Éxodo 34:23 - CHUYA QELLQA La Biblia en Quechua de Ayacucho 2012

²³ Watapim kimsa kutita qamkunamanta llapallan qarikuna asuykamuwanqa, ñoqa Tayta Diosmi, Israel runakunapa Diosnin kani.

Quechua Ayacucho Bible 1987

²³ —Watapim kimsa kutita qamkunamanta llapallan qarikuna hamuwanqa asuykamuwanaykichik karpaman, ñoqam kani Israel casta runakunapa yupaychasqan Señor Dios.

Chuya Qellqa 1992

²³ Watapim kimsa kutita qamkunamanta llapallan qarikuna asuykamuwanqa, ñoqa Tayta Diosmi, Israel runakunapa Diosnin kani.

Éxodo 34:23 Iomraidhean Croise

Génesis 32:28

Hinaptinmi chay runa nirqa: Manañam Jacobñachu sutikiqa kanqa, aswanqa Israelñam, Dioswanpas chaynataq runakunawanpas peleaspa vencerusqaykirayku, nispa.

Génesis 33:20

Chaypitaqmi huk altartapas ruwarqa, hinaspam “El-Elohe-Israel” nispa suticharqa.

2~Crónicas 8:13

Payqa ofreceq Moisespa kamachisqanman hinam chaypaq akllasqa punchawkunapi, samana punchawkunapi, musoq killa fiestakunapi, watapi kimsa hatun fiestakunapi. Chay fiestakunam karqa: Mana levadurayuq tanta fiesta, semanakunapa tukuynin fiesta hinaspa ramada ruway fiesta.

Éxodo 23:14

Watapim kimsa kutita hatun fiestata ruwapuwankichik.

Éxodo 23:17

Watapim kimsa kutita llapallan qarikuna ñoqa Tayta Diosman asuykamuwanqaku.

Ezequiel 46:9

Hatun fiestakunapi Tayta Diosta yupaychanankupaq llapa runakuna yaykuspaqa kaynatam ruwanqaku: Norte law punkunta yaykuqmi sur law punkunta lloqsinqa; sur law punkunta yaykuqñataqmi norte law punkunta lloqsinqa. Maymi yaykusqanku punkullantaqa amam lloqsimunqakuchu, aswanqa chimpankupi tarikuq punkuntañam.

Deuteronomio 16:16

Sapa watam llapallan qarikuna kimsa kutita Señornikichik Tayta Diospa qayllanman otaq paypa akllasqan sitioman rinqaku. Chaynataqa ruwanqaku mana levadurayuq Tanta fiestapi, Semanakuna fiestapi chaynataq Ramada fiestapim. Amam pipas mana imatapas apaspaqa Tayta Diosmanqa rinqachu.

1~Samuel 1:3

Elcanam watan-watan Silo llaqtaman riq, Tukuy Atiyniyuq Diosta yupaychananpaq chaynataq sacrificiota ofrecemunanpaq. Chaypim sacerdote Elí iskaynin qari churinkunapiwan yacharqa, paykunam karqa Ofniwan Finees. Paykunam karqaku Tayta Diospa sacerdotenkuna.