Éxodo 33:7 - CHUYA QELLQA La Biblia en Quechua de Ayacucho 2012

⁷ Moisesmi carpata campamentomanta karupi sayachirqa, hinaspam “Diosman asuykuna carpa” nispa suticharqa. Chaymi pipas Tayta Diosta maskay munaqqa campamentopa hawa lawninpi Diosman Asuykuna carpaman riq.

Quechua Ayacucho Bible 1987

⁷ Moisesmi karpata sayachirqa campamentopa karuneq hawa lawninpi hinaspam suticharqa “Diosman Asuykuna Karpa” nispa. Chaymi pipas Tayta Diosta maskay munaq runaqa lloqsirqa campamentopa hawa lawninpi Diosman Asuykuna Karpaman.

Chuya Qellqa 1992

⁷ Moisesmi carpata campamentomanta karupi sayachirqa, hinaspam “Diosman asuykuna carpa” nispa suticharqa. Chaymi pipas Tayta Diosta maskay munaqqa campamentopa hawa lawninpi Diosman Asuykuna carpaman riq.

Éxodo 33:7 Iomraidhean Croise

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

Éxodo 18:12

Hinaspam Jetroqa huk animalta apamuspan lliw kañana ofrendatawan chaynataq huk rikchaq ofrendakunatapas Diosman ofrecerqa. Chaymanmi Aaronpas chaynataq Israelpa llapa ancianonkunapas hamurqaku, Diospa qayllanpi Moisespa suegronwan mikunankupaq.

Éxodo 18:7

Chaymi suegronman Moisés taripaykuspan qonqoranpa kumuykurqa, hinaspam muchaykurqa. Chaymantam imaynam kasqankumanta tapunakuspanku carpaman yaykurqaku.

Éxodo 33:6

Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Éxodo 33:8

Diosman asuykuna carpaman Moisés riptinmi lliw runakunañataq carpankupa punkunpi sayarqaku. Carpaman yaykunankamam Moisesta qawarqaku.

Proverbios 15:29

Mana allin runamantaqa Tayta Diosqa karupim kachkan, allin ruwaq runapa mañakuynintam ichaqa uyarin.

Isaías 59:2

Ichaqa mana allinkuna ruwasqaykichikmi Diosmanta rakirusunkichik, huchaykichikraykum mana uyarisunkichikchu.

Oseas 9:12

Wachakuruspanku uywachkaptinkupas qechuruspaymi wañurachisaq. ¡Ay, imaynaraq kanqaku saqeruptiyqa!

Deuteronomio 4:29

Sichum maymi kasqaykichikmanta Señornikichik Tayta Diosta tukuy sonqoykichikwan, tukuy yuyaynikichikwan maskaspaykichikqa tarinkichikmi.

Hebreos 8:2

Payqa cheqap Chuyay-chuyay lugarpim sacerdotekunapa ruwananta ruwachkan, kikin Diospa ruwasqan carpapi, chaytaqa manam runachu ruwarqa.