Éxodo 32:13 - CHUYA QELLQA La Biblia en Quechua de Ayacucho 2012

¹³ Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Quechua Ayacucho Bible 1987

¹³ Taytáy, amayá qonqaychu serviqniki Abrahanman, Isaacman hinaspa Israelman jurasqaykitaqa, paykunatam nirqanki: “Ñoqam cielopi lucerokunata hina miraynikichikta mirachisaq hinaspam prometisqay lliw allpata miraynikichikkunaman qosaq chaynapi wiñaypaq herenciaykichik kananpaq” nispa.

Chuya Qellqa 1992

¹³ Serviqniki Abrahamman, Isaacman hinaspa Israelman jurasqaykita yuyariy, paykunatam nirqanki: “Ñoqam cielopi chaskakunata hina miraynikichikta mirachispay prometesqay allpata qosaq, chaynapi wiñaypaq herencianku kananpaq”, nispa.

Éxodo 32:13 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 15:5

Abramta Tayta Dios hawaman pusaruspan nirqa: Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.

Génesis 15:7

Chaymantam Tayta Dios nirqa: Ñoqam Tayta Diosqa kani. Ñoqam Caldea law Ur llaqtamanta hurqomurqayki kay allpata qanman herenciata qonaypaq, nispa.

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 22:16

hinaspam nimurqa: “Sapallan churikitapas ofrecewanaykipaq mana negakusqaykimantam kikiyrayku jurani.

Génesis 22:17

Anchata bendecispaymi chaskakunata chaynataq lamar qochapa patanpi aqota hinaña mirachisqayki. Miraynikikunam enemigoykikunapi munaychakunqa.

Génesis 24:7

Tayta Diosmi taytaypa wasinmanta, aylluykunapa llaqtanmanta hurqomuwaspan jurawarqa: Kay allpatam miraynikikunaman qosaq, nispa. Paymi angelninta ñawpaqnikita kachanqa, churiypaq warmita wakmanta pusamunaykipaq.

Génesis 48:16

Tukuy mana allinmanta libraqniy angelyá kay warmakunata bendecichun. Ñoqapa sutiy, taytay Abrahampa sutin chaynataq taytay Isaacpa sutinpas paykunantakama yuyarisqa kachun. Kay pachapiyá sinchillataña mirachunku”, nispa.

Éxodo 13:11

Qamkunamanpas, ñawpaq taytay-ki-kunamanpas jurasqanman hina cananeokunapa allpanta Tayta Dios qoykusuptikichikmi,

Éxodo 13:5

Tayta Diosmi cananeokunapa, heteokunapa, hititakunapa hinaspa jebuseokunapa allpanman pusasunkichik. Ñawpaq taytaykichikmanmi jurarqa tukuy imakunapa kanan chaynataq tukuy kawsaypa qespinan allpata qosunaykichikpaq. Chay allpaman yaykuspaykichikmi kay fiestata Abib killapi ruwankichik.

Éxodo 33:1

Moisestam Tayta Dios nirqa: “Egiptomanta hurqomusqayki runakunawan prometesqay allpaman riychik, chay allpataqa juraspam prometerqani Abrahampa, Isaacpa hinaspa Jacobpa mirayninkunaman qonaypaq.

Levítico 26:42

Chaymantañam Jacobwan, Isaacwan, Abrahamwan pacto ruwasqayta yuyarisaq, allpanmantapas yuyarisaqtaqmi.

Deuteronomio 1:10

Señornikichik Tayta Diosmi llumpayta mirarachisunkichik, chaymi kunanqa cielopi chaskakuna hinaña kachkankichik.

Deuteronomio 7:8

Tayta Diosmi qamkunata kuyaspa chaynataq ñawpaq taytaykichikman jurasqanta cumplispan, Egipto nacionpi esclavo kasqaykichikmanta hurqomusurqankichik, hinaspam hatun atiyninwan rey Faraonpa munaychakuyninmanta hurqomusurqankichik.

Deuteronomio 9:27

Serviqniki Abrahamta, Isaacta hinaspa Jacobta yuyarispa kay runakunapa rumi sonqo kayninkuta, mana allin ruwayninkuta, huchallikuyninkuta ama kaqpaqpas hapiychu.

Hebreos 6:13

Diosqa Abrahamman prometespanqa, paymanta aswan munayniyuq mana pipas kaptinmi kikinpa sutinpi jurarqa.