Éxodo 31:14 - CHUYA QELLQA La Biblia en Quechua de Ayacucho 2012

¹⁴ Samana punchawpiqa samankichikpunim, chay punchawqa ñoqallapaqña sapaqchanaykichik punchawmi kanqa, pipas chay punchawpi mana samaqqa wañunqapunim. Pipas chay punchawpi imapas ruwaqqa ayllunmanta chinkachisqam kanqa.

Quechua Ayacucho Bible 1987

¹⁴ Samana punchawpiqa samankichikpunim, chay punchawqariki kanqa ñoqallapaqña sapaqchanaykichik punchawmi, pipas chay punchawpi mana samaqqa wañunqapunim. Pipas chay punchawpi imapas ruraqqa ayllunmanta chinkachisqam kanqa.

Chuya Qellqa 1992

¹⁴ Samana punchawpiqa samankichikpunim, chay punchawqa ñoqallapaqña sapaqchanaykichik punchawmi kanqa, pipas chay punchawpi mana samaqqa wañunqapunim. Pipas chay punchawpi imapas ruwaqqa ayllunmanta chinkachisqam kanqa.

Éxodo 31:14 Iomraidhean Croise

Nehemías 9:14

Samana punchawnikita sapaqchanankupaqmi kamachirqanki, serviqniki Moisesnintakamam kamachikuykunata, decretokunata hinaspa yachachikuykunata qorqanki.

Éxodo 20:8

Samana punchawtaqa amam qonqankichu ñoqapaq sapaqchasqa kasqanrayku.

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Éxodo 30:38

Pipas muskikunanpaq chayna perfumeta ruwaqqa ayllunmanta chinkachisqam kanqa, nispa.

Éxodo 31:15

Soqta punchawmi llamkankichik, qanchis kaq punchawpiñataqmi samankichik, chay punchawqa ñoqapaq sapaqchasqa kasqanraykum pipas chay punchawpi llamkaqqa wañunqapuni.

Ezequiel 20:16

Kamachikuykuna qosqaytapas wischupakuspankum mana decretoykunaman hinachu kawsarqaku, samana punchawniykunatapas pasaypaqtam sarutyarurqaku. Paykunaqa idolokunapi sonqoyuqllam kawsarqaku.

Ezequiel 20:21

Ichaqa mirayninkunapas manam kasuwarqakuchu; kawsanankupaq qosqay decretoykunatapas mana kasukuspankum kamachikuyniykunatapas mana ruwayman churarqakuchu; samana punchawniykunatapas sarutyarurqakum. Hinaptinmi piñakuyniyta kachaykuspay chay chunniqpi chinkarachiyta tantearqani.

Ezequiel 20:24

Chaynataqa nirqani, decretoy-kunata mana kasukuspanku kamachikuyniykunatapas mana ruwayman churasqankuraykum chaynataq samana punchawniykunatapas pasaypaqta sarutyaruspanku taytankupa idolonkunapi sonqoyuq kasqankuraykum.

Ezequiel 44:24

Quejakuna kaptinpas paykunam juezkuna hina kamachikuyniykunaman hina allin arreglota ruwanqaku. Kamachikuyniykunata ruwayman churaspankum fiestaykunapaq qosqay yachachikuykunatapas kasukunqaku, samana punchawniykunatapas waqaychanqakum.

Levítico 16:29

Kaymi qamkunapaq wiña-wiñaypaq decretoy kanqa: Qanchis kaq killapa chunka punchawninpim ayunankichik hinaspam ama llamkankichikchu, amataqmi llaqtamasikichikpas llamkanqachu nitaq qamkunawan kaq huklaw llaqtayuqpas.

Juan 7:23

Moisespa kamachikuyninta cumplinaykichikrayku samana punchawpipas runata señalaspaykichikchu, ¿ñoqapaqñataq huk onqoqta samana punchawpi sanoyarachisqanmanta piñakunkichik?