Éxodo 33:17 - CHUYA QELLQA La Biblia en Quechua de Ayacucho 2012

¹⁷ Chaymi Tayta Dios nirqa: Kay nisqaykitapas ruwasaqmi, favorniy qanwan kasqanraykum ñoqaqa sumaqta reqsiki, nispa.

Quechua Ayacucho Bible 1987

¹⁷ Chaymi Tayta Dios nirqa: —Kay nisqaykitapas rurasaqmi, favorniy qanwan kasqanraykum ñoqaqa sumaqta reqsiki —nispa.

Chuya Qellqa 1992

¹⁷ Chaymi Tayta Dios nirqa: Kay nisqaykitapas ruwasaqmi, favorniy qanwan kasqanraykum ñoqaqa sumaqta reqsiki, nispa.

Éxodo 33:17 Iomraidhean Croise

Génesis 18:32

Kasqallanmi ruegakuspan Abraham nirqa: Señornilláy, amayá piñakuykuychu, kunanllañayá rimapayaykusqayki. Ichapas chaypiqa chunkalla kachkanku, nispa. Hinaptinmi Dios nirqa: Chunkallataña tarispaypas manam puchukachisaqchu, nispa.

Génesis 19:19

Kay siervollaykitaqa anchatañam yanapaykuwanki, kuyakuynikiman hinataqmi vidallaytapas salvaykuwanki, orqoman ayqeytaqa manam atiymanchu, qonqaytachá imapas pasawaptin wañuruyman.

Génesis 19:21

Chaymi huknin ángel nirqa: Kay mañakuynikitapas uyarinim, chay-naqa wak niwasqayki llaqtachataqa manam puchukachisaqchu.

Génesis 6:8

Noeytam ichaqa Tayta Dios allinpaq qawarqa.

Éxodo 33:12

Moisesmi Tayta Diosta nirqa: Qanmi niwachkanki: “Kay runakunata pusay”, nispa; ichaqa manam reqsichiwankichu pim ñoqawan rinantapas. Qamqa niwankitaqmi allinta reqsiwaspayki kuyapayawasqaykitapas.

Isaías 45:3

Pakasqa qori-qollqekunatam qosqayki, Israelpa Tayta Diosnin kasqayta yachanaykipaq; pakaspa waqaychasqa kaqkunatam qosqayki, sutikimanta qayaqniki kasqayta yachanaykipaq.

Isaías 65:24

Manaraqpas mañakamuwachkaptinkum paykunataqa contestasaq, manaraqpas rimayta tukuchkaptinkum paykunataqa uyarisaq.

Juan 16:23

Chay punchawpiqa manañam imamantapas tapuwankichikchu. Cheqaptapunim nikichik, sutiypi mañakuptikichikqa Taytaqa qosunkichikmi.

Deuteronomio 9:19

Contraykichikpi anchata piñakuruspan wañuchisunaykichikpaq kaptinmi mancharikurqani; chaywanpas Tayta Diosqa huktawanmi mañakusqayta uyariykuwarqa.

Santiago 5:16

Huchaykichikta willanakuspayá Diosta mañakuychik, chaynapi sanoyanaykichikpaq. Justo runapa tukuy sonqonwan Dios mañakusqanqa llumpay atiyniyuqmi.