Éxodo 32:31 - CHUYA QELLQA La Biblia en Quechua de Ayacucho 2012

³¹ Tayta Diospa kasqanman kutispanmi Moisés nirqa: Dios Taytalláy, kay runakunam qorimanta diosta ruwakuruspanku hatu-hatunta huchallikurunku.

Quechua Ayacucho Bible 1987

³¹ Tayta Diospa kasqanman Moises kutispanmi nirqa: —Taytalláy, kay runakunamá hatu-hatunta huchallikurunku qorimanta taytachata rurakuruspanku.

Chuya Qellqa 1992

³¹ Tayta Diospa kasqanman kutispanmi Moisés nirqa: Dios Taytalláy, kay runakunam qorimanta diosta ruwakuruspanku hatu-hatunta huchallikurunku.

Éxodo 32:31 Iomraidhean Croise

Esdras 9:15

Israelpa yupaychasqan Diosnillayku, qamqa tukuy imapim yanapaykuwarqankiku, kunan qawasqaykupi hinapas, munakuynikiman hinam kay asllatapas kawsachiwachkankikuraq. Cheqaptapas qayllaykipiqa huchasapam kallaniku, chayraykum qampa ñawpaqnikimanqa mana asuykamunaykupaq hinachu kallaniku, nispa.

Nehemías 9:18

Qorita chulluchispa huk torillota ruwakuruspankum nirqaku: “Kaymi Egipto nacionmanta hurqomuwaqninchik diosqa” nispanku. Chaykunawanmi llumpayta piñachisurqanki.

Nehemías 9:33

Chaywanpas Diosnillayku, tukuy imapas pasawasqankumantaqa mana huchayuqmi kanki, qamqa imatapas allintam ruwarqanki, ñoqaykum ichaqa mana allinkunata ruwarqaniku.

Éxodo 20:23

Amam qorimanta qollqemanta idolokunata ruwankichikchu, ñoqata hina yupaychanaykichikpaqqa.

Éxodo 20:4

Amam imaman rikchakuq idolotapas ruwakunkichu, hanaq pachapi kaqman, kay pachapi kaqman, allpa ukupi kaqman nitaq yakupi kaqman rikcha-kuqtapas.

Éxodo 32:30

Paqarinnintin punchawmi runakunata Moisés nirqa: Qamkunam hatunta huchallikurunkichik, kunanmi Tayta Diospa kasqanman ñoqa kutisaq, icharaqpas mañakuptiy pampachaykusunkichikman, nispa.

Éxodo 34:28

Moisesmi Tayta Dioswan chay orqopi karqa tawa chunka punchaw tawa chunka tuta, manam mikurqachu nitaqmi yakutapas tomarqachu. Chaypim tabla rumikunapi pactonta otaq chunkantin kamachikuykunata Tayta Dios qellqarqa.

Daniel 9:11

Israelpa mirayninkunaqa imam yachachiwasqaykikutapas llapallaykum mana kasukurqanikuchu, qampa nisqaykitaqa manam uyariytapas munarqanikuchu; contraykipi huchallikuruspaykum juraspa ñakaynikikunawan ñakasqa kachkaniku, imaynam serviqniki Moisespa qellqasqanman hina.

Daniel 9:5

Ñoqaykuqa qampa contraykipi huchallikuruspam llumpa-llumpayta mana allinkunata ruwaruniku, kamachikuynikikunatawan yachachikuynikikunatapas mana kasukuspam qepanchakuruniku.

Daniel 9:8

Dios Taytallayku, ñoqaykuqa penqakuypaqmi kachkaniku; reyniykupas, kamachiqniykupas, ñawpaq taytaykupas, contraykipim huchallikuruniku.