Éxodo 34:10 - CHUYA QELLQA La Biblia en Quechua de Ayacucho 2012

¹⁰ Tayta Diosmi nirqa: Ñoqam llapallan runaykikunapa ñawpaqninpi pactota ruwasaq, kay pachapi nitaq maylaw nacionpipas mana pipapas ruwasqantam admirakuypaq milagrokunata ruwasaq, maymi qampa kasqaykipim llapallan Israel runakuna ñoqapa ruwasqayta rikunqaku, mancharikuypaqmi qanwan ruwasqaykunaqa kanqa.

Quechua Ayacucho Bible 1987

¹⁰ Tayta Diosmi nirqa: —Ñoqam llapallan runaykikunapa ñawpaqninpi contratota rurasaq, kay pachapi nitaq maylaw nacionpipas mana pipapas rurasqantam admirakuypaq milagrokunata rurasaq, chawpikichikpim maymi qampa kasqaykipi llapallan Israel runakuna ñoqapa rurasqayta rikunqaku, mancharikuypaqmi kanqa qanwan rurasqaykunaqa.

Chuya Qellqa 1992

¹⁰ Tayta Diosmi nirqa: Ñoqam llapallan runaykikunapa ñawpaqninpi pactota ruwasaq, kay pachapi nitaq maylaw nacionpipas mana pipapas ruwasqantam admirakuypaq milagrokunata ruwasaq, maymi qampa kasqaykipim llapallan Israel runakuna ñoqapa ruwasqayta rikunqaku, mancharikuypaqmi qanwan ruwasqaykunaqa kanqa.

Éxodo 34:10 Iomraidhean Croise

2~Samuel 7:23

Israel llaqtayki hinaqa manam kay pachapi huk nacionqa kanchu. Diosnilláy, paykunataqa qanmi libramurqanki runaykikunaña kanankupaq, admirakuypaq kaqkunata ruwaspaykim paykunataqa ancha reqsisqata ruwarqanki. Egiptomanta hurqomuspaykim qayllankumanta achka nacionkunata chaynataq idolonkunatapas wischururqanki.

Éxodo 34:27

Moisestam Tayta Dios nirqa: Kay nisqayta qellqay, kay nisqayman hinam qanwan hinaspa Israelpa mirayninkunawan pactoyta ruwani, nispa.

Éxodo 34:28

Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Isaías 64:3

Mana suyasqayku manchakuypaq kaqkunata ruwaspayki kay pachaman uraykamuptikim, orqokunapas qayllaykipi katkatatarqa.

Jeremías 32:21

Hatun atiynikiwan, hatun castigowan, admirakuypaq señalkunawanmi, Israel runaykikunata Egipto nacionmanta hurqomurqanki, chaykunawanmi llapa runakunata mancharichirqanki.

Miqueas 7:15

Egiptomanta hurqomusqaykipi hina admirakuypaq atiynikita qawarichiy.

Deuteronomio 10:21

Qamkunaqa payllatam yupaychankichik, Diosnikichikqa qamkunaraykum hatun manchakuypaq kaqkunata ruwarqa, qawachkaptikichikmi chaykunataqa ruwarqa.

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Deuteronomio 4:13

Kikin Tayta Diosmi qamkunawan pacto ruwasqanta willasurqankichik. Chay pactoqa iskay tabla rumikunapi qellqasqa chunka kamachikuykunam karqa. Chaykunataqa ruwayman churanaykichikpaqmi kamachikurqa.

Deuteronomio 9:19

Contraykichikpi anchata piñakuruspan wañuchisunaykichikpaq kaptinmi mancharikurqani; chaywanpas Tayta Diosqa huktawanmi mañakusqayta uyariykuwarqa.

Josué 6:20

Chaymi runakuna qaparirqaku, sacerdotekunapas cornetatam tocarqaku. Cornetapa waqasqanta uyarispanku llapa runakuna tukuy kallpankuwan qapariptinkum llaqtapa muyuriqninpi perqakuna tuñiykamurqa, hinaptinmi llaqtaman yaykuruspanku lliwta puchukarachirqaku.