Éxodo 34:14 - CHUYA QELLQA La Biblia en Quechua de Ayacucho 2012

¹⁴ Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Quechua Ayacucho Bible 1987

¹⁴ —Amam taytacha-mamachakunataqa adorankichikchu, ñoqaqa manam munanichu huk dioskuna adoranaykichiktaqa, ñoqa Tayta Diosqa kani sientekuq celoso Diosmi.

Chuya Qellqa 1992

¹⁴ Amam qonqorakunkichikchu idolokunapa ñawpaqninpiqa; huk dioskunata yupaychanaykichiktaqa manam munanichu, ñoqa Tayta Diosqa celosom kani.

Éxodo 34:14 Iomraidhean Croise

1~Reyes 14:15

Imaynam soqosta mayu aytinyachin, chaynatam Tayta Diospas Israel runakunata ñakarichinqa. Ñawpaq taytankuman qosqan sumaq allpamanta qarqoruspanmi Eufrates mayupa waklawninman wischurunqa. Chaynataqa ruwarunqa Asera idolota ruwaruspa Tayta Diosta piñachisqankuraykum.

1~Reyes 19:10

Eliasñataqmi nirqa: Tukuy Atiyniyuq Tayta Dios, sonqoymi qanmanta llumpay llakisqa kachkan, Israelpa mirayninkunam pacto ruwasqaykita saqeruspa altarnikikunatapas tuñirachinku. Profetaykikunatapas espadawan wañurachiptinkum sapallayña qeparuni, ichaqa ñoqatapas wañuchi-wanankupaqmi maskawachkanku, nispa.

Éxodo 33:19

Chaymi Tayta Dios nirqa: “Lliw kuyakuyniytawan allin kayniytam qawachisqayki, ñawpaqnikipim sutiyta rimasaq. Ñoqaqa kuyapayay munasqaytam kuyapayasaq, hinaspam llakipayay munasqayta llakipayasaq.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Ezequiel 23:25

Piñakuyniytam qampa hawaykiman kachaykamusaq, hinaptinmi paykunaqa piñakuyllawanña tukuy imata ruwasunki. Senqaykitawan rinrikitapas kuchurunqakum, wañuymanta lluptiqkunatañataqmi espadawan wañurachinqaku. Wawaykikunatapas qarita-warmitam qechusunki, puchuqkunañataqmi ninawan tukusqa kanqaku.

Nahúm 1:2

Tayta Diosqa celosom hinaspa vengakuqmi, Tayta Diosqa contranpi sayariqkunamanta vengakuqmi, enemigonkunapa contranpi piñakuqmi.

Mateo 4:10

Jesusñataqmi nirqa: ¡Kaymanta anchuriy Satanás! Qellqasqam kachkan: “Señor Diosllaykitam hatunchanki, payllatataqmi servinkipas”, nispa.

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

Deuteronomio 29:20

Tayta Diosqa chayna runataqa manam pampachanqachu, aswanqa contranpi sinchita piñakuruspanmi kay libropi qellqasqa kaq ñakaykunata payman kachaykamunqa, chay runapa mirayninkunatapas Tayta Diosqa manaña pipapas yuyarinankamam kay pachamanta chinkarachinqa.

Deuteronomio 32:16

Mana reqsisqanku dioskunata yupaychaspankum Tayta Diosta llakichispa piñachirqaku.

Deuteronomio 32:21

Idolokunata yupaychaspankum llakichiwarqaku, millakuypaq idolokunata yupaychaspankum piñachiwarqaku. Chayraykum ñoqapas paykunata hukmanyarachisaq, mana yachayniyuq llaqtawanmi sientirachisaq, mana yuyayniyuq runakunawanmi piñarachisaq.

Deuteronomio 4:24

Señornikichik Tayta Diosqa paylla kuyanatam munan. Payqa tukuy imapas ruparuq nina hinam.

Deuteronomio 5:24

“Cheqaptapunipas Señorninchik Tayta Diosmi kanchaynintawan atiyninta qawaykachiwanchik. Ninapa chawpinmanta lloqsimuq rimaynintam uyarirunchik. Kunanmi yacharuniku Tayta Dios rimapayachkaptinpas runakunaqa mana wañurusqanta.

Deuteronomio 5:7

Amam ñoqamanta sapaq diosqa kapusunkichu.

Deuteronomio 6:15

Qamkunawan kaq Señornikichik Tayta Diosqa paylla kuyanata munaqmi, mana chayqa con-traykichikpi piñakuspanmi kay pacha-manta pasaypaqta chinkarachisunki-chikman.

Josué 24:19

Hinaptinmi paykunata Josué nirqa: Tayta Diosta serviytaqa manam atiwaqchikchu, payqa Chuya hinaspa celoso Diosmi, manam pampachasunkichikmanchu mana kasukuynikichiktawan huchallikuynikichiktaqa.

Jueces 6:10

Nirqayki-chiktaqmi: “Ñoqam qamkunapa Dios-nikichik kani, amorreokunapa diosninkutaqa amam manchakunkichikchu, paykunapa allpanpim kunan yacha-chkankichik”, nispay. Qamkunam ichaqa mana kasukurqankichikchu, nispa.