Éxodo 3:9 - CHUYA QELLQA La Biblia en Quechua de Ayacucho 2012

⁹ Israelpa mirayninkunapa qayakamuy-nintam uyariruni, rikunitaqmi Egipto runakunapa ñakarichisqantapas.

Quechua Ayacucho Bible 1987

⁹ Israelpa mirayninkuna waqasqantam uyariruni, rikunitaqmi Egipto runakunapa ñakarichisqantapas.

Chuya Qellqa 1992

⁹ Israelpa mirayninkunapa qayakamuynintam uyariruni, rikunitaqmi Egipto runakunapa ñakarichisqantapas.

Éxodo 3:9 Iomraidhean Croise

Génesis 16:11

Wiksayuqmi kachkanki, qari wawata wachakuspaykim Ismaelwan sutichanki. Waqasqaykitam Tayta Dios uyarirusunki.

Génesis 31:12

Payñataqmi niwarqa: “Muyaq carnerokunata qawariy. Llapallanmi allqakuna, cheqchikuna hinaspa murukuna. Labanpa tukuy mana allin ruwasusqaykitapas rikurqanim.

2~Reyes 13:4

Hinaptinmi Tayta Diosta Joacaz qayakurqa, chaymi Israel runakunapa ñakarisqanta qawaspan Joacazpa mañakusqanta Tayta Dios uyariykurqa; paykunataqa Siria nacionpa reyninmi ñakarichirqa.

2~Reyes 20:5

Kutirispayki rey Ezequiasman kaynata nimuy: “Ñawpaq taytayki Davidpa yupaychasqan Tayta Diosmi kaynata nin: Mañakuwasqaykitam uyariykuyki, rikurqanitaqmi waqasqaykitapas, sanoyarachiptiymi kimsa punchawmanta temployman rinki,

Nehemías 9:9

Egipto nacionpi imaynam taytaykupa ñakarisqantam qawarqanki, Puka lamar qochapa patanpi qayakusqankutam uyarirqanki.

Éxodo 1:11

Chaynapim capatazkunata churarurqaku, sasa llamkaykunawan Israelpa mirayninkunata ñakarichinankupaq. Paykunawanmi ruwachirqaku Pitón llaqtatawan Ramesés llaqtata, chay llaqtakunapim rey Faraón kawsaykunata waqaychaq.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Éxodo 1:8

Chaymantam Egipto nacionpi, Joseyta mana reqsiq musoq reyña munaychakurqa, paymi runankunata nirqa:

Éxodo 2:23

Watakuna pasaruptinmi Egipto nacionpi rey wañururqa. Israelpa mirayninkunañataqmi esclavo kasqankurayku llumpay ñakariypi karqaku, chaymi waqaspanku Diosta mañakurqaku.

Éxodo 2:25

Chaymi Israelpa mirayninkuna imaynam tarikusqankuta Dios qawaykurqa.

Éxodo 3:7

Hinaptinmi Tayta Diosqa nirqa: Llaqtaypa Egipto nacionpi ñakarisqantam qawachkani, llamkachiqninkuna ñakarichiptin waqasqankutam uyarichkani, yachanitaqmi nanaypi kasqankutapas.

Eclesiastés 4:1

Kay pachata qawarispaymi rikchaqmana ñakarichinakuyta rikurqani: Ñakarichisqakunam waqanku, ichaqa manam pipas consuelaqninku kanchu; atiyniyuqkunam ñakarichinku, manam pipas consuelaqninku kanchu.

Eclesiastés 5:8

Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Amós 4:1

Basán lawpi wira vacakuna kaqlla Samaria llaqtapi warmikuna, qamkunam wakchakunata usuchinkichik, mana imayuqkunatam sarutyankichik. Qosaykichiktam kamachinkichik vinota apamuy tomananchikpaq, nispaykichik. Qamkunayá kayta uyariychik.

Deuteronomio 26:7

Chaymi Tayta Diosta, ñawpaq taytanchikkunapa Diosninta mañakuptinchik uyariykuwarqanchik, hatun llakikuypi kasqanchiktapas, tukuy imapi llamkasqanchiktawan ñakarichiwasqanchiktapas qawarqam.

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.