Éxodo 30:6 - CHUYA QELLQA La Biblia en Quechua de Ayacucho 2012

⁶ Chay altartam velopa qepanpi, pacto ruwasqay Arcapa waqtanpi churanki, tapapa ñawpaqninpi, chaypim qanwan tupasaq.

Quechua Ayacucho Bible 1987

⁶ Chay altartaqa churachinki Chunkantin Kamachikuyniy waqaychana baulpa ñawpaqninpi kaq cuarto rakinasqa telapa hawa lawninpim, chay telaqa kanqa Chunkantin Kamachikuyniy waqaychana baulpa hawanpi kaq tapapa ñawpaqninpim. Chay tapapa hawanpim huchakunata pampachasaq, hina chaypitaqmi qanwan tupasunchik.

Chuya Qellqa 1992

⁶ Chay altartam velopa qepanpi, pacto ruwasqay Arcapa waqtanpi churanki, tapapa ñawpaqninpi, chaypim qanwan tupasaq.

Éxodo 30:6 Iomraidhean Croise

1~Crónicas 23:13

Amrampa churinkunam karqa: Aaronwan Moisés. Aaronmi churinkunapiwan rakisqa karqa Tayta Diosllapaqña ofrendakunata wiñaypaq sapaqchanankupaq, Tayta Diospa qayllanpi inciensota kañanankupaq hinaspa payllataña servispa paypa bendicionninta wiñaypaq mañakunankupaq.

1~Crónicas 28:11

Chaykunata niykuspanmi templopa, corredorninkunapa, punkunkunapa, almacén cuartokunapa, altosninpi cuartokunapa, uku lawpi kaq cuartokunapa hinaspa hucha pampachana cuartopa planonkunata churin Salomonman David qoykurqa.

Éxodo 30:36

Wakintam ñutuy-ñutuyta kutaruspa ñoqaman asuykuna carpapi pacto ruwasqay Arcapa ñawpaqninman churanki, chaypim qanwan tupasun, chay inciensoqa ñoqallapaqña sapaqchasqam kanqa.

Éxodo 30:5

Chay varillakunataqa acacia sutiyuq kaspimantam ruwanki, hinaspam qoriwan llusinki.

Éxodo 30:7

Sapa tutapaytam mecherokuna alistana horapi, chay altarpa hawanpi miskillaña asnariq inciensota Aarón kañapuwanqa.

Éxodo 40:26

Chay carpamantaqmi qorimanta altartapas churarqa, velopa ñawpaqninpi.

Éxodo 40:3

Chaymanmi pacto ruwasqay Arcata churanki, hinaspam chay Arcapa kananta velowan tapanki.

Éxodo 40:5

Incienso kañana qorimanta altartañataqmi Arcapa ñawpaqninpi churanki, churankitaqmi carpapa punkunpi cortinatapas.

Levítico 16:13

Chay inciensotam ñoqa Tayta Diospa qayllaypi sansaman hinaykunqa. Chaypim inciensopa qosniynin chunkantin kamachikuykuna waqaychana Arcapa tapanta pampaykunqa, chaynapim Aaronqa mana wañunqachu.

Números 17:4

Chay tawnakunataqa ñoqaman asuykuna carpapim Arcapa ñawpaqninpi churanki, chaypim qamkunawan tupasaq.

Mateo 27:51

Chay ratollapim templopi santuariota rakinaq velo hanaymanta urayman llikikuruspan iskayman rakikururqa. Allpapas katkatataptinmi qaqakunapas raqrarurqa.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.