Éxodo 32:5 - CHUYA QELLQA La Biblia en Quechua de Ayacucho 2012

⁵ Chayta uyariruspanmi, malta toropa ñawpaqninpi huk altarta Aarón ruwarurqa, hinaspam qayakurqa: ¡Paqarinmi Tayta Diospaq fiestata ruwasun! nispa.

Quechua Ayacucho Bible 1987

⁵ Kayta uyariruspanmi Aaron malta toropa ñawpaqninpi huk altarta rurarurqa hinaspam qayakurqa: —¡Paqarinmi Tayta Diospaq fiesta kanqa! —nispa.

Chuya Qellqa 1992

⁵ Chayta uyariruspanmi, malta toropa ñawpaqninpi huk altarta Aarón ruwarurqa, hinaspam qayakurqa: ¡Paqarinmi Tayta Diospaq fiestata ruwasun! nispa.

Éxodo 32:5 Iomraidhean Croise

1~Reyes 21:9

Chay cartapim kaynata nirqa: Ayunanankupaq runakunata kamachiychik hinaspa llapallaykichikpa qayllaykichikman Nabotta tiyachiychik.

2~Reyes 10:20

Jehuqa nirqataqmi: Baalpaq hatun huñunakuy punchawta akllaychik, nispa. Hinaptinmi chaynata ruwarqaku.

2~Reyes 16:11

Sacerdote Uriasmi Damasco llaqtamanta rey Acazpa apachisqan planoman hina altarta ruwarqa, Damasco llaqtamanta rey Acaz kutimunankama.

2~Crónicas 30:5

Chaymi Beerseba llaqtamanta qallarispa Dan llaqtakama Israelpi llapallan runakunaman willachirqaku, Israelpa yupaychasqan Tayta Diospaq Pascua fiestata ruwaq Jerusalén llaqtaman hamunankupaq. Unay watañam Pascua fiestataqa mana ruwarqakuchu, chay ruwananpaq kamachikuy kachkaptinpas.

Éxodo 10:9

Hinaptinmi Moisés nirqa: Tayta Diosta yupaychamunayku fiesta kasqanraykum, warmaykupiwan, yuyaqniykupiwan, qari churiykupiwan hinaspa warmi churiykupiwan risaqku. Ovejaykutawan vacaykutapas qatisaqkum, nispa.

Éxodo 12:14

Chay punchawqa yuyarinaykichik punchawmi kanqa, chaynapim ñoqa Tayta Diosta yupaychawanaykichikpaq hatun fiestata ruwankichik. Chaymi miraynikichikkunapaq huk decreto wiña-wiñaypaq kanqa.

Éxodo 17:15

Hinaptinmi huk altarta Moisés perqarqa, hinaspam suticharqa “Tayta Diosmi banderay”, nispa.

Éxodo 32:4

Payñataqmi chaykunata chulluchispan malta toroman rikchakuqta cincelwan llaqllarurqa, hinaptinmi llapa runakuna ninakurqaku: ¡Israel runakuna, kaymi Egipto nacionmanta hurqomuwaqninchik diosqa! nispanku.

Éxodo 32:6

Chaymi paqarinnintin tutapayta hatarispanku, sacrificiokunata ruwaspanku, Dioswan allinlla kasqankumanta ofrendakunata ofrecerqaku. Chaymantam llapa runakuna tiyaykuspanku mikuspa tomarqaku, hinaspam aychankuta kusichirqaku.

Oseas 8:11

Efrainmi huchanta mayllananpaq achkanpi altarkunata ruwakurun, ichaqa chay altarkunam rikurirun huchaman apaqninku altarkunaña.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

Levítico 23:21

Chay punchawpipunim ñoqallapaqña huñunakuyta ruwankichik, amam imapipas llamkankichikchu, chaymi wiña-wiñaypaq kamachikuy llapallan miraynikichikpaq maypiña yachaptikichikpas kanqa.

Levítico 23:37

Chaykunam ñoqa Tayta Diospaq sapaqchasqa fiestakuna, chay fiestakunapiqa ñoqallapaqña sapaqchasqa huñunakuykunamanmi qayanakunkichik, chaypim ñoqa Tayta Diosman lliw kañana ofrendata, kawsaykunamanta ofrendakunata, wakin wañuchisqa ofrendakunata ofrecewankichik, chaynataqmi vinotapas tallinkichik. Chaykunataqa tupamusqan punchawman hinam ruwankichik.

Levítico 23:4

Kaykunam ñoqa Tayta Diospaq sapaqchasqa fiestakuna, chaykunata ruwanaykichikpaqmi akllasqa punchawkunapi huñunakunkichik:

1~Corintios 5:8

Chaynaqa, Pascua fiestapi mana levadurayuq tantatayá mikusun, chay mana levadurayuq tantaqa tukuy sonqowan ruwasqanchikmi hinaspa cheqap rimasqanchikmi. Amayá huchallikusunchu nitaq mana allintapas ruwasunchu ñawpaq levadurayuq tanta ruwasqanchikta hinaqa.

1~Samuel 14:35

Saulñataqmi huk altarta Tayta Diospaq perqarqa, chay altarmi karqa Tayta Diospaq Saulpa punta kaq perqasqan.