Éxodo 30:34 - CHUYA QELLQA La Biblia en Quechua de Ayacucho 2012

³⁴ Moisestam Tayta Dios nirqa: Kay miski asnaq qorakunapa weqentapas huñunkitaqmi: Estacte plantapa weqenta, uña olorosa sutiyuq plantapa weqenta, incienso sachapa chuya weqenta hinaspa gálbano plantapa weqentapas, kaykunaqa chaynakamallam kanqa.

Quechua Ayacucho Bible 1987

³⁴ Tayta Diosmi Moisesta nirqa: —Huñuy igualtakama kay especeriakunata: estacte plantapa weqenta, uña olorosa sutiyoq plantapa weqenta, incienso sachapa chuya weqenta hinaspa galbano plantapa weqenta.

Chuya Qellqa 1992

³⁴ Moisestam Tayta Dios nirqa: Kay miski asnaq qorakunapa weqentapas huñunkitaqmi: Estacte plantapa weqenta, uña olorosa sutiyuq plantapa weqenta, incienso sachapa chuya weqenta hinaspa gálbano plantapa weqentapas, kaykunaqa chaynakamallam kanqa.

Éxodo 30:34 Iomraidhean Croise

Nehemías 13:5

paypaqmi huk hatun cuartota alistapurqa. Chay cuartopim pasaq tiempokunapi waqaychaqku ofrendakunata, inciensota, serviciokunata chaynataq trigomanta, vinomanta hinaspa aceitemanta diezmokunatapas; chaykunataqa levitakunaman, punku nanachikuqkunaman hinaspa takiqkunamanmi qorqaku, chaypitaqmi churaqku sacerdotekunapaq ofrendakunatapas.

Éxodo 25:6

achkikunapaq aceiteta, Diospaq sapaqchaspa tallina aceitepaq miski asnaq qorakunata, kañanapaq inciensota,

Éxodo 30:23

Kay miski asnaq qorakunatam huñunki: Mirra sachapa weqenmanta yaqa soqta kilota, canelamanta yaqa kimsa kilota, cálamo sutiyuq plantamantañataq yaqa kimsa kilota,

Éxodo 30:33

Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Éxodo 30:35

Tukuy chaykunawanmi perfumekunata ruwaqpa ruwasqanta hina miski asnaq inciensota ruwanki, hinaspam kachita yapanki, chaynapim ñoqallapaqña sapaqchasqa kanqa.

Éxodo 30:7

Sapa tutapaytam mecherokuna alistana horapi, chay altarpa hawanpi miskillaña asnariq inciensota Aarón kañapuwanqa.

Éxodo 31:11

ñoqallapaqña sapaqchanapaq tallina aceiteta, “Chuya” lugarpaq miski asnaq inciensotapas. Chaykunataqa ruwanqaku qanman kamachisqayman hinam, nispa.

Éxodo 35:15

incienso kañana altarta varillankunatawan, Diospaq sapaqchaspa tallinapaq kaq aceiteta, miski asnaq inciensota chaynataq carpapa punkunpaq cortinatapas;

Éxodo 37:29

Bezaleelqa ruwarqataqmi Diospaq sapaqchaspa tallinapaq aceitetawan miski asnaq inciensotapas, chaykunataqa ruwarqa perfumekuna ruwaqpa ruwasqanta hinam.

Cantares 3:6

¿Pitaq wak, chunniqmanta qespimuchkan? Qosni hinaraq, mirrapa inciensopa asnayninwan, tukuy rikchaq olorkunawan perfumasqallaña.

Isaías 43:23

Lliw kañanapaq ovejakunataqa manam apamuwarqankichu, animalkunatapas yupaychawanaykipaqqa manam sacrificarqankichu, kawsaykunamanta ofrendatapas aminaykikamaqa manam mañapayarqaykichu, inciensotapas pisipanaykikamaqa manam mañakurqaykichu.

Levítico 16:12

Chaymantañataqmi ñoqa Tayta Diospa qayllaypi kaq altarmanta nina sansayuq incienso qontichinata hurqoykunqa, hapiykunqataqmi miski asnaq kutasqa inciensotapas iskay aptayta, hinaspam carpapi velopa qepanman apaykunqa.

Levítico 2:1

Pipas kawsaykunamanta ofrendata apamuspaqa, fino harinatam apamuwanqa, chaymanñataqmi aceitetawan inciensota tallinqa.

Levítico 2:15

Chaypa hawanmanmi aceitetawan inciensota tallinki. Chayqa kawsaykunamanta ofrendam.

Levítico 24:7

Sapa monton tantapa hawanmanñataqmi inciensota churanki, hinaptinmi tantapa rantinpi chay incienso ñoqa Tayta Diospaq kañasqa ofrenda kanqa.

Levítico 5:11

Chay runa huchanmanta iskay qoqñuta otaq iskay mallqo palomata apamuwananpaq mana qollqen kaptinqa, iskay kilo fino harina ofrendatam apamuwanqa, chaynapi huchan pampachasqa kananpaq. Chaymanqa amam aceiteta nitaq inciensotapas tallinqachu, chaykunaqa hucha pampachanapaq ofrendam.

Números 4:16

Sacerdote Aaronpa churin Eleazarmi cuentallikunqa candelabro ratachinapaq aceitemanta, miski asnaq inciensomanta, sapa punchaw ofrecewanaykichik kawsay ofrendakunamanta, ñoqapaq sapaqchaspa tallinapaq kaq aceitemanta. Nanachikunqataqmi asuykamuwananku carpatapas chaynataq tukuy ima servicionkunatapas, nispa.

Números 7:14

Ofrecerqataqmi yaqa tawa onza llasaq qorimanta wisllatapas incienso huntayuqta,

Mateo 2:11

Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.