Éxodo 34:21 - CHUYA QELLQA La Biblia en Quechua de Ayacucho 2012

²¹ Soqta punchawmi llamkankichik, qanchis kaq punchawpim ichaqa samankichik, tarpuy kaptin otaq cosecha kaptinpas samankichikmi.

Quechua Ayacucho Bible 1987

²¹ —Soqta punchawmi llamkankichik, qanchis kaq punchawpim ichaqa samankichik tarpuy kaptin otaq cosecha kaptinpas.

Chuya Qellqa 1992

²¹ Soqta punchawmi llamkankichik, qanchis kaq punchawpim ichaqa samankichik, tarpuy kaptin otaq cosecha kaptinpas samankichikmi.

Éxodo 34:21 Iomraidhean Croise

Génesis 45:6

Iskay watañam kay allpapi muchuy karun, chaywanpas pichqa watatawanraqmi kanqa. Manam tarpuypas nitaq cosechapas kanqachu.

Nehemías 13:15

Chay punchawkunapim Judá runakunata rikurqani, samana punchawpi vino ruwaqta, trigo qepiqta chaynataq vinota, uvasta, frutakunata, higosta hinaspa tukuy rikchaq qepikunata asnoman cargaspa Jerusalenman apamusqankuta. Chaymi tukuy imata samana punchawpi rantikusqankumanta qaqcharqani.

Éxodo 23:12

Soqta punchawmi ruwaynikita ruwanki, qanchis kaq punchawpiñataqmi samanki, chaynapi toroykipas asnoykipas samananpaq. Chaynataq criadoykipas, wasikipi samapakuqpas kallpata hapinanpaq.

Éxodo 31:15

Soqta punchawmi llamkankichik, qanchis kaq punchawpiñataqmi samankichik, chay punchawqa ñoqapaq sapaqchasqa kasqanraykum pipas chay punchawpi llamkaqqa wañunqapuni.

Éxodo 35:2

“Soqta punchawmi tukuy ruwayta ruwankichik, qanchis kaq punchawñataqmi ñoqapaq sapaqchaspa samankichik, pipas chay punchawpi llamkaqqa wañunqapunim.

Isaías 30:24

Llamkaq toroykichikkunawan asnoykichikkunapas palawan chaynataq horquetawan wayrachisqa chuya kawsaykunatam mikunqaku.

Levítico 23:3

Soqta punchaw llamkaspam qanchis kaq punchawpiñataq samaspaykichik ñoqallapaqña huñunakunkichik, amam chay punchawpiqa llamkankichikchu, chay punchawqa ñoqa Tayta Diospaq samana punchawmi kanqa maypiña yachaptikichikpas.

Lucas 13:14

Si-nagogapi kamachikuqñataqmi samana punchawpi Jesuspa sanoyachisqanwan piñakuruspan runakunata nirqa: Soqta punchawmi llamkanapaqqa kachkan. Sanoyachisqa kayta munaspaqa chay punchawkunapiyá hamuychik, amayá samana punchawpichu, nispa.

Lucas 23:56

Chaymi wasiman kutiruspanku, Jesuspa cuerponta llusimunankupaq perfumekunatawan miski asnaq pomadakunata prepararqaku. Ichaqa samana punchaw kasqanraykum samarqaku, Moisespa kamachikuyninman hina.

Deuteronomio 21:4

Chay llaqtapi ancianokunam chay vaquillata yakupa kanan mana yapuna, mana tarpuna qechwaman pusanqaku, hinaspam chaypi kunkanta qewirunqaku.

1~Samuel 8:12

churanqataqmi waranqa soldadokuna kamachiq kananpaq chaynataq pichqa chunka soldadokuna kamachiq kananpaq; wakintañataq chakranta yapupunanpaq, cosechankuna hoqaripunanpaq chaynataq armankuna hinaspa carretankuna ruwaq kanankupaq.