Éxodo 30:35 - CHUYA QELLQA La Biblia en Quechua de Ayacucho 2012

³⁵ Tukuy chaykunawanmi perfumekunata ruwaqpa ruwasqanta hina miski asnaq inciensota ruwanki, hinaspam kachita yapanki, chaynapim ñoqallapaqña sapaqchasqa kanqa.

Quechua Ayacucho Bible 1987

³⁵ Tukuy chaykunawanmi perfumekuna ruraqpa rurasqanta huk inciensota ruranki, chayqa kanqa limpio hinaspa kachiyoq ñoqapaq sapaqchasqam.

Chuya Qellqa 1992

³⁵ Tukuy chaykunawanmi perfumekunata ruwaqpa ruwasqanta hina miski asnaq inciensota ruwanki, hinaspam kachita yapanki, chaynapim ñoqallapaqña sapaqchasqa kanqa.

Éxodo 30:35 Iomraidhean Croise

1~Reyes 1:39

Chaypim Sacerdote Sadoc, Diospa carpanmanta waqrachapi apamusqan aceiteta Salomonman talliykurqa, chaymi cornetata tocaptinku llapa runakunañataq qaparirqaku: ¡Kawsachun rey Salomón! nispanku.

1~Crónicas 9:30

Sacerdotekunapa wakin churinkunam miski asnaq perfumekunata ruwarqaku.

Éxodo 28:41

Chay pachakunawanmi wawqeki Aaronta chaynataq churinkunatapas pachachinki, hinaspam aceiteta tallispa ñoqapa sacerdoteykunaña kanankupaq sapaqchanki.

Éxodo 30:25

Chay miski asnaq qorakunamantam ñoqapaq sapaqchana aceiteta ruwanki, chaytaqa ruwanki perfumekuna ruwaqpa ruwasqanta hinam. Chaymi ñoqallapaqña sapaqchanapaq tallina aceite kanqa.

Éxodo 30:34

Moisestam Tayta Dios nirqa: Kay miski asnaq qorakunapa weqentapas huñunkitaqmi: Estacte plantapa weqenta, uña olorosa sutiyuq plantapa weqenta, incienso sachapa chuya weqenta hinaspa gálbano plantapa weqentapas, kaykunaqa chaynakamallam kanqa.

Éxodo 30:36

Wakintam ñutuy-ñutuyta kutaruspa ñoqaman asuykuna carpapi pacto ruwasqay Arcapa ñawpaqninman churanki, chaypim qanwan tupasun, chay inciensoqa ñoqallapaqña sapaqchasqam kanqa.

Proverbios 27:9

Perfumewan miski asnaq aceiteqa sonqotam kusichin, amigopa consejakuyninqa runatam kusichin.

Cantares 1:3

Perfumekikunapas miski-miski asnariqmi, sutikipas tallisqa perfume hinaraqmi, chayraykum sipaskuna kuyasunki.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Levítico 16:12

Chaymantañataqmi ñoqa Tayta Diospa qayllaypi kaq altarmanta nina sansayuq incienso qontichinata hurqoykunqa, hapiykunqataqmi miski asnaq kutasqa inciensotapas iskay aptayta, hinaspam carpapi velopa qepanman apaykunqa.

Levítico 2:13

Kawsaykunamanta llapallan ofrendataqa kachichasqatam apamunki, tukuy ofrenda apamusqaykipiqa amam kachiqa pisinqachu, chay kachiqa Diosnikiwan pacto ruwasqaykim.

Juan 12:3

Mariañataqmi achka precioyuq nardomanta ruwasqa perfumeta yaqa huk botellata aparamuspa Jesuspa chakinman talliykuspan chukchanwan chakichirqa. Chaymi wasi huntata miskillataña asnarirqa.