Éxodo 30:33 - CHUYA QELLQA La Biblia en Quechua de Ayacucho 2012

³³ Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Quechua Ayacucho Bible 1987

³³ Pipas chayman rikchakuq aceiteta ruraqqa otaq mana sacerdote kaqman talliqqa ayllunmanta chinkachisqam kanqa” nispa.

Chuya Qellqa 1992

³³ Pipas chayman rikchakuq aceiteta ruwaqqa otaq mana sacerdote kaqman talliqqa ayllunmanta chinkachisqam kanqa”, nispa.

Éxodo 30:33 Iomraidhean Croise

Génesis 17:14

Ima qaripas mana señalasqa kaspanqa qamkunamantam qarqosqa kanqa, pactoyta mana kasukusqanrayku, nispa.

Éxodo 12:15

Qanchis punchawmi mana levadurayuq tantata mikunkichik. Qallariynin punchawpim levadurata wasikichikmanta wischunkichik, chay punchawkunapi pipas levadurayuqta mikuqqa, Israelmanta wischusqam kanqa.

Éxodo 12:19

Qanchis punchawmi wasikichikpi levadura mana kanqachu, pipas levadurayuqta mikuqqa, huklaw llaqtayuq kaspapas otaq castamasikichik kaspapas Israelmanta wischusqam kanqa.

Éxodo 29:33

Chaykunataqa mikunqaku sacerdoteykunaña kanankupaq aceitewan tallispa sapaqchasqa kaptinku huchanku pampachasqa kananpaq ofrenda kasqanraykum. Mana sacerdote kaqkunaqa amam mikunqakuchu ñoqapaq sapaqchasqa kasqanrayku.

Éxodo 30:34

Moisestam Tayta Dios nirqa: Kay miski asnaq qorakunapa weqentapas huñunkitaqmi: Estacte plantapa weqenta, uña olorosa sutiyuq plantapa weqenta, incienso sachapa chuya weqenta hinaspa gálbano plantapa weqentapas, kaykunaqa chaynakamallam kanqa.

Éxodo 30:38

Pipas muskikunanpaq chayna perfumeta ruwaqqa ayllunmanta chinkachisqam kanqa, nispa.

Éxodo 31:14

Samana punchawpiqa samankichikpunim, chay punchawqa ñoqallapaqña sapaqchanaykichik punchawmi kanqa, pipas chay punchawpi mana samaqqa wañunqapunim. Pipas chay punchawpi imapas ruwaqqa ayllunmanta chinkachisqam kanqa.

Levítico 17:10

Israelpa mirayninkunamanta otaq qamkunawan yachaq huklaw llaqtayuqkunapas yawarta mikuruptinqa paypa contranpim kasaq, hinaspam llaqtamanta chinkarachisaq.

Levítico 17:14

Runapas otaq animalpas yawarllanwanmi kawsan. Chayraykum nikichik ima animalpa yawarnintapas ama mikunaykichikpaq. Pipas yawar mikuqqa chinkachisqam kanqa.

Levítico 17:4

hinaspañataq chay nakasqanta ñoqa Tayta Diospa santuarioypa punkunpi ofrecewananpaq mana apamunqachu, hinaspaqa yawar chaqchusqanmantam huchayuq kanqa. Chayraykum chay runaqa llaqtamanta chinkachisqa kanqa.

Levítico 17:9

ñoqa Tayta Diosman ofrecewananpaq asuykuwananku carpaman mana apamuspaqa, llaqtamanta chinkachisqam kanqa.

Levítico 18:29

Pipas chay millarikuypaq kaqkunata ruwaq runaqa llaqtamantam chinkachisqa kanqa.

Levítico 19:8

Pipas kimsa punchawniyuqtaña mikuruqqa, Tayta Diospa kaqta yanqachasqanraykum llaqtamanta chinkachisqa kanqa.

Levítico 20:17

Pipas taytanmanta otaq mamanmanta panillanwan kakuptinqa, chay millarikuypaq kaqta ruwasqankuraykum llaqtamasinkunapa qawasqanta wañuchinqaku, wañuspankuqa kikillankum huchayuq kanqaku.

Levítico 20:18

Killanwan onqochkaq warmiwan kakuruq runaqa warmipa yawarpakuy-nintam rikurun, chaynataqmi warmipas yawarpakuywan kasqanta rikurachikun, hinaptinqa iskayninkum llaqtanmanta chinkachisqa kanqaku.

Levítico 20:3

Ñoqapas chay runapa contranpi sayarispaymi llaqtanmanta chinkarachisaq, Moloc idoloman churinta ofrecespan santuarioytapas chaynataq chuya sutiytapas penqayman churasqanrayku.

Levítico 22:3

Kunanpas hinaspa hamuq punchawkunapipas, mirayninkunamanta pipas millakuypaq kachkaspan Israel castakunapa sapaqchapuwasqan ofrendaykunaman asuykuspanqa, ñawpaqniymanta chinkachisqam kanqa. Ñoqa Tayta Diosmi chaynata nini.

Levítico 23:29

Pipas chay punchawpi mana ayunaqqa llaqtanmantam chinkachisqa kanqa.

Números 15:30

Israelpa miraynin kaspapas otaq huklaw llaqtayuq kaspapas yachastin huchallikuqqa ñoqa Tayta Diostam insultawachkan, chayna runaqa llaqtamanta chinkachisqam kanqa.

Números 15:31

Yachachikuyniykunata mana kaqpaq hapispan kamachikuyniytapas mana kasukusqanraykum chayna runaqa huchanmanta chinkachisqa kanqa, nispa.

Números 19:13

Pipas wañusqa runapa ayanta llapcharuchkaspa mana chuyanchakuqqa ñoqa Tayta Diospa carpaytam millakuypaqta ruwachkan. Chayna runaqa Israel ukumantam chinkachisqa kanqa. Payqa chuyanchana yakuwan mana challachikusqanraykum hina millakuypaq kanqa.

Números 19:20

Millakuypaq kachkaspa mana chuyanchakuq runaqa, ñoqaman asuykamuwanaykichik carpata qachachasqanraykum llaqtamanta chinkachisqa kanqa. Chuyanchana yakuwan mana challachikusqanraykum payqa millakuypaq kanqa.

Números 4:18

Leví ayllumanta kaq Coatpa mirayninkunataqa amam qollurachinkichikchu.

Números 9:13

Pascua fiestata ruwananpaq hina kachkaspan otaq mana illaruchkaspan Pascua fiestayta mana ruwaqqa llaqtamanta chinkachisqam kanqa. Ofrendakunata ñoqa Tayta Diosman imam tiempollanpi mana ofrecewasqanraykum chay runaqa huchanmanta castigasqa kanqa.