Éxodo 32:27 - CHUYA QELLQA La Biblia en Quechua de Ayacucho 2012

²⁷ Hinaptinmi paykunata Moisés nirqa: Tayta Diosmi, Israelpa Diosninmi kaynata nin: “Sapakama espadaykichikta alistaspa carpan-carpan yaykuspa wawqekichikta, amistadnikichikta hinaspa aylluykichiktapas wañuchiychik”, nispa.

Quechua Ayacucho Bible 1987

²⁷ Chaymi paykunata Moises nirqa: —Israelpa yupaychasqan Tayta Diosmi kaynata nin: “Sapakama espadaykichikta alistaspayá karpan-karpan yaykuspa wañuchiychik wawqekichikta, amistadnikichikta hinaspa aylluykichikta.

Chuya Qellqa 1992

²⁷ Hinaptinmi paykunata Moisés nirqa: Tayta Diosmi, Israelpa Diosninmi kaynata nin: “Sapakama espadaykichikta alistaspa carpan-carpan yaykuspa wawqekichikta, amistadnikichikta hinaspa aylluykichiktapas wañuchiychik”, nispa.

Éxodo 32:27 Iomraidhean Croise

2~Reyes 10:25

Baalman ofreceyta tukuruspanmi soldadonkunatawan capitanninkunata Jehú kamachirqa: Yaykumuspaykichik wañuchiychik ama chullallapas lluptichunchu, nispa. Chaymi soldadokunawan capitankuna llapa runakunata wañuchispa hawaman wischumurqaku. Chaymantam Baalpa templonpi santuariokama yaykuruspanku

Éxodo 32:26

Chaymi campamentopa punkunpi sayaykuspan Moisés, nirqa: Tayta Diospa kaqkunayá ñoqaman huñunakamuychik, nispa. Chaymi Leviypa llapallan mirayninkuna payman asuykamurqaku.

Éxodo 32:28

Hinaptinmi Leviypa mirayninkuna Moisespa nisqanta hina ruwarqaku, chaymi yaqa kimsa waranqa runakuna chay punchawpi wañururqaku.

Éxodo 32:29

Chaymi Moisés nirqa: Kunanmi Tayta Diospa serviqnin kanaykichikpaq churasqa kankichik, churikichiktapas hinaspa aylluykichiktapas wañuchisqaykichikraykum qamkunataqa bendecisunkichik, nispa.

Ezequiel 9:5

Wakintañataqmi ñoqa uyarichkaptiy kaynata nirqa: Paypa qepanta rispaykichik wañu-chimuychik, amam pitapas llakipayankichikchu.

Números 25:5

Chaymi Israel runakunapa juezninkunata Moisés kamachirqa: Baal-peor idolota yupaychaq aylluykichikkunata sapakama wañuchiychik, nispa.

Lucas 14:26

Pipas qatiwayta munaqqa, taytan-mantapas, mamanmantapas, warmin-mantapas, churinkunamantapas, wawqen-kunamantapas, paninkunamantapas hinaspa kikinpa vidanmantapas mastaqa ñoqatam kuyawanan. Mana chayna kaspaqa manam discipuloyqa kanmanchu.

2~Corintios 5:16

Kunanmantaqa manam pimantapas aychaman hinañachu piensaniku, ñawpaqtam ichaqa Cristomantapas aychaman hinalla piensarqaniku, kunanqa manañam chaynatachu piensaniku.

Deuteronomio 13:10

Egipto nacionpi esclavo kasqaykimanta hurqomusuqniki Señornikichik Tayta Diosmanta rakiy munasusqaykimantam wañunankama rumiwan chamqapanki.

Deuteronomio 13:6

Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.