Éxodo 34:13 - CHUYA QELLQA La Biblia en Quechua de Ayacucho 2012

¹³ Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Quechua Ayacucho Bible 1987

¹³ Aswanqa tuñichinkichikmi altarninkunata, pakipankichiktaqmi adorasqanku suytu rumikunatapas, Asera sutiyoq kullukunamanta mamachankutañataqmi qorupankichik.

Chuya Qellqa 1992

¹³ Aswanqa altarninkunatam tuñichinkichik, yupaychasqanku rumikunatapas pakipankichikmi, Asera sutiyuq idolonkutapas ñutunkichikmi.

Éxodo 34:13 Iomraidhean Croise

1~Reyes 14:15

Imaynam soqosta mayu aytinyachin, chaynatam Tayta Diospas Israel runakunata ñakarichinqa. Ñawpaq taytankuman qosqan sumaq allpamanta qarqoruspanmi Eufrates mayupa waklawninman wischurunqa. Chaynataqa ruwarunqa Asera idolota ruwaruspa Tayta Diosta piñachisqankuraykum.

2~Reyes 10:27

Baal idolotapas ñuturuspankum templontapas tuñirachirqaku, hinaspam ispakunanku sitiotaña ruwarurqaku, chaynam kachkan kunankamapas.

2~Reyes 18:4

Moqokunapi capillakunata tuñichispanmi yupaychananku idolokunatapas pakiparurqa, Aseraman rikchakuq idolokunatapas ñutuparurqam, Moisespa ruwachisqan broncemanta maqta urutapas ñutuparurqam. Chay punchawkunapim Israelpa mirayninkunaqa inciensota kañapuspanku Nehustán nispa sutichaqku.

2~Reyes 23:14

Ñutuparurqataqmi rumimanta ruwasqa idolokunatapas, Asera idolokunatapas, chaykunata hur-qosqanku sitiokunamanpas runakunapa tullunkunawanmi huntarachirqa.

2~Crónicas 14:3

Huklaw nacionniyuq runakunapa diosninkupa altarninkunatapas, moqokunapi kaq capillakunatapas, rumimanta ruwasqa idolokunatapas, Asera sutiyuq idolo-tapas ñutuparurqam.

2~Crónicas 15:16

Rey Asaqa abuelan Maacatapas reina kayninmantam hurqorurqa Asera idolota ruwachisqanrayku. Chay idolotam kuchuparuspan ñutururqa, hinaspam Cedrón wayqopi kañarurqa.

2~Crónicas 17:6

Payqa tukuy sonqonwanmi Tayta Diospa munasqanman hina kawsarqa. Chinkarachirqataqmi Judá law moqokunapi capillakunatapas chaynataq Asera sutiyuq idolokunatapas.

2~Crónicas 24:18

Hinaptinmi ñawpaq taytankupa yupaychasqan Tayta Diospa templonta qepanchaspanku, Asera sutiyuq idolokunatawan tukuy rikchaq idolokunataña yupaycharqaku. Chay huchankuraykum Judá nacionmanwan Jerusalenman Tayta Diospa piñakuynin chayarqa.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

2~Crónicas 33:19

Mañakuyninpas, chay mañakuyninpa contestasqa kasqanpas, imakunawanmi huchallikusqanpas, Tayta Diosta qepanchasqanpas, maykunapim capillakuna ruwachisqanpas, manaraq Tayta Diospa qayllanpi uchuychakuchkaspa Asera idolokunatawan rikchaqmana idolokunata ruwachispan maykunapim churasqanpas, profetakunapa qellqasqan libropim qellqasqa kachkan.

Éxodo 23:24

Paykunapa idolonkunapa ñawpaqninpiqa amam qonqorakunkichu nitaqmi yupaychankichu. Paykunapa ruwasqanta hinaqa amam qatipakunkichu, aswanqa ñutuspaykim lliwta puchukachinki.

Isaías 17:8

Makinkuwan ruwasqanku capillakunatapas, dedonkuwan llunkisqanku Asera idolonkutapas, intiman rikchakuq idolonkutapas, manañam qawarinqakuñachu.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Jeremías 17:2

Wawa churikichikkunapas altarkunatawan Asera idolokunatam yuyarinku, chaykunam tarikurqa rapisapa sachakunapa sikinpi, alto moqokunapa puntanpi,

Miqueas 5:14

Asera sutiyuq idoloykichiktapas chawpikichikmantam wischurusaq, llaqtaykichikkunatapas pasaypaqtam purmarachisaq.

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Deuteronomio 16:21

Señornikichik Tayta Diospa altarninpa waqtanpiqa amam ima sachatapas Asera idolopaqqa plantankichikchu.

Deuteronomio 16:22

Amataqmi rumimanta idolokunatapas sayachinkichikchu. Chaykunataqa Señornikichik Tayta Diosmi millakun.

Deuteronomio 7:5

Aswanqa paykunapa altarninkunatam tuñichinkichik, yupaychanankupaq rumimanta ruwasqanku pilarkunatapas pasaypaqtam pakipankichik. Asera idolonkutam ñutunkichik, lliw idolonkunatam kañankichik.

Jueces 2:2

ichaqa qamkunam kay allpapi yachaqkunawan ama ima contratotapas ruwankichikchu, aswanqa altarninkutapas tuñichinkichikmi”, nispay. Chaynata nichkaptiypas manam kasukurqankichikchu. ¿Imanasqataq kaynataqa ruwarunkichik?

Jueces 6:25

Chay tutallam Gedeonta Tayta Dios nirqa: Taytaykipa animalninkunamanta qan-chis watayuq allinnin toronta hapiy hinaspa taytaykipa Baal idolonpa altarninta tuñichimuy, altarpa ladonpi Asera idolotapas kuchumuytaq.

Jueces 6:26

Wak moqopa hawanpi, ñoqa Tayta Diospaq altarta ruwapamuway hinaspa allinnin torota wañuchipuwaspayki kullumanta Asera idolotapas yantaspayki chaywan lliw kañana sacrificiota ofrecemuway, nispa.