Éxodo 34:28 - CHUYA QELLQA La Biblia en Quechua de Ayacucho 2012

²⁸ Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Quechua Ayacucho Bible 1987

²⁸ Tayta Dioswanmi Moises karqa tawa chunka punchaw tawa chunka tutan chay orqopi, manam mikurqachu nitaqmi tomarqachu yakutapas. Chaypim Tayta Dios qellqarqa tabla rumikunapi contratota otaq Chunkantin Kamachikuykunata.

Chuya Qellqa 1992

²⁸ Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Éxodo 34:28 Iomraidhean Croise

1~Reyes 19:8

Eliasñataqmi hatarispan mikurqa hinaspa tomarqa. Chay mikuywan kallpanchakuykuspanmi tawa chunka punchaw tawa chunka tuta rirqa “Diospa orqon” nispa sutichasqa Horeb orqokama.

Éxodo 24:18

Chaymi puyu ukuman yaykuspa orqoman Moisés qespirqa. Hinaspam chay orqopi tawa chunka punchaw tawa chunka tuta kamurqa.

Éxodo 31:18

Sinaí orqopi Tayta Dios rimayta tukuruspanmi Moisesman iskay tabla rumikunapi chunkantin kamachikuyta qoykurqa, chaykunaqa Diospa dedonwan qellqasqam karqa.

Éxodo 32:16

Chay tabla rumikunaqa Diospa ruwasqanmi karqa, hina kikin Diostaqmi qellqarqapas.

Éxodo 34:1

Moisestam Tayta Dios nirqa: Iskay tabla rumikunata labray punta kaqkunata hina, ñuturusqayki tabla rumikunapi qellqatam musoqmanta qellqasaq.

Éxodo 34:10

Tayta Diosmi nirqa: Ñoqam llapallan runaykikunapa ñawpaqninpi pactota ruwasaq, kay pachapi nitaq maylaw nacionpipas mana pipapas ruwasqantam admirakuypaq milagrokunata ruwasaq, maymi qampa kasqaykipim llapallan Israel runakuna ñoqapa ruwasqayta rikunqaku, mancharikuypaqmi qanwan ruwasqaykunaqa kanqa.

Mateo 4:2

Chaypim tawa chunka punchaw tawa chunka tuta mana mikusqa karqa, chaymantam yarqarachikurqa.

Lucas 4:2

Chaypim tawa chunka punchaw kamurqa, hinaptinmi diabloñataq tentarqa. Jesusqa manam chay punchawkunapiqa imatapas mikurqachu, chayraykum yarqarachikurqa.

2~Corintios 3:7

Diospa leyninqa palta rumipi qellqasqa kachkaspapas ancha atiyniyuqmi karqa, chaymi Moisesman qosqa kaptin, Israel runakunaqa Moisespa uyan sinchita achkirisqanrayku mana qawaytapas atirqakuchu. Chay leyqa atiyniyuq kachkaspapas chinkaruqllam karqa.

Deuteronomio 10:10

Punta risqaypi hinam qepa riyniypipas orqopi tawa chunka punchaw hinaspa tawa chunka tuta kamurqani. Chaypipas Tayta Diosqa uyariykuwaspanmi manaña wañuchisurqankichikchu.

Deuteronomio 10:5

orqomanta uraykamuspay chay tablakunata Arca ruwasqayman churarqani, Tayta Diospa kamachiwasqanman hina. Chaypim kunankama kachkan.

Deuteronomio 4:13

Kikin Tayta Diosmi qamkunawan pacto ruwasqanta willasurqankichik. Chay pactoqa iskay tabla rumikunapi qellqasqa chunka kamachikuykunam karqa. Chaykunataqa ruwayman churanaykichikpaqmi kamachikurqa.

Deuteronomio 9:18

Chaymantam Tayta Diospa qayllanpi qonqorakuykurqani, hinaspam ñawpaqta hina tawa chunka punchaw hinaspa tawa chunka tuta mana mikurqanichu nitaq yakutapas tomarqanichu. Chaynatam Tayta Diospa contranpi huchallikuspa piñachisqaykichikmanta ruwarqani.

Deuteronomio 9:25

Wañuchisunaykichikpaq Tayta Dios rimasqanraykum paypa qayllanpi tawa chunka punchaw hinaspa tawa chunka tutan qonqorakuykurqani.

Deuteronomio 9:9

Ñoqam orqoman qespirqani tabla rumikunata chaskiq. Rirqaniqa qamkunawan Tayta Diospa pacto ruwasqan tabla rumikuna chaskiqmi. Chay orqopim tawa chunka punchaw hinaspa tawa chunka tuta kamurqani, mana mikuspa nitaq yakutapas tomaspa.