Éxodo 33:6 - CHUYA QELLQA La Biblia en Quechua de Ayacucho 2012

⁶ Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Quechua Ayacucho Bible 1987

⁶ Chayraykum Israelpa mirayninkunaqa adornonkuta horqokurqaku Horeb Orqomantapuni.

Chuya Qellqa 1992

⁶ Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Éxodo 33:6 Iomraidhean Croise

Éxodo 3:1

Moisesmi Madianpi sacerdote suegron Jetropa ovejankunata michichkaspan chunniqninta qatispan Diospa sapaqchasqan Horeb orqokama chayarurqa.

Éxodo 32:3

Hinaptinmi llapallan runakuna, qorimanta alhajankuta hurqokuspanku Aaronman aparqaku.

Éxodo 33:4

Chay mana allin noticiata uyariruspankum llapa runakunaqa alhajankutapas hurqokuspanku llakisqallaña karqaku.

Éxodo 33:5

Tayta Diosmi Moisesta nirqa, Israelpa mirayninkunata kaynata ninanpaq: Qamkunaqa rumi sonqo runakunam kankichik, chawpikichikman qonqayta chayaramuspayqa wañurachikichik-manmi. Kunanyá alhajaykichikkunata hurqokuychik, chayñam yachasaq qamkunawan imam ruwanaytapas, nispa.

Éxodo 33:7

Moisesmi carpata campamentomanta karupi sayachirqa, hinaspam “Diosman asuykuna carpa” nispa suticharqa. Chaymi pipas Tayta Diosta maskay munaqqa campamentopa hawa lawninpi Diosman Asuykuna carpaman riq.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jonás 3:5

Hinaptinmi Nínive llaqtapi yachaqkuna, Diospa nisqanta uyariykuspanku, hatunpas taksapas ayunaspanku huchan-kumanta wanakuspa qachqa pachakunawan churakurqaku.