Éxodo 32:3 - CHUYA QELLQA La Biblia en Quechua de Ayacucho 2012

³ Hinaptinmi llapallan runakuna, qorimanta alhajankuta hurqokuspanku Aaronman aparqaku.

Quechua Ayacucho Bible 1987

³ Chaymi llapallan runakuna rinrinpi qorimanta aretenkuta horqorqaku hinaspam Aaronman aparqaku.

Chuya Qellqa 1992

³ Hinaptinmi llapallan runakuna qorimanta alhajankuta hurqokuspanku Aaronman aparqaku.

Éxodo 32:3 Iomraidhean Croise

Génesis 24:22

Camello-kuna tomayta tukuruptinmi, Abrahampa serviqninqa Rebecapa senqanman areteta churaykurqa, qoykurqataqmi ancha-ancha precioyuq qorimanta iskay brazaletekunatapas,

Génesis 35:4

Chaymi Jacobman llapa idolokunata chaynataq rinrinkupi aretekunatapas apamurqaku, hinaptinmi Siquem llaqtapa hichpan encina sachapa sikinpi Jacob pamparurqa.

Éxodo 32:2

Chaymi paykunata Aarón nirqa: Warmikichikpa, qari churikichikpa hinaspa warmi churikichikpa qorimanta alhajankunata mañaspa apamuwaychik, nispa.

Éxodo 32:4

Payñataqmi chaykunata chulluchispan malta toroman rikchakuqta cincelwan llaqllarurqa, hinaptinmi llapa runakuna ninakurqaku: ¡Israel runakuna, kaymi Egipto nacionmanta hurqomuwaqninchik diosqa! nispanku.

Éxodo 33:6

Chayraykum Israelpa mirayninkunaqa Horeb orqomantapuni alhajanku churakuyta saqerurqaku.

Isaías 3:19

aretekunata, brazaletekunata, velokunata,

Isaías 46:6

Runakunam wayqankumanta qorita hurqomunku, balanzapiñataqmi qollqeta pesanku; chay qorimanta qollqemanta ídolo ruwaqtam maskanku, chay idolopa ñawpaqninpim qonqoraspa yupaychanku.

Jeremías 10:9

Paykunapa idolonkuqa Tarsis lawmanta apamusqanku qollqellam, Ufaz lawmanta apamusqanku qorillam; chaykunaqa runapa ruwasqallanmi, metalta chulluchiqkunapa ruwasqallanmi. Morado telawan pachachisqam kachkanku, grosella telawan ustuykachisqam kachkanku. Yachaqkunapa ruwasqallanmi lliwpas kachkanku.