Éxodo 33:4 - CHUYA QELLQA La Biblia en Quechua de Ayacucho 2012

⁴ Chay mana allin noticiata uyariruspankum llapa runakunaqa alhajankutapas hurqokuspanku llakisqallaña karqaku.

Quechua Ayacucho Bible 1987

⁴ Kay mana allin noticiata runakuna uyariruspankum adornonkutapas horqokuruspan llakisqallaña karqaku.

Chuya Qellqa 1992

⁴ Chay mana allin noticiata uyariruspankum llapa runakuna alhajankutapas hurqokuspanku llakisqallaña karqaku.

Éxodo 33:4 Iomraidhean Croise

2~Samuel 19:24

Saulpa willkan Mefi-bosetpas rey chaskiqmi lloqsirqa, payqa manam chakintapas mayllakurqachu, barbantapas manam siksikurqachu, nitaqmi pachantapas taqsakurqachu reypa lloqsisqan punchawmanta Jerusalenman hawkalla kutimunankama.

1~Reyes 21:27

Chaykunata uyariykuspanmi Acabqa pachanta llikiparurqa, hinaspam qachqa pachawan churakuruspa ayunarqa. Hina chay qachqa pachantillanmi puñurqapas, hinaspam llakisqallaña purirqa.

2~Reyes 19:1

Chayta uyariruspanmi rey Eze-quías pachanta llikiparurqa, hinaspam qachqa pachawan churakuruspan Tayta Diospa templonman yaykurqa.

Esdras 9:3

Chayta yachaykuspaymi pachaytawan capayta llikiparqani, chukchaytawan barbaytapas chutakuspaymi sinchi llakisqa tiyarqani.

Jobwan Sutichasqa Libro 1:20

Chaymi Jobqa llakikuymanta hatarispan pachanta llikipakurqa, hinaspam chukchantapas rutukuruspan pampaman qonqoranpa kumuykuspan Diosta hatunchaspan

Jobwan Sutichasqa Libro 2:12

Paykunam karullamantaraq qawarispanku Jobtaqa mana reqsiytapas atirqakuchu, chaymi qaparispa waqarqaku, pachankutapas llikikuspankum allpatapas umankuman machqekurqaku.

Éxodo 33:6

Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Ezequiel 24:17

Llakispaqa-llakikuy upallallamanta, paymantaqa ama lutokuychu. Uma wataykitapas ama hurqokuychu, amataq qala chakipas puriychu. Uyaykitapas ama tapakuychu, chayna punchawkunapi mikuna mikuytapas ama mikuychu, nispa.

Ezequiel 24:23

Uma wataykichiktapas, usutaykichiktapas manam hurqokunkichikchu, manam qaparinkichikchu nitaqmi waqankichikpaschu. Aswanqa huchaykichikrayku ñakarispam manaña kallpayuq huknikichikmanta huknikichikkama waqachinakunkichik.

Ezequiel 26:16

Hinaptinmi lamar qocha patanpi reykunapas trononkumanta uraykuspanku capankutawan bordasqa pachankuta hurqokunqaku; manchakuypa huntasqanmi pampapi tiyanqaku, tuñichisqa kasqaykita qawaykuspankum sapa kutilla manchakuymanta katkatatanqaku.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Levítico 10:6

Aarontawan churin Eleazartawan Itamartam Moisés kaynata nirqa: Amam mana ñaqchasqaqa kankichikchu, amataqmi lutokusqaykichikta qawachikunaykichikpaqpas pachaykichiktaqa llikipankichikchu, chaynata ruwaspaqa wañuruwaqchikmi; Tayta Diospa piñakuyninmi llapa huñunasqa runakunamanpas chayarunman. Aylluykichikmantaqa llapallan Israel castakunam waqanqaku, chaynatam Tayta Diospa kañarusqanmanta llakikunqaku.

Jonás 3:6

Nínive llaqtapa reyninpas chay willakuyta uyariruspanmi, trononmanta sayarispan, pachankunata hurqokuruspa qachqa pachawan pachakuruspan uchpapa hawanpi tiyaykurqa.

Zacarías 7:3

hinaspa Tukuy Atiyniyuq Tayta Diospa templonpi kaq sacerdotekunata chaynataq profetakunata kaynata tapumunankupaq: ¿Hinaraqchu pichqa kaq killapi waqasaqku hinaspa ayunasaqku imaynam watan-watan ruwasqaykuman hina? nispanku.

Zacarías 7:5

Kay nacionpi llapallan runakunata hinaspa sacerdotekunata kaynata nimuy: Kay qanchis chunka watantin, pichqa kaq killapi chaynataq qanchis kaq killapi waqaspa ayunaspaykichik, ¿ñoqapaqchu ayunarqankichik?

Números 14:1

Hinaptinmi Israelpa mirayninkuna qaparispanku tukuy tuta waqarqaku.

Números 14:39

Tayta Diospa nisqanta Israelpa mirayninkunaman Moisés willaykuptinmi anchallataña llakikurqaku.

1~Samuel 6:19

Diosmi Bet-semes runakunata wa-ñurachirqa, paypa Arcanpa ukunta qawaykusqankumanta. Pichqa chunka waranqa qanchis chunka qarikunatam wañurachirqa. Chaymi llaqtantin runakuna llumpayta waqarqaku.