Éxodo 34:15 - CHUYA QELLQA La Biblia en Quechua de Ayacucho 2012

¹⁵ Chay nacionpi runakunawanqa amam ima contratotapas ruwankichikchu, paykunaqa chuchumikaruq casada warmi hinam idolonkupaq animalkunata wañuchispa aychantapas mikuchisunkichikman.

Quechua Ayacucho Bible 1987

¹⁵ —Amam ima contratotapas rurankichikchu chay nacionpi runakunawanqa, paykunaqa pierdekuq casada warmi hinam taytacha-mamachankuman animalkunata wañuchipunmanku hinaspam chaykunapaq wañuchisqanku animalpa aychantapas mikuchisunkichikman.

Chuya Qellqa 1992

¹⁵ Chay nacionpi runakunawanqa amam ima contratotapas ruwankichikchu, paykunaqa chuchumikaruq casada warmi hinam idolonkupaq animalkunata wañuchispa aychantapas mikuchisunkichikman.

Éxodo 34:15 Iomraidhean Croise

1~Crónicas 5:25

Ichaqa ñawpaq taytankupa yupaychasqan Diosmanta sapaqchakuruspankum chuchumika warmi hina, qayllankumanta Tayta Diospa chinkachisqan llaqtakunapa diosninkutaña yupaycharqaku.

Esdras 6:9

Qoychiktaqyá hanaq pachapi Tayta Diosman lliw kañana sacrificiokunata ofrecenankupaqpas malta torokunata, carnerokunata chaynataq trigota, kachita, vinota hinaspa aceitetapas. Chaykunataqa qonkichik Jerusalenpi sacerdotekunapa mañakusqanman hinam.

Esdras 9:12

Chaynaqa, amam warmi churikichiktapas paykunapa qari churinkuwanqa casarachinkichikchu, nitaqmi qari churikichiktapas warmi churinkuwanqa casarachinkichikchu, amam hawkallataqa saqenkichikchu, nitaqmi allin kanankutapas saqenkichikchu; chaynapi kallpasapa kanaykichikpaq, allpapa allin rurunta mikunaykichikpaq, miraynikichikmanpas wiñaypaq herenciata saqenaykichikpaq”, nispa.

Éxodo 22:19

Pipas animalwan qachakuqtaqa wañuchinkichikmi.

Éxodo 22:20

Diosllamanmi sacrificiotaqa ofrecenkichik, idolokunaman ofreceqqa wañunqapunim.

Éxodo 23:32

Paykunawanpas, idolonkuwanpas amam ima contratotapas ruwankichu.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Éxodo 34:10

Tayta Diosmi nirqa: Ñoqam llapallan runaykikunapa ñawpaqninpi pactota ruwasaq, kay pachapi nitaq maylaw nacionpipas mana pipapas ruwasqantam admirakuypaq milagrokunata ruwasaq, maymi qampa kasqaykipim llapallan Israel runakuna ñoqapa ruwasqayta rikunqaku, mancharikuypaqmi qanwan ruwasqaykunaqa kanqa.

Éxodo 34:12

Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Jeremías 3:9

Israelqa chay huchallikusqanta mana kaqpaqpas hapispanmi llaqtata qachacharurqa. Hukwan pierdekuq warmi hinam rumikunatawan sachakunata adorarqa.

Oseas 4:12

Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Oseas 9:1

Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Números 15:39

Chay kipuyuq qaytukunata qawarispaykichikmi kasukunaykichikpaq ñoqapa kamachikuyniykunata yuyarinkichik, chaynapim chuchumika warmi hinaqa sonqoykichikpa mana allin munasqankunapiqa manaña purinkichikchu.

Números 25:1

Israelpa mirayninkunam Sitim lawpi samaruspanku, Moabita warmikunawan huchallikuyta qallaykurqaku.

Números 25:2

Chay warmikunam diosninkuman ofrecesqanku mikuykunata chay runakunaman mikuchirqaku, chaymi mikuruspanku Moab runakunapa idolonkunataña yupaycharqaku.

Hechos 15:20

aswanqa kaynatayá qellqaykusunchik: “Amam mikunkichikchu idolokunaman ofrecesqa mikuytaqa, amam huchapakunkichikchu, amam mikunkichikchu yawartaqa nitaq ya-warpa pasasqan aychatapas”, nispan-chik.

1~Corintios 10:27

Sichum Diospi mana iñiq runakuna convidasuptikichikqa imam qarasusqaykichiktayá concienciaykichikrayku ama imatapas tapukuspa mikuychik.

1~Corintios 8:10

Sichum chaykunata yachachkaspa idolokunaman ofrecesqa mikuyta mikuwaq, hinaptinñataq chay ruwasqaykita qawaspan pisi iñiyniyuq wawqeki chay ruwasqaykiwan kallpanchakuspa mikurunman,

1~Corintios 8:4

Chaynaqa, idolokunaman ofrecesqa mikuymantaqa yachanchikmi, kay pacha-pi idolokunaqa manam imachu, Diosqa chullallam.

1~Corintios 8:7

Ichaqa manam lliwchu cheqap kaqta yachanku. Chaymi ñawpaqta idolokuna yupaychaqkunaqa hinallaraq mikunku chaykunata yupaychachkaq hina, chayna-pim pisi iñiyniyuq kasqankurayku conciencianku acusan.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 31:18

Chayna ñakariypi kaptinkum astawanraq paykunamanta karunchakurusaq, chaynataqa ruwasaq tukuy mana allinkunata ruwaspa idolokunataña yupaychasqankuraykum.

Deuteronomio 32:37

Tayta Diosmi enemigonchikkunata ninqa: “¿Maytaq chay qaqa hina hapipakunaykichik idoloykichikkunaqa?

Deuteronomio 32:38

¿Maytaq ofrecesqanku wirakuna mikuq idoloykichikkunaqa? ¿Maytaq vino tallipusqanku tomaq idoloykichikkunaqa? Yanapasunaykichikpaq hatarichunku, nanachikusunaykichikpaq hamuchunku.

Deuteronomio 7:2

Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Deuteronomio 7:3

Amam paykunawanqa casarakunkichikchu, warmi churikichiktapas amam qari churinkuwanqa casarachinkichikchu, nitaqmi qari churikichiktapas warmi churinkuwanqa casarachinkichikchu.

Josué 23:12

Sichum Tayta Diosmanta rakikuspaykichik qamkuna ukupi yachaq huklaw nacionniyuq runakunawan hukllawakuspa paykunawan casarakuptikichikqa,

Apocalipsis 2:20

Ichaqa kaymi contraykipi kachkan: Diosmanta willakuqmi kani niq Jezabel warmitam hatallichkanki. Paymi yacha-chispan pantachin serviqniykunata hucha-pakuykunapi purinankupaq hinaspa idolokunaman ofrecesqa aychata miku-nankupaq.

Jueces 2:17

Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku.

Jueces 3:6

Warmi churinkutawan qari churinkutapas chay nacionniyuq runakunapa wawa-churinkuwanñam casarachirqaku, hinaspam chay runakunapa idolonkunatañam yupaycharqaku.