik: Diosqa pampachanqam runakunapa tukuy rikchaq huchankutawan kamiqninkunatapas, Chuya Espirituta kamiqkunatam ichaqa mana haykapipas pampachanqachu.

Mateo 6:12

Huchaykutayá pampachawayku, imaynam ñoqaykupas mana allin ruwawaqniykuta pampachasqaykuta hina.

Lucas 7:42

Mana imaynapas pagayta atiptinkum iskayninta pampachaykurqa. Chaynaqa, ¿mayqanninkutaq masta kuyanqa? nispa.

Lucas 7:48

Chaynata niruspanmi warmitañataq nirqa: Huchaykikunaqa pampachasqañam, nispan.

Hechos 13:38

Chaynaqa, wawqellaykuna yachaychikyá, Jesucristoman iñiptillaykichikmi huchaykichiktaqa Dios pampachanqa.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Efesios 1:7

Diosmi kuyawaspanchik Churin Jesu-cristopa yawarninwan huchanchikkunata pampachaykuwaspanchik libra-warqanchik.

Efesios 4:32

Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Deuteronomio 32:35

Mana allin ruwaqkunatam castigasaq, mana allin ruwasqankuman hinam pagapusaq. Wichinanku punchawmi chayamuchkanña, chinkachisqa kananku punchawmi hichpaykamuchkanña, purmachisqa kananku punchawmi utqaykamuchkanña”, nispa.

Deuteronomio 7:10

Pipas cheqniqninkunatam ichaqa kikinpuni chinkachinqa, imam ruwasqanman hinataqmi pagapunqapas.

Deuteronomio 7:9

Señornikichik Tayta Diospa cheqap Dios kasqantayá reqsiychik. Payqa kuyaqninkunawanqa chaynataq kamachikuyninkuna kasukuqkunawanqa waranqantin miraykamapas kuyapayarispa pacto ruwasqanta cumpliqmi.

Hebreos 12:29

Diosninchikqa rupaq nina hina rupaspa tukukuqmi.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.

1~Juan 1:9

Sichum huchanchikkunata willakuptinchikqa, paymi mana engañakuspa allin ruwaq kasqanrayku pampachawasun, hinaspam tukuy mana allin ruwasqanchikmanta mayllawasun.

Apocalipsis 20:15

Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.