Éxodo 34:6 - CHUYA QELLQA La Biblia en Quechua de Ayacucho 2012

⁶ Moisespa ñawpaqninta pasaspanmi Tayta Dios nirqa: “¡Ñoqaqa Tayta Diosmi kani, llakipayakuq, kuyapayakuq Diosmi kani, ñoqaqa llampu sonqom kani, mana chaylla piñakuruqmi kani, cheqap kuyapayakuqmi kani!

Quechua Ayacucho Bible 1987

⁶ Moisespa ñawpaqninta pasastinmi Tayta Dios nirqa: ¡Ñoqaqa Tayta Diosmi kani, ñoqaqa llakipayakuq Tayta Diosmi kani, ñoqaqa sumaq sonqo Diosmi kani, ñoqaqa anaq piñakuq sinchi cheqap kuyapayakuq Diosmi kani!

Chuya Qellqa 1992

⁶ Moisespa ñawpaqninta pasaspanmi Tayta Dios nirqa: “¡Ñoqaqa Tayta Diosmi kani, llakipayakuq, kuyapayakuq Diosmi kani, ñoqaqa llampu sonqom kani, mana chaylla piñakuruqmi kani, cheqap kuyapayakuqmi kani!

Éxodo 34:6 Iomraidhean Croise

Génesis 24:27

kaynata nirqa: Patronniy Abrahampa yupaychasqan Tayta Dios, alabaykim patronniyman prometesqaykita cumplisqaykimanta hinaspa ayllunkunapa kasqanman hawkallata pusamuwasqaykimanta, nispa.

2~Samuel 24:14

Chaymi David nirqa: Hatun sasachakuypim rikuriruni. Runakunapa makinman wichiykuyman-taqa Tayta Diospa makinman wichiykuymi aswan allinqa, Diospa kuyapayakuyninqa hatu-hatunmi, nispa.

1~Reyes 19:11

Chaymi Tayta Dios nirqa: Hawaman lloqsispa orqoman qespiy hinaspa ñoqapa qayllaypi sayay, nispa. Tayta Dios pasaptinmi, huk sinchi wayrapas orqokunata tuñichispa rumikunata ñutururqa, Tayta Diosmi ichaqa mana chay wayrapichu karqa. Wayra pasaruptinñataqmi terremoto karqa, Tayta Diosmi ichaqa mana chay terremotopichu karqa.

1~Reyes 8:30

Kay serviqnikipa chaynataq Israelpa mirayninkunapa mañakusqaykutayá uyariykullawayku. Kay wasikimanta mañakamuptiykumá hanaq pacha wasikimanta uyariykamullawankiku hinaspa pampachaykullawankiku.

2~Crónicas 30:9

Sichum Tayta Diosman kutirikuptikichikqa aylluykichikkunata hinaspa churikichikkunata preso apaq enemigokunam llakipayarispan kay allpaman kutichimunqaku. Yupaychasqanchik Tayta Diosqa llakipayakuq hinaspa kuyapayakuqmi, payman kutirikuptikichikqa manam saqesunkichikchu, nispa.

Nehemías 9:17

Manam kasukuyta munarqakuchu, nitaqmi paykunapaq tukuy ima ruwasqaykitapas yuyarirqakuchu, contraykipi hatarispankum, Egipto nacionpi esclavo kayta munaspanku kutinankupaq kamachiqninkuta akllarqaku. Chaywanpas qamqa pampachakuq Diosmi kanki, llampu sonqo hinaspa kuyapayakuqmi kanki, anaqta piñakuq hinaspa kuyapayakuq kasqaykiraykum paykunataqa mana saqerurqankichu.

Éxodo 20:5

Chaykunapa ñawpaqninpiqa amam qonqorakunkichu, amataqmi yupaychankichu. Ñoqa Tayta Diosllam Diosnikiqa kani. Manam munanichu sapaq dioskuna yupaychanaykitaqa, cheqniwaqniy runataqa tayta-mamanmanta qallaykuspam willkanpa willkankama castigasaq.

