Éxodo 32:4 - CHUYA QELLQA La Biblia en Quechua de Ayacucho 2012

⁴ Payñataqmi chaykunata chulluchispan malta toroman rikchakuqta cincelwan llaqllarurqa, hinaptinmi llapa runakuna ninakurqaku: ¡Israel runakuna, kaymi Egipto nacionmanta hurqomuwaqninchik diosqa! nispanku.

Quechua Ayacucho Bible 1987

⁴ Payñataqmi chaskiykuspan fundisqataña herramientawan tallarqa malta toropa imagenninta hinaptinmi llapa runakuna ninakurqaku: —¡Yaw Israel runakuna, kaymi Egipto nacionmanta horqomuwaqninchik dioskuna! —nispa.

Chuya Qellqa 1992

⁴ Payñataqmi chaykunata chulluchispan malta toroman rikchakuqta cincelwan llaqllarurqa, hinaptinmi llapa runakuna ninakurqaku: ¡Israel runakuna, kaymi Egipto nacionmanta hurqomuwaqninchik diosqa! nispanku.

Éxodo 32:4 Iomraidhean Croise

1~Reyes 12:28

Chaymi rey Jeroboamqa umachakuyta chaskiruspan, qorimanta iskay torillota ruwarachirqa, hinaspam runakunata nirqa: Israel runakuna, amañayá Jerusalén llaqtamanqa riychikñachu, kayqaya Egipto nacionmanta hurqomusuqnikichik diosnikichikqa, nispa.

1~Reyes 12:32

Chaymantam qallarichirqa pusaq kaq killapa chunka pichqayuq punchawninpi huk hatun fiestata, chay fiestataqa ruwachirqa Judá nacionpi fiestata hinam, hinaspam kikinpuni sacrificiokunata altarpi ofrecerqa, chaynatam Bet-el llaqtapi ruwarqa. Qorimanta ruwasqan torillokunapaqmi animalta wañuchispa lliwta kañarqa, hinaspam Bet-el llaqtapa moqonkunapi capillakuna ruwachisqanpi sacerdotekunata churarqa.

2~Reyes 10:20

Jehuqa nirqataqmi: Baalpaq hatun huñunakuy punchawta akllaychik, nispa. Hinaptinmi chaynata ruwarqaku.

2~Reyes 10:29

Chaywanpas Israel nacionta huchallichiq Nabatpa churin Jeroboampa huchankunataqa manam saqerqachu, aswanmi Bet-el llaqtapi chaynataq Dan llaqtapi qorimanta torillokunata hinalla yupaycharqa.

2~Crónicas 11:15

Paykunapa rantinpim Jeroboamqa kikinpa sacerdotenkunataña churarurqa, moqokunapi kaq capillakunapi, demoniokunapa chaynataq toro idolokunata ruwachisqanpa sacerdotenkuna kanankupaq.

2~Crónicas 13:8

Kunanñataqmi Tayta Diospa munaychakuyninpa contranpi hatarichkankichik Davidpa mirayninkunapa kachkaptinpas achkallaña kasqaykichikrayku, hinaspam Jeroboampa qorimanta ruwachisqan torillokunataña diosnikichikpaq hapirunkichik.

Nehemías 9:18

Qorita chulluchispa huk torillota ruwakuruspankum nirqaku: “Kaymi Egipto nacionmanta hurqomuwaqninchik diosqa” nispanku. Chaykunawanmi llumpayta piñachisurqanki.

Éxodo 20:2

Ñoqa Tayta Diosmi, Diosnikiqa kani, Egipto nacionpi esclavo kaspa ñakarisqaykimanta hurqomuqnikim kani.

Éxodo 20:23

Amam qorimanta qollqemanta idolokunata ruwankichikchu, ñoqata hina yupaychanaykichikpaqqa.

Éxodo 20:4

Amam imaman rikchakuq idolotapas ruwakunkichu, hanaq pachapi kaqman, kay pachapi kaqman, allpa ukupi kaqman nitaq yakupi kaqman rikcha-kuqtapas.

Éxodo 28:11

Sellokuna ruwaqmi Israelpa churinkunapa sutinta chay alhaja rumikunapi qellqanqa, hapiqnintañataqmi qorimanta ruwanki.

Éxodo 28:9

Ónice sutiyuq iskay alhaja rumikunapa hawanpim Israelpa churinkunapa sutinta qellqanki.

