Éxodo 32:14 - CHUYA QELLQA La Biblia en Quechua de Ayacucho 2012

¹⁴ Chaymi Tayta Diosqa mana allin ruwananpaq piensasqanta manaña ruwarqachu.

Quechua Ayacucho Bible 1987

¹⁴ Chaymi Tayta Diosqa mana allin rurananpaq piensasqanta manaña rurarqachu.

Chuya Qellqa 1992

¹⁴ Chaymi Tayta Diosqa mana allin ruwananpaq piensasqanta manaña ruwarqachu.

Éxodo 32:14 Iomraidhean Croise

Génesis 6:6

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

2~Samuel 24:16

Jerusalenpi runakunata ángel chinkarachinanpaq kachkaptinmi, castigasqan runakunamanta llakipayarikuspan chay wañuchiq angelta Tayta Dios nirqa: ¡Chaykamallaña! ¡Amaña masta wañuchiychu! nispa. Tayta Diospa angelninñataqmi Jebús casta Araunapa eranpi kachkarqa.

1~Crónicas 21:15

Tayta Diosmi huk angelta kamachimurqa Jerusalén llaqtapi runakunata wañuchinanpaq. Ichaqa llapa runakunata wañuchichkaptinmi, Tayta Dios qawariykuspan sinchita llakikururqa, chaymi wañuchiq angelta nirqa: Amaña masta wañuchiyñachu, nispan. Tayta Diospa angelninmi Jebús llaqtayuq Ornanpa trigo trillasqan erapa patanpi kachkarqa.

Éxodo 33:13

Chayna kaptinqa mañakuykim munasqaykita yachachiwanaykipaq, chaynapi qamta reqsinaypaq hinaspa yanapakuynikita tarinaypaq. Amayá qonqaychu kay runakunaqa qampa runaykikuna kasqanta, nispa.

Jeremías 18:8

Chaywanpas sichum chay nacionkuna mana allinkuna ruwasqankumanta wanakuptinkuqa, chay tanteasqay castigotaqa manañam chayachisaqñachu.

Jeremías 26:13

Mana allin kawsaynikichiktawan mana allinkuna ruwasqaykichikta saqespa yupaychasqaykichik Tayta Diospa nisqanta kasukuptikichikqa, paypas manañam contraykichikpi rimasqankunata kacharimunqañachu.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Amós 7:3

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Amós 7:6

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Jonás 3:10

Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.

Jonás 4:2

Chayraykum Tayta Diosta mañakuspan nirqa: Dios Taytalláy, kayna kanantaqa llaqtaypi kachkaspallayraqmi nirqaniña. Chayraykum manaraq kaykuna pasakuchkaptin Tarsis lawman ayqekuchkarqani. Ñoqaqa yachanim llakipayakuq hinaspa kuyapayakuq Dios kasqaykita. Qamqa mana chaylla piñakuruq kaspaykim hatun kuyapayakuynikipi ima castigo ruwanaykitapas manaña ruwankichu.

Números 14:20

Moisestam Tayta Dios nirqa: Niwasqaykiman hinam paykunata pampachani.

Deuteronomio 10:10

Punta risqaypi hinam qepa riyniypipas orqopi tawa chunka punchaw hinaspa tawa chunka tuta kamurqani. Chaypipas Tayta Diosqa uyariykuwaspanmi manaña wañuchisurqankichikchu.

Deuteronomio 32:26

Paykuna cheqerachiytam tantearqani, manaña yuyarisqa kanankupaq chinkarachiytam tantearqani.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.