Éxodo 22:27

chaylla maytukuykunanpaq kasqanrayku. Mana chayqa, ¿imapitaq puñunman? Chay runa qayakamuwaptinqa kuyapayakuq kasqayraykum uyarisaq.

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Proverbios 3:3

Kuyapayakuytawan cheqap kaqtaqa amayá haykapipas saqeruychu, collarta hinayá wallqakuruy, tablapi hinayá sonqoykipi qellqaruy,

Eclesiastés 8:11

Runata mana allin ruwasqanmanta mana chaylla castigaruptinkuqa, wakin runakunapas chayllam mana allin ruwayman qokurunqaku.

Isaías 12:4

Chay punchawmi ninkichik: Graciasta qospa Tayta Diosman qaparispa takiychik, tukuy ima ruwasqankunata lliw llaqtakunaman reqsichiychik, sutin hatunchasqa kasqanta yuyariychik.

Isaías 65:16

Pipas kay nacionpi bendicionta mañakuspanqa cheqap Diosmantam mañakunqa, pipas kay allpapi juraspaqa hapipakunapaq Diosraykum juranqa. Ñawpaq ñakariykunaqa qonqasqañam kanqa, qayllaymanta chinkachisqañam kanqa.

Jeremías 32:18

Waranqantin runakunatam llakipayanki, tayta-mamanpa huchanmantam qepa wiñaykunata castiganki, hatun munaychakuq Diosnilláy. Sutikiqa Tukuy Atiyniyuq Tayta Diosmi.

Jeremías 9:24

Pipas alabakuyta munaspaqa alabakuchun ñoqa reqsiwasqanmanta, ñoqa Tayta Dios kasqayta yachasqanmanta, kuyapayakuywan allin arreglo ruwaq kasqaymanta, kay pachapi allinkuna ruwaq kasqaymanta; chayna ruwaytam ñoqaqa munani. Ñoqa Tayta Diosmi chaynata nini.

Lamentaciones 3:23

Paypa kuyapayakuyninqa sapa tutapaytam musoqlla, mayna hatunmi cheqap kayninpas, nispa.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Miqueas 7:20

Amayá qonqaruychu Jacobman prometesqaykitapas, nitaq Abrahampaq kuyapayakuynikitapas, chaynatam taytaykuman ñawpaqmantaraq jurarqanki.

Nahúm 1:3

Tayta Diosqa mana chaylla piñakuruqmi, payqa ancha hatun atiyniyuqmi, huchayuq runataqa castiganqapunim; para-wayrapi chaynataq vientokunapipas puriqmi, puyukunapas purisqanpa polvonmi.

Números 12:8

Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Romanos 2:4

¿Icha Diospa hatu-hatun kuyakuynintawan pacienciantachu wischupakunki? ¿Manachu yachanki paypa kuyakuyninqa wanakuyman pusasusqaykita?

Deuteronomio 32:3

Tayta Diospa sutintam hatunchasaq, qamkunapas Diosninchikta hatunchaychik.

Deuteronomio 4:31

Señornikichik Tayta Diospas llakipayakuq Dios kasqanraykum manapuni saqesunkichikchu, nitaqmi chinkachisunkichikchu. Ñawpaq taytaykichikwan juraspan pacto ruwasqantapas manam qonqanqachu.

Deuteronomio 5:10

Kamachikuyniyta kasukuspa kuyawaqniy runatam ichaqa waranqantin mirayninkama kuyapayasaq.

Santiago 5:11

Ñoqanchikqa ñakarispa pacienciakuqkunataqa kusi-kuyniyuqpaqmi hapinchik. Uyarirqan-kichikmi Job sutiyuq runapa pacien-cianmanta, yachankichiktaqmi ñaka-riyninkuna tukuruptin Señorqa paywan imam ruwasqanmantapas, Señorqa kuyapayakuqmi hinaspa llakipayakuqmi.