Éxodo 3:8 - CHUYA QELLQA La Biblia en Quechua de Ayacucho 2012

⁸ Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Quechua Ayacucho Bible 1987

⁸ Chaymi uraykamuni Egipto runakunamanta libranaypaq. Egipto nacionmantam tukuy imakunapapas kasqan hatun sumaq allpaman paykunata pusasaq. Chay allpapim *f**yachachkanku Canaan casta runakuna, Het casta runakuna, Amor casta runakuna, Ferez casta runakuna, Hiv casta runakuna hinaspa Jebus casta runakuna.

Chuya Qellqa 1992

⁸ Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Éxodo 3:8 Iomraidhean Croise

Génesis 11:5

Ichaqa Tayta Diosmi uraykamuspan runakunapa ruwasqan llaqtata chaynataq torretapas qawaykurqa.

Génesis 11:7

Chaynaqa, uraykuspanchikyá rimayninkuta chaqwaramusun, chaynapi rimasqankuta mana entiendenakunankupaq, nispa.

Génesis 15:13

Chaymi Abramta Tayta Dios nirqa: Miraynikikunaqa cheqaptapunim hukpa llaqtanpi yachanqaku, hinaspam chay runakunapa esclavon kaspanku tawa pachak wata ñakarichisqa kanqaku.

Génesis 15:14

Ñoqañataqmi ñakarichiqninku nacionta ñakarichisaq, chaymantam miraynikikuna llumpay apu lloqsimunqaku.

Génesis 18:21

Chaynaqa, rispay qawaramusaq, niwasqankupi hinachus ruwayninku kachkan icha manachus, chaynapim yachamusaq, nispa.

Génesis 43:11

Chaymi taytanku Israel nirqa: Chayna kaptinqa kaynatayá ruwaychik, chay runamanyá kay Canaán lawpi allinnin regalokunata apaychik: Aslla balsamota, mielta, miski asnaq perfumekunata, mirrata, nuezkunata hinaspa almendrasta.

Génesis 46:4

Ñoqam qanwan kuska Egipto nacionman risaq. Ñoqataqmi kutichimusqaykipas, Joseypa qayllanpim wañukunkipas, nispa.

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

1~Crónicas 1:15

heveokuna, araceokuna, sineokuna,

Nehemías 9:8

Qanmi allin sonqoyuq kasqanta qawaykurqanki, chaymi paywan huk pactota ruwarqanki, Canaán, Het, Amor, Ferez, Jebús hinaspa Gerges runakunapa allpanta, Abrahampa mirayninman qonaykipaq. ¡Huklla rimaq kasqaykiraykum imam nisqaykita cumplirqanki!

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Éxodo 13:5

Tayta Diosmi cananeokunapa, heteokunapa, hititakunapa hinaspa jebuseokunapa allpanman pusasunkichik. Ñawpaq taytaykichikmanmi jurarqa tukuy imakunapa kanan chaynataq tukuy kawsaypa qespinan allpata qosunaykichikpaq. Chay allpaman yaykuspaykichikmi kay fiestata Abib killapi ruwankichik.

Éxodo 3:17

Ñoqam Egipto nacionpi ñakarisqaykichikmanta hurqosqaykichik, cananeo, heteo, amorreo, ferezeo, heveo hinaspa jebuseo ayllukunapa allpanman. Chayqa lliw kawsaykunapa qespinan chaynataq tukuy imapapas kanan allpam”, nispa.

Éxodo 34:11

Kunan kamachisqayta kasukuychik, ñoqam ñawpaqnikichikmanta wischusaq amorreokunata, cananeokunata, heteokunata, ferezeokunata, heveokunata hinaspa jebuseokunata.

Éxodo 5:23

Faraonta qampa sutikipi rimapayaq yaykusqaymantam runaykikunata ñakarichichkan. Qamqa manam runaykikunata libraykunkichu, nispa.

Isaías 36:17

Hamuspay kay yachasqaykichik hina allpaman, kawsaypa, vinopa, mikuypa, uvaspa kanan allpaman pusanaykama.

Isaías 64:1

Amalaya cielokunata llikispa uraykamuptiki, orqokunapas qayllaykipi katkatataspa chullurinmanraq,

Jeremías 11:5

Chaynata ruwaptikichikqa ñawpaq taytaykichikman prometesqaytam cumplisaq. Paykunamanmi prometerqani tukuy imapa qespinan chaynataq tukuy imapa kanan allpata. Chay allpapim kunan yachachkankichik, nispa. Chaymi ñoqa Jeremías nirqani: Dios Taytalláy, chaynayá kachun, nispa.

