Éxodo 32:8 - CHUYA QELLQA La Biblia en Quechua de Ayacucho 2012

⁸ Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Quechua Ayacucho Bible 1987

⁸ Chayllam kamachikuyniykunamanta rakikuruspanku fundisqa malta toro taytachata rurakurunku, adoraspankum chaypaq animalkunatapas wañuchichkanku hinaspam chayta nichkanku: “¡Yaw Israel runakuna, kaymi Egipto nacionmanta horqomuwaqninchik dioskuna!” nispa.

Chuya Qellqa 1992

⁸ Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Éxodo 32:8 Iomraidhean Croise

1~Reyes 12:28

Chaymi rey Jeroboamqa umachakuyta chaskiruspan, qorimanta iskay torillota ruwarachirqa, hinaspam runakunata nirqa: Israel runakuna, amañayá Jerusalén llaqtamanqa riychikñachu, kayqaya Egipto nacionmanta hurqomusuqnikichik diosnikichikqa, nispa.

Nehemías 9:18

Qorita chulluchispa huk torillota ruwakuruspankum nirqaku: “Kaymi Egipto nacionmanta hurqomuwaqninchik diosqa” nispanku. Chaykunawanmi llumpayta piñachisurqanki.

Éxodo 20:23

Amam qorimanta qollqemanta idolokunata ruwankichikchu, ñoqata hina yupaychanaykichikpaqqa.

Éxodo 22:20

Diosllamanmi sacrificiotaqa ofrecenkichik, idolokunaman ofreceqqa wañunqapunim.

Éxodo 32:4

Payñataqmi chaykunata chulluchispan malta toroman rikchakuqta cincelwan llaqllarurqa, hinaptinmi llapa runakuna ninakurqaku: ¡Israel runakuna, kaymi Egipto nacionmanta hurqomuwaqninchik diosqa! nispanku.

Éxodo 34:15

Chay nacionpi runakunawanqa amam ima contratotapas ruwankichikchu, paykunaqa chuchumikaruq casada warmi hinam idolonkupaq animalkunata wañuchispa aychantapas mikuchisunkichikman.

Isaías 46:6

Runakunam wayqankumanta qorita hurqomunku, balanzapiñataqmi qollqeta pesanku; chay qorimanta qollqemanta ídolo ruwaqtam maskanku, chay idolopa ñawpaqninpim qonqoraspa yupaychanku.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Deuteronomio 32:17

Demoniokunapaqmi animalkunata ofrecerqaku, manam Tayta Diospaqchu; paykunapapas chaynataq ñawpaq taytankupapas mana reqsisqanku chayllaraq rikurimuq idolokunapaqmi chayta ruwarqaku.

Deuteronomio 9:12

Hinaspam niwarqa: “Chaylla kutiy, Egipto nacionmanta hurqomusqayki runakunam huchallikurunku, manapas unaypim kamachisqaykunata mana cumplispanku qorita chulluchisqa idolota ruwakurunku”, nispa.

Deuteronomio 9:16

Hinaspam Señornikichik Tayta Diospa contranpi huchallikusqaykichikta qawaykurqani. Qamkunam Tayta Diospa kamachisqankunata manapas unaypi saqeruspa metalta chulluchispa malta toroman rikchakuq idolotaña ruwakururqankichik.

Josué 22:15

Paykunam Galaad lawpi kaq Rubén aylluman, Gad aylluman hinaspa Manasespa wakin aylluman chayaruspanku nirqaku:

Jueces 2:17

Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku.

Jueces 8:24

Ichaqa kayllatam mañakuykichik: Sapakamayá qechumusqaykichik aretekunata qoykuwaychik, nispa. Chay vencerachikuq runakunaqa Ismael castakuna kasqankuraykum qori areteyuqkama karqaku, nispa.