Éxodo 30:13 - CHUYA QELLQA La Biblia en Quechua de Ayacucho 2012

¹³ Censopi pipas yupachikuqqa ñoqa Tayta Diosmanmi pichqa gramo qollqeta qowanqa santuariopi kaq pesoman hina. Pichqa gramo qollqem ñoqapaq ofrenda kanqa.

Quechua Ayacucho Bible 1987

¹³ Censopi pipas yupachikuqqa ñoqa Tayta Diosmanmi qowanqa pichqa gramo qollqeta. Chayqa santuariopi kaq peso qollqepa huknin partenmi. Pichqa gramo qollqem ñoqapaq ofrenda kanqa.

Chuya Qellqa 1992

¹³ Censopi pipas yupachikuqqa ñoqa Tayta Diosmanmi pichqa gramo qollqeta qowanqa santuariopi kaq pesoman hina. Pichqa gramo qollqem ñoqapaq ofrenda kanqa.

Éxodo 30:13 Iomraidhean Croise

Génesis 23:15

Taytalláy uyariykuway: Chay allpaqa cuestan tawa kilo parten qollqem, ¿ñoqanchikpiqa mayna achkamá chayqa? Chaypiyá warmikipa ayanta pampamuy, nispa.

2~Reyes 12:4

Huk punchawmi sacerdotekunata rey Joás nirqa: Tayta Diospaq sapaqchaspa temploman apamusqanku qollqetawan sapa runapa impuesto qosqanta chaynataq voluntadninkuman hina apamusqanku qollqeta huñuychik,

2~Reyes 12:5

sapa sacerdote aylluykichikkunamanta chaskiychik hinaspa chaywan Tayta Diospa templonta allichachiychik, nispa.

Éxodo 30:14

Pipas iskay chunka watayuqmanta hanayman yupasqa kaqmi ñoqa Tayta Diosman pagawanqa.

Éxodo 38:24

Carpata ruwananpaq qorimanta ofrenda qosqankum karqa isqon pachak soqta chunka pichqayuq kilo cuarton. Chaynaqa, santuariopi pesoman hinam karqa.

Éxodo 38:26

Iskay chunka watayuqmanta hanaymanmi runakuna yupasqa karqaku soqta pachak kimsa waranqa pichqa pachak pichqa chunka. Paykunam sapakama qorqaku pichqa gramo parten qollqeta. Chayqa karqa santuariopi pesoman hinam.

Ezequiel 45:12

Llasaqkunata pesanankupas kaynam kanqa: Iskay chunka gera sutiyuq tupunam kanqa huk siclo, huk siclom llasanqa chunka hukniyuq gramota, soqta chunka siclom kanqa huk mina.

Levítico 27:25

Imakunapapas precion tasasqaykichikqa kanqa santuariopi pesoman hinam, chay santuariopi pesoqa yaqa media onzam.

Levítico 27:3

iskay chunka watayuqmanta soqta chunka watayuqkamam qari kaptinqa santuariopi pesoman hina medio kilo masnin qollqeta tasankichik.

Levítico 5:15

Sichum pipas mana yachastin ñoqapaq chuya kaqkunata mana qowaqniy runaqa ñoqa Tayta Diospa contraypim huchallikurun, sayachipuwananpaqmi sano carnero ofrendata apamuwanqa. Chay carneropa preciontam santuariopi pesoman hina churankichik.

Números 18:16

Chaynataqa ruwanqaku nacesqanmanta huk killayuq kachkaptinmi. Santuariopi pesoman hinam iskay onza qollqewan kutichikunqaku. Santuariopi pesoqa karqa yaqa media onzam.

Números 3:47

sapa churimanta santuariopi pesoman hina iskay onza qollqeta mañanki. Chay santuariopi pesoqa yaqa media onzam.

Números 7:67

Paypas ofrecerqa punta ofreceqkunapa ofrendanta hinallam.

Números 7:86

Incienso huntayuq qorimanta chunka iskayniyuq wisllakunañataqmi sapakama yaqa tawa onzatakama llasarqa. Chaynaqa, qorimanta llapallan wisllakunapa llasayninqa karqa yaqa kilo cuartonmi.

Mateo 17:24

Capernaúm llaqtaman chaya-ruptinkum, templopaq impuesto cobraqkuna Pedroman asuykuspanku kaynata tapurqaku: ¿Yaqachu Yachachiqniki templopaq impuestota pagan? nispanku.

Mateo 21:12

Jesusmi temploman yaykurqa, hinaspam chaypi rantikuqkunatawan rantiqkunata qarqorqa. Qollqe cambiananku mesakunatawan paloma rantikuqkunapa sillankunatapas wikaparurqam.

Mateo 27:24

Hatun chaqwata qawaykuspanmi Pilato mana ima ruwaytapas atirqachu. Chaymi yakuta aparachimuspan runakuna qawachkaptin makinta mayllakururqa, hinaspam nirqa: Kay runapa wañusqanmantaqa manam huchayuqchu kasaq, qamkunam huchayuqqa kankichik, nispa.