Éxodo 30:31 - CHUYA QELLQA La Biblia en Quechua de Ayacucho 2012

³¹ Ñoqa Tayta Diospa nisqaytayá Israelpa mirayninkunaman kaynata nimuy: “Kaymi ñoqata serviwanaykichikpaq tallina aceite lliw miraynikichikpi kanqa.

Quechua Ayacucho Bible 1987

³¹ Ñoqa Tayta Diospa nisqaytayá Israelpa mirayninkunaman niy kaynata: “Kaymi kanqa ñoqata serviwanaykichikpaq untana aceite lliw miraynikichikpi.

Chuya Qellqa 1992

³¹ Ñoqa Tayta Diospa nisqaytayá Israelpa mirayninkunaman kaynata nimuy: “Kaymi ñoqata serviwanaykichikpaq tallina aceite lliw miraynikichikpi kanqa.

Éxodo 30:31 Iomraidhean Croise

Éxodo 29:21

Altarpa hawanpi kaq yawarta hoqarispañataqmi ñoqallapaqña sapaqchana aceitetawan kuskata Aaronpa hinaspa churinkunapa pachanman challaykunki, chaynapim Aaronpas churinkunapas ñoqallataña serviwanankupaq sapaqchasqa kanqaku, pachankupas ñoqallapaqña sapaqchasqataqmi kanqa.

Éxodo 30:30

Aaronmanpas hinaspa churinkunamanpas chay aceitetam tallinki, chaynatam paykunata sacerdoteykuna kananpaq sapaqchanki.

Éxodo 30:32

Huk rikchaq runakunamanqa amam tallinkichikchu, amataqmi chayman rikchakuq huk aceitetaqa ruwankichikchu. Chay sapaqchasqa aceiteqa ñoqa serviwanallaykichikpaqmi kanqa.

Éxodo 37:29

Bezaleelqa ruwarqataqmi Diospaq sapaqchaspa tallinapaq aceitetawan miski asnaq inciensotapas, chaykunataqa ruwarqa perfumekuna ruwaqpa ruwasqanta hinam.

Levítico 21:10

Sumo sacerdoteqa sapaqchasqa pachawan pachakunanpaq umanman aceitewan tallispa sapaqchasqam karqa, chayraykum llakipi kasqanta qawachikunanpaqqa ama chukchantapas kacharinqachu nitaq pachantapas llikipakunqachu.

Levítico 8:12

Aaronpa umanmanpas chay aceitetam talliykurqa. Chaynatam Diospaq sapaqcharqa.