Éxodo 34:12 - CHUYA QELLQA La Biblia en Quechua de Ayacucho 2012

¹² Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urma-chisuqnikichik rumi hina kanmanku.

Quechua Ayacucho Bible 1987

¹² —Cuidakuychik, yaykunaykichik allpapi *f**yachaqkunawanqa amam contratota rurankichikchu, yanqañataqmi qamkunawan kaspa urmachiq rumi hina kasunkichikman.

Chuya Qellqa 1992

¹² Yaykunaykichik allpapi yachaqkunawanqa amam ima contratotapas ruwankichikchu, yanqañataqmi urmachisuqnikichik rumi hina kanmanku.

Éxodo 34:12 Iomraidhean Croise

1~Reyes 11:2

Chay nacionniyuq runakunamantam Israelpa mirayninkunata Tayta Dios nirqa: Amam paykunawanqa hukllawa-kunkichikchu nitaqmi paykunapas qamkunawanqa casarakunqakuchu, yanqañataq diosninkuna qatiqtaña ruwarusunkichikman, nispa. Salomonmi ichaqa chay warmikunaman hukllawakururqa.

2~Reyes 17:10

moqokunapipas chaynataq rapisa-pa sachakunapa sikinkunapipas rumi-manta pilarkunatawan Asera idolokunatañam sayarachirqaku.

2~Crónicas 24:18

Hinaptinmi ñawpaq taytankupa yupaychasqan Tayta Diospa templonta qepanchaspanku, Asera sutiyuq idolokunatawan tukuy rikchaq idolokunataña yupaycharqaku. Chay huchankuraykum Judá nacionmanwan Jerusalenman Tayta Diospa piñakuynin chayarqa.

Números 33:52

chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik.

Deuteronomio 20:18

chaynapi millakuypaq kaqkunata ruwaspanku idolonku yupaychayta mana yachachisunaykichikpaq. Chaynapi Señornikichik Tayta Diospa contranpi ama huchallikunaykichikpaq.

Deuteronomio 31:5

Chay nacionkunata Tayta Dios vencerachisuptikichikqa, kamachisqayman hinam paykunawan ruwankichik.

Deuteronomio 7:16

Qamkunam ichaqa Señornikichik Tayta Diospa qosusqaykichik allpapi llaqtakunata chinkachinkichik, amam llakipayankichikchu, nitaqmi diosninkunatapas yupaychankichikchu, yanqañataqmi urmachisuqnikichik kanman.

Deuteronomio 7:2

Maypacham Señornikichik Tayta Dios chay nacionkunata qoykusuptikichikmi paykunata venceruspa pasaypaqta chinkachinkichik, amam paykunawanqa ima contratotapas ruwankichikchu nitaqmi llakipayankichikpaschu.

Josué 9:7

Israelpa mirayninkunam ichaqa chay heveokunata nirqaku: Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.

Jueces 6:10

Nirqayki-chiktaqmi: “Ñoqam qamkunapa Dios-nikichik kani, amorreokunapa diosninkutaqa amam manchakunkichikchu, paykunapa allpanpim kunan yacha-chkankichik”, nispay. Qamkunam ichaqa mana kasukurqankichikchu, nispa.

Jueces 8:27

Chay adornokunamantam huk Efodta Gedeón ruwachirqa, hinaspam Ofra llaqtanpi churarachirqa; chaymi Israelpa llapallan mirayninkunaqa Tayta Diosta saqeruspanku chay efodtaña yupaycharqaku. Chaywanmi Gedeonpas chaynataq ayllunkunapas huchallikurqaku.