Éxodo 31:16 - CHUYA QELLQA La Biblia en Quechua de Ayacucho 2012

¹⁶ Llapallan Israelpa mirayninkunam samana punchawpiqa samanqaku, chaymi miraynikichikkunawanpas wiñaypaq pactoy kanqa.

Quechua Ayacucho Bible 1987

¹⁶ Samana punchawpiqa Israelpa mirayninkunam samanqaku, chayqa kanqa wiñaypaq contratom miraynikichikkunapaqpas.

Chuya Qellqa 1992

¹⁶ Llapallan Israelpa mirayninkunam samana punchawpiqa samanqaku, chaymi miraynikichikkunawanpas wiñaypaq pactoy kanqa.

Éxodo 31:16 Iomraidhean Croise

Génesis 17:11

Señalankichikqa qari kayninpa qarachanta kuchuspam, chaymi qamkunawan pacto ruwasqaypa señalnin kanqa.

Génesis 9:13

Chirapaytam puyupi churani, chay chirapam kay pachapi kawsaqkunawan pacto ruwasqaypa señalnin kanqa.

Nehemías 13:15

Chay punchawkunapim Judá runakunata rikurqani, samana punchawpi vino ruwaqta, trigo qepiqta chaynataq vinota, uvasta, frutakunata, higosta hinaspa tukuy rikchaq qepikunata asnoman cargaspa Jerusalenman apamusqankuta. Chaymi tukuy imata samana punchawpi rantikusqankumanta qaqcharqani.

Éxodo 31:15

Soqta punchawmi llamkankichik, qanchis kaq punchawpiñataqmi samankichik, chay punchawqa ñoqapaq sapaqchasqa kasqanraykum pipas chay punchawpi llamkaqqa wañunqapuni.

Éxodo 31:17

Ñoqa Tayta Diosmi soqta punchawpi cielokunatawan kay pachata ruwarqani, qanchis kaq punchawpiñataqmi ruwanayta tukuspay samarqani. Chaymi ñoqawan Israelpa mirayninkunapaq wiñaypaq señal kanqa.

Isaías 58:13

Sichum samana punchawniypi samaspaykiqa ruwaynikikunata samana punchawniypi mana ruwaspaykiqa, chay punchawta “kusikuna punchaw, Diospaq sapaqchasqa punchaw, kasukuna punchaw” nispa sutichaspaykiqa, manaña munasqaykipi purispa kasukuspaykiqa, nitaq munasqaykita maskaspa yanqakunapi mana purispaykiqa,

Jeremías 50:5

Sión llaqtaman maynin chayanankutam tapukunqaku, hinaspam chay llaqta lawman qawarispanku ninqaku: “Tayta Diospaman hakuchik, mana haykapipas qonqanapaq wiñaypaq pactota ruwaspa payman hukllawakamusunchik”, nispanku.