Éxodo 30:15 - CHUYA QELLQA La Biblia en Quechua de Ayacucho 2012

¹⁵ Vidaykichikpa rantinpi ofrendata qowaspaykichikqa apupas wakchapas pichqa gramo qollqellatam qowankichik, mana masyachispa nitaq menosyachispa.

Quechua Ayacucho Bible 1987

¹⁵ Vidaykichikpa rantinpi ofrendata qowaspaykichikqa apupas-wakchapas pichqa gramo qollqellatam qowankichik mana masyachispa nitaq menosyachispa.

Chuya Qellqa 1992

¹⁵ Vidaykichikpa rantinpi ofrendata qowaspaykichikqa apupas wakchapas pichqa gramo qollqellatam qowankichik, mana masyachispa nitaq menosyachispa.

Éxodo 30:15 Iomraidhean Croise

2~Samuel 21:3

nirqa: ¿Imatataq qamkunapaq ruwayman Saúl contraykichikpi daño ruwasusqaykichikmanta Tayta Diospa llaqtanta bendecinaykichikpaq? nispa.

Jobwan Sutichasqa Libro 34:19

Payqa kamachikuqkunamanpas manam sayapakunchu, wakchatapas manam desprecianchu, apumanpas manam sayapakunchu; lliw runakunaqa paypa unanchasqallanmi kanku.

Éxodo 30:12

Israelpa mirayninkuna sapakama censasqa kaspankuqa vidankupa rantinpim ñoqa Tayta Diosman apamuwanqaku, chaynapim yupachikusqankumanta mana ima onqoytapas kacharimusaqchu.

Éxodo 30:14

Pipas iskay chunka watayuqmanta hanayman yupasqa kaqmi ñoqa Tayta Diosman pagawanqa.

Éxodo 30:16

Chaynaqa, Israelpa mirayninkuna vidankupa rantinpi qollqe qosqankuta chaskispam ñoqaman asuykuna carpapi imakunapas ruwachinapaq qonki. Chaynapim Israelpa mirayninkunata yuyaspay mana qonqasaqchu kikinkupa rantinpi ofrenda qowasqankutapas.

Éxodo 38:26

Iskay chunka watayuqmanta hanaymanmi runakuna yupasqa karqaku soqta pachak kimsa waranqa pichqa pachak pichqa chunka. Paykunam sapakama qorqaku pichqa gramo parten qollqeta. Chayqa karqa santuariopi pesoman hinam.

Proverbios 22:2

Apupas wakchapas chaynakamallam kanku Tayta Diospa unanchasqan kasqankupi.

Ezequiel 45:16

Chay ofrendakunataqa Israel nacionpi llapallan runakunam chay nacionpi kamachikuqman qonqaku.

Levítico 17:11

Animalpa vidanqa yawarninpim kachkan. Ñoqam kamachirqaykichik chay yawarta altarman apaptikichik huchaykichikta pampachanaypaq. Chay yawarwanmi huchaykichikta pampachaspay vidaykichikta librasaq.

Números 31:50

Chayraykum sapakama tarisqaykuman hina qori alhajakunamanta ofrendata Tayta Diosman apamuniku: Brazaletekunata, pulserakunata, anillokunata, aretekunata, collarkunata. Chaykunatam Tayta Diosman apamuniku huchayku pampachasqa kananpaq, nispanku.

Efesios 6:9

Patronkuna, qamkunapas chaynallatayá esclavoykichikkunawan allinta kawsaychik, ama amenazaychikchu. Yachasqaykichikpi hinapas qamkunapas chaynataq paykunapas hanaq pachapi kaq Señorman hapipasqam kachkankichik, manataqmi payqa pimanpas sayapakunchu.

Colosenses 3:25

Pipas mana allin ruwaqmi ichaqa mana allin ruwasqanmanta pagonta chaskinqa, Diosqa mana pimanpas sayapakuspam juzgan.