Éxodo 33:22 - CHUYA QELLQA La Biblia en Quechua de Ayacucho 2012

²² kanchayniy ñawpaqnikita pasanankama, hinaptinmi hatun rumipa raqranman churasqayki, hinaspam pasarunaykama makiywan pakasqayki.

Quechua Ayacucho Bible 1987

²² kanchayniy pasaptin hatun rumipa raqranman churasqayki hinaspam makiywan pakasqayki pasarunaykama.

Chuya Qellqa 1992

²² kanchayniy ñawpaqnikita pasanankama, hinaptinmi hatun rumipa raqranman churasqayki, hinaspam pasarunaykama makiywan pakasqayki.

Éxodo 33:22 Iomraidhean Croise

1~Reyes 19:9

Chayaruspanmi huk machaypi chay tuta samarurqa. Chaymi Tayta Dios rimapayaspan, nirqa: Yaw Elías, ¿imatataq kaypi ruwachkanki? nispa.

Cantares 2:3

Imaynam purun sachakunapa chawpinpi manzana, chaynam kuyakusqaypas jovenkunapa chawpinpi. ¡Mayna sumaqmi llantuyninpi tiyaykuyniyqa! ¡Mayna miskim rurunpas mikuykuptiyqa!

Isaías 2:21

Kay pachata ñakarichinanpaq Tayta Dios rikurimuptinmi mancharikuypaq qayllanmanta runakuna pakakunqaku, Diospa hatun kayninpa kanchariyninmantam pakakunqaku; qaqapa raqrankunamanmi yaykunqaku, orqopi machaykunamanmi ustunqaku.

Isaías 32:2

Paykunam sapakama wayramanta harkachikuna hina kanqaku, loco wayra-paramanta harkachikuna hinam kanqaku, chaki allpapi mayukuna hinam kanqaku, sinchi rupaypi qaqapa llantuynin hinam kanqaku.

Isaías 49:2

Simiytam ñawchiyaykachisqa espadata hina ruwarun, makinpa llantuyninwanmi harkaykuwan. Ñawchiy-ñawchiy flechata hinam ruwaruwan, flechankuna waqaychananpim waqaychaykuwan.

Isaías 51:16

Cielokunatam mastarirqani, kay pachatam takyachirqani. Simikimanmi palabraykunata churarqani, makiypa llantuyninwanmi harkarqayki. Sionpi yachaqkunatam nini: “Llaqtaymi qamqa kanki”, nispay.

1~Corintios 10:4

Llapallankutaqmi huk rikchaq yakullata tomarqaku, chay yakuqa qaqamanta lloqsimuqmi karqa, chay qaqaqa paykunawan riq Cristom karqa.

2~Corintios 5:19

Diosmi Cristopi kachkarqa kay pachapi runakunata mana huchayuqpaqña hapispa kikinwan allinyanachinanpaq. Paymi kamachiwarqanchik allinyanakuymanta willakunanchikpaq.

Deuteronomio 33:12

Benjamín ayllumantam nirqa: Dios Taytapa kuyasqanqa hawkam kawsakunqa, paypa waqaychasqanmi kawsakunqa, kuyasqaykiqa marqaynikipim kawsakunqa.