Éxodo 33:11 - CHUYA QELLQA La Biblia en Quechua de Ayacucho 2012

¹¹ Tayta Diosqa lado-ladollam Moiseswan rimaq, imaynam pipas runamasinwan rimachkaq hina. Chaymantam Moisesqa campamentoman kutiq. Yanapaqnin Nunpa churin joven Josueymi ichaqa carpamanta mana asuriqchu.

Quechua Ayacucho Bible 1987

¹¹ Tayta Diosmi Moiseswan rimaq pipas amistadninwan rimachkaq hina. Chaymantam Moises kutiq campamentoman. Nunpa churin yanapaqnin joven Josueymi ichaqa mana haykapipas asuriqchu karpamanta.

Chuya Qellqa 1992

¹¹ Tayta Diosqa lado-ladollam Moiseswan rimaq, imaynam pipas runamasinwan rimachkaq hina. Chaymantam Moisés campamentoman kutiq. Yanapaqnin Nunpa churin joven Josueymi ichaqa carpamanta mana asuriqchu.

Éxodo 33:11 Iomraidhean Croise

Génesis 32:30

Chaynapim Jacobqa chay lugarta Penielwan suticharqa, kaynata nispa: Diosta rikuruchkaspaypas kawsachkaniraqmi, nispa.

2~Crónicas 20:7

Diosnillayku, qanmi Israel llaqtaykipa qayllanmanta kay allpapi yachaqkunata qarqorurqanki, hinaspam amigoyki Abrahampa mirayninkunaman wiña-wiñaypaq qoykurqanki.

Jobwan Sutichasqa Libro 16:21

Ima allincha kanman Dioswan huk runa, runamasinwan hina kutipanakuptinqa.

Éxodo 17:9

Chaymi Josueyta Moisés nirqa: Ñoqanchikmanta qarikunata akllay hinaspa Amalec runakunawan peleanaykipaq lloqsiy. Paqarinmi Diospa tawnanta hapiykuspay orqopa puntanpi kasaq, nispa.

Éxodo 24:13

Chaymi Moisesqa yanapaqnin Josueypiwan Diospa kasqan orqoman qespirqa

Éxodo 32:17

Josueymi runakunapa qapariyninta uyariruspan Moisesta nirqa: Guerrapi hinam campamentopi runakuna qaparichkanku, nispa.

Éxodo 33:10

Carpapa punkunpi sayaq puyuta qawaspankum llapa runakuna hatariqku, hinaspam sapakama carpankupa punkunpi qonqorakuykuspa yupaychaqku.

Éxodo 33:9

Carpaman Moisés yaykuptinmi sayanpa puyu uraykamuspan carpapa punkunpi sayaykuq, chaynapim Moiseswan Tayta Dios rimaq.

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Números 11:28

Hinaptinmi joven kayninmanta serviqnin Nunpa churin Josueyñataq Moisesta nirqa: Taytáy, chay runakunata upallachimuy, nispa.

Números 12:7

Serviqniy Moiseswanmi ichaqa mana chaynatachu ruwasaq, payqa llapan serviqniykunamantapas mastam ñoqapi hapipakun.

Números 12:8

Paywanqa uya-uyapuram imam kaqta rimasaq, manam rikchanachiykunawanchu, chaynaqa ñoqa Tayta Diosta rikuwachkaptinqa, ¿imanasqamá manaqa manchakurqankichikchu serviqniy Moisespa contranpi rimaytaqa? nispa.

Juan 11:11

Chaymantam Jesús nirqa: Amistadninchik Lázarom puñuchkan, rispaymi rikcharichimusaq, nispa.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Deuteronomio 31:14

Moisestam Tayta Dios nirqa: Wañukunayki punchawmi hichpamuchkanña, chaynaqa Josueyta qayaspa paywan kuska asuykamuwanaykichik carpaman riy, chaypi payman kamachikuyniykunata ninaypaq, nispa. Chaynapim Moiseswan Josué rispanku, Tayta Diosman asuykuna carpapi sayarqaku.

Deuteronomio 34:10

Israelpa mirayninkunapiqa manañam haykapipas Diospa profetan Moisés hinaqa karqachu. Paywanqa Tayta Diospas uyapuram rimarqa.

Deuteronomio 5:4

Tayta Diosqa kikinpunim orqopi rupachkaq nina ukumanta rimapayawarqanchik.

Santiago 2:23

Chaynatam Qellqapa kayna nisqan cumplikurqa: “Abrahamqa Diosman iñisqanraykum mana huchayuqpaqña chaskisqa karqa”, nispa. Chaynapim Abrahamqa Diospa amigon nispa sutichasqa karqa.