Éxodo 34:24 - CHUYA QELLQA La Biblia en Quechua de Ayacucho 2012

²⁴ Ñawpaqnikichikmantam wakin nacionkunata wischuspay allpaykichikta mirachisaq. Watapi kimsa kutitakama qayllayman hamunaykichikkamaqa manam pipas allpaykichiktaqa hapikuykunqachu. Ñoqam Diosnikichik kani.

Quechua Ayacucho Bible 1987

²⁴ Nacionkunapi runakunataqa ñoqam wischusaq ñawpaqnikichikmanta hinaspam allpaykichiktapas mirachisaq. Ñoqam kani yupaychasqaykichik Tayta Dios, qayllayman watapi kimsa kutita hamuptikichikmi mana pipas munapayanqachu allpaykichiktaqa.

Chuya Qellqa 1992

²⁴ Ñawpaqnikichikmantam wakin nacionkunata wischuspay allpaykichikta mirachisaq. Watapi kimsa kutitakama qayllayman hamunaykichikkamaqa manam pipas allpaykichiktaqa hapikuykunqachu. Ñoqam Diosnikichik kani.

Éxodo 34:24 Iomraidhean Croise

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 35:5

Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

1~Reyes 5:1

Tiro llaqtapa reynin Hirammi yacharurqa Davidpa rantinpi churin Salomontaña rey kananpaq churarusqankuta, chayraykum serviqninkunata Salomonman kachamurqa. Hiramqa tukuy tiempom Davidwan llumpay amigo karqaku.

1~Crónicas 4:10

Jabesmi Israelpa Diosninta mañakuspa nirqa: “Ruegakuykim bendeciykuwanaykipaq, hatun allpata qoykuwanaykipaq, yanapaykuwanaykipaq, mana allinmanta libraykuwanaykipaq, chaynapi mana ñakarinaypaq”, nispa. Chaymi mañakusqanta Dios qoykurqa.

2~Crónicas 17:10

Judá nacionpa muyuriqninpi nacionkunam Tayta Diosta manchakururqaku, chayraykum rey Josafatpa contranpi mana peleayta munarqakuchu.

Jobwan Sutichasqa Libro 1:10

Qamqa pipas mana llapchaykunanpaqmi qenchawan hina muyuruspa payta, ayllunkunata hinaspa tukuy ima kapuq-ninkunatapas waqaychachkanki. Llam-kaynintapas, animalninkunatapas bendeciykuptikim, llapa tukuy imanpas llumpa-llumpayta mirarun.

Éxodo 33:2

Angelniytam kachamusaq ñawpaqnikita rispa cananeokunata, amorreokunata, heteokunata, ferezeokunata, heveokunata hinaspa jebuseokunata wischunanpaq.

Éxodo 34:11

Kunan kamachisqayta kasukuychik, ñoqam ñawpaqnikichikmanta wischusaq amorreokunata, cananeokunata, heteokunata, ferezeokunata, heveokunata hinaspa jebuseokunata.

Proverbios 16:7

Runapa ñannin Tayta Diospa munasqanpaq hina kaptinqa, Tayta Diosmi chay runataqa enemigonkunawan hawkayaypi kawsachinqa.

Levítico 18:24

Amam chaykunata ruwaspa millakuypaqtaqa ruwakunkichikchu. Chaykunata ruwaspam qayllaykichikmanta wischu-nay llapa nacionkunapas millakuypaqta qachachakurqaku.

Hechos 18:10

Ñoqam qanwan kachkani, manam pipas imanasunkichu. Kay llaqtapiqa achkallañam kachkan akllasqaykuna, nispa.

Deuteronomio 12:20

Sichum allpaykichikta Señornikichik Tayta Dios mirarachiptinqa, aychanayasusqaykichik punchawpim aychata mikunkichik.

Deuteronomio 16:16

Sapa watam llapallan qarikuna kimsa kutita Señornikichik Tayta Diospa qayllanman otaq paypa akllasqan sitioman rinqaku. Chaynataqa ruwanqaku mana levadurayuq Tanta fiestapi, Semanakuna fiestapi chaynataq Ramada fiestapim. Amam pipas mana imatapas apaspaqa Tayta Diosmanqa rinqachu.

Deuteronomio 19:8

Ñawpaq taytaykichikkunaman prometesqanman hina allpaykichikta Señornikichik Tayta Dios hatunyachispan lliw allpata qoykusuptikichikqa,

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.