Jeremías 2:7

Tukuy imakunapa wiñanan allpamanmi pusamurqaykichik, chay allpapa allinnin rurunta mikukunaykichikpaqmi pusamurqaykichik; qamkunam ichaqa yaykuruspa qachacharunkichik, allpaytam millakuypaqta ruwarunkichik.

Jeremías 32:22

Ñawpaq taytaykuman juraspa prometesqayki allpatam, tukuy imapa qespinan chaynataq tukuy imapa kanan allpatam paykunaman qorqanki.

Ezequiel 20:6

Chay jurasqay punchawmi prome-tekurqani paykunata Egipto nacionmanta hurqospay tukuy imapa kanan chaynataq tukuy imapa qespinan allpaman pusanaypaq. Chay allpaqa wakin allpakunamantapas aswan allin allpam.

Levítico 20:24

Chayraykum nikichik: Qamkunam paykunapa allpanpi munaychakunkichik, kikiypunim qosqaykichik tukuy imakunapapas kasqan allpata. Ñoqam wakin nacionkunamanta rakiqnikichik Tayta Dios kani, nispa.

Números 13:18

Imaynam allpa kasqantam qawamunkichik, chaypi yachaq runakunapas kallpasapachu icha manachu, paykunaqa asllachu icha achkachu kanku,

Números 13:19

imaynataq yachasqanku allpakuna, allinchu icha manachu; yachasqanku llaqtakunaqa campamentokunallachu icha murallasqa llaqtakunachu.

Números 13:27

Willakuspankum nirqaku: Kachawasqaykiku allpamanmi chayarurqaniku, cheqaptapunipas chay allpaqa, tukuy imapa kanan allpam kasqa. ¡Kayqaya chay allpapa rurunkuna!

Juan 3:13

Manam pipas hanaq pachataqa rirqachu, aswanqa runapa Churillanmi, paymi hanaq pachamanta uraykamurqa.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Deuteronomio 1:25

Qawamuspam chay allpapa rurunkunatapas apamurqaku, hinaspam kaynata willawarqanchik: “Señorninchik Tayta Diospa qowananchik allpaqa allinmi kasqa”, nispanku.

Deuteronomio 1:7

Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Deuteronomio 27:3

Chay rumikunapim kay willasqay yachachikuykunata qellqankichik, chaynataqa ruwankichik Señornikichik Tayta Diospa qosunaykichik tukuy imapapas kanan chaynataq tukuy imapapas qespinan allpaman yaykuruspaykichikmi. Chaynatam ñawpaq taytanchikkunaman Tayta Dios prometekurqa.

Deuteronomio 28:11

Tayta Diosmi tukuy imatapas llim-parichkaqta qosunkichik: Churikichik-kunatam mirachinqa, mirachinqataqmi animalnikichikkunatawan cosechaykichikkunatapas. Chaynatam ruwanqa ñawpaq taytaykichikkunaman qosunaykichikpaq prometesqan allpapi.

Deuteronomio 6:3

Chaynaqa, Israelpa mirayninkuna, kasukuspayá ruwayman churaychik, chaynapi tukuy imapa qespinan chaynataq tukuy imapa kanan allpapi achkallataña miranaykichikpaq. Chay allpataqa ñawpaq taytaykichikkunapa yupaychasqan Tayta Diosmi prometewarqanchik.

Deuteronomio 7:1

Señornikichik Tayta Diosmi yacha-naykichik allpaman pusaykususpaykichik qamkunamantapas hatun chaynataq atiyniyuq qanchis nacionkunata qayllaykichikmanta wischunqa; chay nacionkunam kaykuna: Heteo-kuna, gergeseokuna, amorreokuna, cananeokuna, ferezeokuna, heveokuna chaynataq Jebuseokuna.

Josué 5:6

Israelpa mirayninkunaqa, tawa chunka watam chunniqpi purirqaku guerraman lloqsiq qarikuna tukunankama. Mana kasukusqankuraykum Tayta Dios jurarqa ñawpaq taytankuman prometesqan tukuy imapa kanan chaynataq tukuy imapa qespinan allpata mana qawachinanpaq.

Josué 9:1

Jordán mayupa kaylaw chimpan orqokunapi, pampakunapi chaynallataq hatun lamar qochapa patanmanta qallaykuspa Líbano law orqokunapi yachaq reykunam tukuy chaykunata uyarirurqaku. Paykunam heteokuna, amorreokuna, cananeokuna, ferezeokuna, heveokuna hinaspa jebuseokuna karqaku.

Josué 9:7

Israelpa mirayninkunam ichaqa chay heveokunata nirqaku: Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.