Éxodo 30:12 - CHUYA QELLQA La Biblia en Quechua de Ayacucho 2012

¹² Israelpa mirayninkuna sapakama censasqa kaspankuqa vidankupa rantinpim ñoqa Tayta Diosman apamuwanqaku, chaynapim yupachikusqankumanta mana ima onqoytapas kacharimusaqchu.

Quechua Ayacucho Bible 1987

¹² —Censospa yupasqaykiman hinam Israelpa mirayninkuna sapakama vidankupa rantinpi pagawanqaku ñoqa Tayta Diosman chaynapim yupachikusqankumantaqa ima onqoytapas mana kachaykusaqchu.

Chuya Qellqa 1992

¹² Israelpa mirayninkuna sapakama censasqa kaspankuqa vidankupa rantinpim ñoqa Tayta Diosman apamuwanqaku, chaynapim yupachikusqankumanta mana ima onqoytapas kacharimusaqchu.

Éxodo 30:12 Iomraidhean Croise

1~Crónicas 21:1

Satanasmi Israelpa contranpi hatarispan, Israel nacionpi runakunata yupachinanpaq Davidta kallpancharurqa.

1~Crónicas 21:12

kimsa wata muchuy kanantachu, kimsa killapuni enemigoykikunapa guerrapi vencesqan kaytachu, icha kimsa punchawpuni peste onqoywan kay nación castigasqa kanantachu, chay peste onqoywanmi Tayta Diospa angelnin Israelpi runakunata wañuchinqa. Chaynaqa, allinta tanteaykuspa akllakuykuy, chaynapi kutispay kachamuwaqniyman willamunaypaq, nispa.

1~Crónicas 21:14

Chaymi peste onqoyta Israel runakunaman Tayta Dios kachaykamuptin qanchis chunka waranqa runakuna wañururqaku.

1~Crónicas 21:3

Joabñataqmi reyta nirqa: Tayta Diosyá kay nacionpi runakunata kunan kasqankumantapas pachak kuti mastaraq mirachichun. Reynilláy, ¿manachum paykunaqa llapallankupas serviqnikikuna? ¿Imapaqtaq runakuna yupachiyta munanki, chaynapi Israelta huchallichinaykipaq? nispa.

1~Crónicas 27:24

Sarviapa wawan Joabmi runakuna yupayta qallaykurqa, ichaqa manam yupayta tukurqachu, Israelpa mirayninkunata peste onqoywan Dios castigasqanrayku. Chayraykum rey Davidpa vidanmanta willakuq libropiqa haykam yupasqa kasqankupas mana qellqasqachu karqa.

2~Crónicas 24:6

Hinaptinmi sumo sacerdote Joiadata qayachimuspan rey nirqa: ¿Imanasqataq llapa levitakunata mana hikutarqankichu Judá nacionmantawan Jerusalenmanta impuestokunata apamunankupaq? Chaytaqa Tayta Diospa serviqnin Moiseswan Israel runakunam tanteanakurqaku Diosman asuykuna carpaman apamunankupaq, nispa.

2~Crónicas 24:9

Chaymantam Jerusalenpi hinaspa Judá nacionpi yachaqkunaman willachimurqa, Tayta Diosman ofrendankuta apamunankupaq. Chaytam Israel runakunata chunniqpi kachkaptinku Tayta Diospa serviqnin Moisés kamachirqa.

Jobwan Sutichasqa Libro 33:24

chay runamanta llakipayarikuspanyá Diosta kaynata nichun: “Wañuymanta libraykuy, payqa tarirunñam salvaqninta”, nispa.

Jobwan Sutichasqa Libro 36:18

Chaynaqa, cuidakuyá, yanqañataq qori-qollqeta chaskikuruspa rantirachikuwaq, yanqañataq regalokunata chaskikuruspa pantayman wichiykuwaq.

Éxodo 30:11

Moisestam Tayta Dios nirqa:

Números 31:49

Hinaspam nirqaku: Guerraman pusasqayku tropakunatam yuparuniku ichaqa manam chullallapas faltanchu.

Números 31:50

Chayraykum sapakama tarisqaykuman hina qori alhajakunamanta ofrendata Tayta Diosman apamuniku: Brazaletekunata, pulserakunata, anillokunata, aretekunata, collarkunata. Chaykunatam Tayta Diosman apamuniku huchayku pampachasqa kananpaq, nispanku.

Mateo 20:28

Chaynam runapa Churinpas, manam servichikunanpaqchu hamurqa, aswanqa servispan runakunapa rantinpi vidanta qonanpaqmi, nispan.

Marcos 10:45

Chaynam runapa Churinpas, manam servichikunanpaqchu hamurqa, aswanqa servispa achka runakunapa rantinpi wañunanpaqmi, nispa.

1~Timoteo 2:6

Paymi llapallanchikta salvawananchikpaq kikinmanta entregakurqa hinaspam rantinchikpi wañupuwarqanchik. Kayku-natam Dios reqsichiwanchik munasqan tiempopi.