Éxodo 32:2 - CHUYA QELLQA La Biblia en Quechua de Ayacucho 2012

² Chaymi paykunata Aarón nirqa: Warmikichikpa, qari churikichikpa hinaspa warmi churikichikpa qorimanta alhajankunata mañaspa apamuwaychik, nispa.

Quechua Ayacucho Bible 1987

² Chaymi Aaron nirqa paykunata: —Horqospa apamuychik warmikichikpa, qari churikichikpa hinaspa warmi churikichikpa qorimanta aretenkunata —nispa.

Chuya Qellqa 1992

² Chaymi paykunata Aarón nirqa: Warmikichikpa, qari churikichikpa hinaspa warmi churikichikpa qorimanta alhajankunata mañaspa apamuwaychik, nispa.

Éxodo 32:2 Iomraidhean Croise

Génesis 24:22

Camello-kuna tomayta tukuruptinmi, Abrahampa serviqninqa Rebecapa senqanman areteta churaykurqa, qoykurqataqmi ancha-ancha precioyuq qorimanta iskay brazaletekunatapas,

Génesis 24:47

Chaymi tapurqani: ¿Pipa churintaq kachkanki? nispa. Hinaptinmi payñataq niwarqa: Betuelpa churin hinaspa Nacorpa Milcapa willkanmi, nispa. Chaymi huk areteta senqanman churaykurqani, brazonkunamanpas brazaletekunatam churaykurqani.

Éxodo 20:23

Amam qorimanta qollqemanta idolokunata ruwankichikchu, ñoqata hina yupaychanaykichikpaqqa.

Éxodo 32:3

Hinaptinmi llapallan runakuna, qorimanta alhajankuta hurqokuspanku Aaronman aparqaku.

Éxodo 35:22

Qarikuna warmikuna hamuspankum sonqomanta apamurqaku tipakunata, aretekunata, sortijakunata, brazaletekunata chaynataq qorimanta tukuy rikchaq alhajakunatapas. Sapakamam apamurqaku Tayta Diosman ofrecekusqanku qori ofrendankuta.

Proverbios 25:12

Qorimanta anillo hinam, akllasqa qorimanta collar hinam, kasukuq runata yachaywan qaqchaykuyqa.

Isaías 3:19

aretekunata, brazaletekunata, velokunata,

Isaías 30:22

Qorimanta qollqemanta idoloykichikkunatapas millakuypaqtañam qawankichik. Chaykunataqa millakuypaq qacha latapata hinam wischunkichik, hinaspam ninkichik: Anchuy kaymanta, nispaykichik.

Ezequiel 16:17

Qamqa qorimanta qollqemanta alhajakuna qosqaywanpas qariman rikchakuq idolokunatam ruwakururqanki, hinaspam chaykunawan qanrakururqanki.

Oseas 2:8

Payqa manam reqsikurqachu trigota, vinota hinaspa aceiteta qosqaytapas; qorita qollqeta mirachipusqaytapas manam reqsikurqachu, chaywanraqmi Baal idolotapas ruwakururqa.