Éxodo 32:1

Orqoman risqanmanta Moisés manaña rikurimuptinmi, Aaronman asuykuspanku llapa runakuna kaynata nirqaku: Pusawanankupaq dioskunata ruwapuwayku, Egipto nacionmanta hurqomuwaqniyku Moisestaqa imachá pasarun, manam yachanchikchu, nispanku.

Éxodo 32:24

Ñoqañataqmi nirqani: “Pipapas qorin kaptinqa apamuwaychik” nispa. Hinaptinmi paykuna qorita apamuwarqaku, chayta ninaman wischuykuptiymi kay torillo lloqsiramurqa, nispa.

Éxodo 32:3

Hinaptinmi llapallan runakuna, qorimanta alhajankuta hurqokuspanku Aaronman aparqaku.

Éxodo 32:35

Chaymi runakunata Tayta Dios castigarqa torillo idolota Aaronwan ruwarachispa yupaychasqankumanta.

Éxodo 32:5

Chayta uyariruspanmi, malta toropa ñawpaqninpi huk altarta Aarón ruwarurqa, hinaspam qayakurqa: ¡Paqarinmi Tayta Diospaq fiestata ruwasun! nispa.

Éxodo 32:7

Chaymi Moisesta Tayta Dios nirqa: Kutiy, Egipto nacionmanta hurqomusqayki runakunam millakuypaqta ruwachkanku.

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Isaías 30:22

Qorimanta qollqemanta idoloykichikkunatapas millakuypaqtañam qawankichik. Chaykunataqa millakuypaq qacha latapata hinam wischunkichik, hinaspam ninkichik: Anchuy kaymanta, nispaykichik.

Isaías 46:6

Runakunam wayqankumanta qorita hurqomunku, balanzapiñataqmi qollqeta pesanku; chay qorimanta qollqemanta ídolo ruwaqtam maskanku, chay idolopa ñawpaqninpim qonqoraspa yupaychanku.

Ezequiel 23:8

Payqa Egipto nacionpi kasqanmantaraqmi chuchumika kayninta mana saqerqachu, achkaqmi paywanqa sipas kayllanpiraq puñukurqaku. Paykunam warma ñuñunkutapas mullkapayaspanku chuchumikayarachirqaku.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 13:2

Kunanpas paykunaqa hinallam huchallikuchkanku, qollqenkutapas chulluchispam tanteasqankuman hina idolokunata ruwakuchkanku, hinaspam runakunata ninku: “Qori torillo idoloman sacrificiota qoychik, hinaspa muchaykuychik”, nispanku.

Hechos 17:29

Diospa mirayninkuna kachkaspaqa, amayá Diosmantaqa piensasunchu qorimanta, qollqemanta, rumimanta ruwasqa idolokuna hina kasqantaqa, chaykunataqa runakunallam tanteasqanman hina ruwarqaku.

Hechos 7:41

Chaymi torillota qorimanta ruwarurqaku, hinaspam animalkunata wañuchispa chay idoloman ofrecerqaku, makinkupa ruwarusqanwanmi kusikurqaku.

1~Corintios 10:7

Chaynaqa, wakinkuna hinaqa amayá idolokunataqa yupaychaychikchu, Chuya Qellqapim kaynata nin: “Runakunam tiyaykuspanku mikurqaku, tomarqaku hinaspam hatarispanku aychankuta kusichirqaku”, nispa.

Deuteronomio 9:16

Hinaspam Señornikichik Tayta Diospa contranpi huchallikusqaykichikta qawaykurqani. Qamkunam Tayta Diospa kamachisqankunata manapas unaypi saqeruspa metalta chulluchispa malta toroman rikchakuq idolotaña ruwakururqankichik.

Jueces 8:24

Ichaqa kayllatam mañakuykichik: Sapakamayá qechumusqaykichik aretekunata qoykuwaychik, nispa. Chay vencerachikuq runakunaqa Ismael castakuna kasqankuraykum qori areteyuqkama karqaku, nispa.

Jueces 8:27

Chay adornokunamantam huk Efodta Gedeón ruwachirqa, hinaspam Ofra llaqtanpi churarachirqa; chaymi Israelpa llapallan mirayninkunaqa Tayta Diosta saqeruspanku chay efodtaña yupaycharqaku. Chaywanmi Gedeonpas chaynataq ayllunkunapas huchallikurqaku.