Éxodo 34:16 - CHUYA QELLQA La Biblia en Quechua de Ayacucho 2012

¹⁶ Yanqataq churikichikkunatapas chaypi kaq warmikunawan casarachiwaqchik, hinaptin chuchumikayaruq casada warmi hina churikichikkunatapas diosninkunaman pusanman hinaspa chaykunataña yupaychachinman.

Quechua Ayacucho Bible 1987

¹⁶ Yanqañataqmi casarachiwaqchik churikichikkunatapas chaypi kaq warmikunawan chaynapim paykunaqa pierdekuq casada warmi hina churikichikkunatapas taytacha-mamachankuman pusanman hinaspam chaykunataña adorachinman.

Chuya Qellqa 1992

¹⁶ Yanqataq churikichikkunatapas chaypi kaq warmikunawan casarachiwaqchik, hinaptin chuchumikaruq casada warmi hina churikichikkunatapas diosninkunaman pusanman hinaspa chaykunataña yupaychachinman.

Éxodo 34:16 Iomraidhean Croise

Génesis 24:3

hinaspayá cielokunapi chaynataq kay pachapi munaychakuq Tayta Diosrayku prometeway, kay yachasqay Canaán allpapi warmiwanqa churiyta ama casarachinaykipaq.

1~Reyes 11:1

Rey Salomonqa Faraonpa churinwan casado kachkaspapas huklaw nacionniyuq warmikunatapas casararqam, paykunam karqa: Moab, Amón, Edom, Sidón hinaspa Het casta warmikuna.

1~Reyes 21:25

Rey Acab hinaqa manam pipas karqachu, payqa warmin Jezabelpa umachasqanmi tukuy mana allinta Tayta Diospa qayllanpi ruwarqa.

2~Crónicas 21:11

Rey Joramqa Judá nacionpi kaq moqokunapipas capillakunatam ruwachirqa, chaykunawanmi Jerusalenpi yachaqkunata chuchumika warmita hinaña huchallirachirqa, hinaspam Tayta Diosmanta karuncharachirqa.

Esdras 9:12

Chaynaqa, amam warmi churikichiktapas paykunapa qari churinkuwanqa casarachinkichikchu, nitaqmi qari churikichiktapas warmi churinkuwanqa casarachinkichikchu, amam hawkallataqa saqenkichikchu, nitaqmi allin kanankutapas saqenkichikchu; chaynapi kallpasapa kanaykichikpaq, allpapa allin rurunta mikunaykichikpaq, miraynikichikmanpas wiñaypaq herenciata saqenaykichikpaq”, nispa.

Esdras 9:2

Paykunapas churinkupas chay nacionniyuq runakunapa warmi churinkunawanmi casarakurunku, chaynapim Diospa llaqtan huklaw llaqtayuq runakunawan chaqrukurunku. Kamachikuqkunawan gobernadorkunaraqmi puntataqa chay hucha ruwaytaqa qallaykurqaku, nispanku.

Nehemías 10:30

Llapallaykutaqmi prometekurqaniku, warmi churiykutapas hichpaykupi kaq nacionkunapi qarikunawanqa mana casarachinaykupaq, nitaq qari churiykutapas warmi churinkunawanqa mana casarachinaykupaq.

Nehemías 10:31

Prometekurqanikutaqmi hichpaykupi kaq nacionkunamanta samana punchawpi otaq fiesta punchawkunapi pipas imataña rantikunankupaq apamuptinkupas mana rantinaykupaq. Chaynallataq Sapa qanchis watamanta chakraykuta samachinaykupaq hinaspa debewaqniykutapas pampachanaykupaq.

Nehemías 13:23

Chay tiempopiqa rikurqanitaqmi imaynam Judá castamanta wakiqnin runakuna Asdodmanta, Amonmanta hinaspa Moabmanta kaq warmikunawan casarakurusqankutapas.

Nehemías 13:25

Chaymi paykunawan atipanakuspay ñakaykurqani, paykunamantam wakinta azoterqani, chukchankutapas chutaparqani, hinaspam Diosrayku jurachispay kaynata nirqani: Amam warmi churikichikkunatapas nitaq qari churinkunatapas paykunapa churinkunawanqa casarachinkichikchu, nitaqmi kikikichikpas chaynataqa ruwankichikchu.

Oseas 1:2

Kaymi Oseasman Tayta Diospa rimarisqan simikuna. Tayta Diosmi Oseasta nirqa: Rispayki chuchumika warmiwan casarakamuy hinaspa chay warmipi churyamuy, “huchapakuy wawakuna”, nisqa kanankupaq. Israelmi Tayta Diosmanta sapaqchakuruspan chuchumika warmi hinaña rikurirun, nispa.

Levítico 21:15

Chaynataqa ruwanqa mirayninkunapas chaynataq llaqtamasikunapas mana penqayman churasqa kananpaqmi. Ñoqa Tayta Diosmi paytaqa ñoqallapaqña sapaqchani, nispa.

Josué 23:12

Sichum Tayta Diosmanta rakikuspaykichik qamkuna ukupi yachaq huklaw nacionniyuq runakunawan hukllawakuspa paykunawan casarakuptikichikqa,

Josué 23:13

Señorninchik Tayta Diospas manam qamkuna ukumanta chay nacionkunata qarqonqachu, aswanqa paykunam qamkunapaq kanqa wichinaykichikpaq toqlla hina, malla hina, wasaykichikpaq azote hina, ñawikichikpaq kichka hina. Chaynaqa, kanqaku Señornikichik Tayta Diospa qosusqaykichik allin allpamanta chinkanaykichikkamam.

Jueces 14:3

Hinaptinmi tayta-maman nirqaku: ¿Manachu ayllunchikpi otaq nacionninchikpi warmi kan paywanraq casarakunaykipaq? ¿Imanasqataq Tayta Diosta mana reqsiq Filistea warmiwanraq casarakuyta munachkanki? nispanku. Chaymi taytanta Sansón nirqa: Chay sipasmi sonqoyta suwaruwan, casarakunaypaq payta hurqopamuwaychik, nispa.

Jueces 3:5

Chaynapim Israelpa mirayninkunaqa cananeokunawan, he-teokunawan, amorreokunawan, ferezeokunawan, heveokunawan hinaspa jebuseokunawan yacharqaku.

Jueces 3:6

Warmi churinkutawan qari churinkutapas chay nacionniyuq runakunapa wawa-churinkuwanñam casarachirqaku, hinaspam chay runakunapa idolonkunatañam yupaycharqaku.

Jueces 8:27

Chay adornokunamantam huk Efodta Gedeón ruwachirqa, hinaspam Ofra llaqtanpi churarachirqa; chaymi Israelpa llapallan mirayninkunaqa Tayta Diosta saqeruspanku chay efodtaña yupaycharqaku. Chaywanmi Gedeonpas chaynataq ayllunkunapas huchallikurqaku.