Éxodo 33:9 - CHUYA QELLQA La Biblia en Quechua de Ayacucho 2012

⁹ Carpaman Moisés yaykuptinmi sayanpa puyu uraykamuspan carpapa punkunpi sayaykuq, chaynapim Moiseswan Tayta Dios rimaq.

Quechua Ayacucho Bible 1987

⁹ Moises karpaman yaykuptinmi sayanpa puyu uraykamuspan karpapa punkunpi sayaykuq chaynapim Tayta Dios rimaq Moiseswan.

Chuya Qellqa 1992

⁹ Carpaman Moisés yaykuptinmi sayanpa puyu uraykamuspan carpapa punkunpi sayaykuq, chaynapim Moiseswan Tayta Dios rimaq.

Éxodo 33:9 Iomraidhean Croise

Génesis 17:22

Diosmi Abrahamwan rimayta tukuruspan pasakurqa.

Génesis 18:33

Chaymantam Abrahamwan rimayta tukuruspan Tayta Dios pasakurqa, Abrahamñataqmi maymi kasqanman kutikurqa.

Éxodo 25:22

Chaypim qanman rikurisqayki, hinaspam chay tapapa hawanmanta, pacto ruwasqay Arcapa hawanpi kaq querubinkunapa chawpinmanta rimapayasqayki; chaypim Israelpa mirayninkunapaq kamachikuykunata willasqayki.

Éxodo 31:18

Sinaí orqopi Tayta Dios rimayta tukuruspanmi Moisesman iskay tabla rumikunapi chunkantin kamachikuyta qoykurqa, chaykunaqa Diospa dedonwan qellqasqam karqa.

Éxodo 33:10

Carpapa punkunpi sayaq puyuta qawaspankum llapa runakuna hatariqku, hinaspam sapakama carpankupa punkunpi qonqorakuykuspa yupaychaqku.

Éxodo 33:11

Tayta Diosqa lado-ladollam Moiseswan rimaq, imaynam pipas runamasinwan rimachkaq hina. Chaymantam Moisesqa campamentoman kutiq. Yanapaqnin Nunpa churin joven Josueymi ichaqa carpamanta mana asuriqchu.

Éxodo 33:8

Diosman asuykuna carpaman Moisés riptinmi lliw runakunañataq carpankupa punkunpi sayarqaku. Carpaman yaykunankamam Moisesta qawarqaku.

Éxodo 34:3

Qanwanqa amam pipas seqamunqachu, amataqmi pipas chay orqomanqa rikurimunqachu. Chay orqopiqa amataqmi ovejatapas nitaq vacatapas michinqakuchu, nispa.

Éxodo 34:5

Tayta Diosñataqmi puyupi uraykamuspan Moiseswan karqa, hinaspam sutinta willarqa.

Éxodo 34:9

hinaspam nirqa: Señorlláy, cheqaptapuni kuyawaspaykiqa ñoqaykuwanyá riy. Señorlláy, llaqtaykiqa rumi sonqo runakunam, mana allin ruwasqaykutawan huchaykuta pampachaykuspayá runaykikunapaqña chaskiykullawayku, nispa.

Ezequiel 3:22

Tayta Diosmi makinwan hapiykuwaspan niwarqa: Hatarispayki pampaman lloqsiy, hinaptinmi chaypi rimapayasqayki, nispa.

Números 11:17

Uraykamuspaymi qanwan rimasaq, hinaspam qampi kaq espiritumanta paykunaman qosaq, chaynapi runakuna nanachikuypi yanapasunaykipaq. Chaynapim runakunamantaqa manaña qamllañachu nanachikunki.

Números 7:89

Diosman asuykuna carpamanmi Moisés yaykurqa Dioswan rimananpaq, hinaptinmi chunkantin kamachikuykuna waqaychana Arcapa tapanmanta otaq querubinkunapa chawpinmanta Moisesta Tayta Dios rimapayamuq. Chaynatam Moiseswan Tayta Dios rimaq.

Deuteronomio 31:14

Moisestam Tayta Dios nirqa: Wañukunayki punchawmi hichpamuchkanña, chaynaqa Josueyta qayaspa paywan kuska asuykamuwanaykichik carpaman riy, chaypi payman kamachikuyniykunata ninaypaq, nispa. Chaynapim Moiseswan Josué rispanku, Tayta Diosman asuykuna carpapi sayarqaku.

Deuteronomio 31:15

Chaypim paykunaman sayanpa puyupi Tayta Dios rikuriykurqa, chay puyuqa carpapa punkunpim sayaykurqa.